جيتك وانا كلي من الشوق طاير
ونقطة ( مرور ) بحيكم خالفوني
قالوا اش بلاك بسرعة البرق ساير
لا مـا دروا الـمـنـتـظر هي عيوني
هالـحـيـن نحجز سيارتك بالدواير
قلت احجوزهـ ويـمـهـا وصلـوني
اهـم شـي تـلـمـس يدينـي الظفاير
لو كان عقبة شـوفـتـك يسجنوني
لو العسكري يدري بخافي الظماير
ما كــان عـنـك يـالـغـلا حـيـروني
جاني ملازم قال لي ويش صاير
وشب المواطن ذا بوجهه غبوني
شاف الحزن فيني مع الدم فاير
فـقـلـت له اقـسم قـسم اخروني
عن موعد قد سقت لـجـلـه بـشاير
والشوق له ياخوك حرك شجوني
طلع الملازم من كبار العشاير
فقمت انتخي بالقبيله ساعدوني
اعطاني الرخصه وهو صدق حاير
وشكله بعد مستغرب<ن> من جنوني
قال انتبه تدخل بأحدى العماير
وخفف السرعه تركد بهوني
وهذا انا جيتك ودمعي عباير
كلي فدا وجهك ولو بهذلوني
قالت عليك القلب اصبح شطاير
ادق جوالك عسى اطمنوني
قلت العفوا لكن هالظرف جاير
ماهو بكيفي غصب هم اخروني
المواضيع المتشابهه
العرض الشجري