عبدالرحمن الميزاني وبرج التجاره

[عبدالرحمن الميزاني]

[poem=font=",6,black,bold,italic" bkcolor="transparent" bkimage="" border="none,4," type=2 line=1 align=center use=ex num="0,black""]
يالي سلامك على اصحابك تكاثرته = الصد خله لناس(ن) يستحقونه

والي بحبك طوال الوقت دمرته = بالله ابا انشدك كيف تعيش من دونه

وانت الذي من قديم الوقت سايرته = يالين خليت نفسه فيك مفتونه

وتمــــرّ تمشي مع الشارع ماعبرته = وصاحبك واقف ويمك تنظر عيونه

لاتحسب ان الليال السود غيرته = ولاتحسب ان العرب غيرك يسلونه

حتى ولو الظروف الصعبه اجبرته = لو غاب مده لزوم انتم تعذرونه

الوقت قاسي وكل الناس خابرته = والحب سنّــــــه وكل الناس يمشونه

وبرج التجاره هل الاحزاب فجرته = وكل المريكان عجزو لايعيدونه

حتى ولد بوش جالس ينظر غبرته = والقاعده بالتصاريح يتبنونه

والاانت حربك على مغليك كثرته = وخليت كل العرب فعلك يشوفونه

وجمر الغضاء في صميم القلب سعرته = لو جبت كل المطافي مايطفونه

حتى كتاب الغلا والود بعثرته = مزقتي اوراق كانت فيه مصيونه

وإن كان قلتي هذا مانيب خابرته = الظاهر انك يابنت الناس مجنونه
[/poem]