إلى متى التحطيم !!

[شذى العبير]

السلام عليكم ورحمة الله وبركاته

بقولكم موضوع من سنين وهو يصير لين الحين

في الخفجي من قبل مدرسات الثانويات واظن هم مو الوحيدات بالمملكة في منهم الكثير بكل انحاء المملكة

الى متى التحطيم

تدخل مدرسه تشرح درس وتستلم طالبه ماجاوبت على سؤال سب وشتم وانتي فاشلة وانتي عمرك مراح تتغيرين

وين الأسلوب ..

تجي مدرسة ثانية تسكت الطالبات وتقول ترى لساني وسخ وتعترف بهالشيء كنه فخر لها ..

والا تجي مدرسه وهي كل سبت تصير تفتش اضافير البنات والي اضافرها طويله ترسلها الأداره تقص اضافيرها الأمر المضحك المدرسه الي فتشت اضافيرها طويله والأداره نفس الشيء


والأمر الي يقهر وانا مزعلني هالشيء كثير كثير على كثر تفتيشاتهم مايطالعون اهم شيء وهو ريحتهم نسو حديث الرسول صلى الله عليه وسلم :
(( أيما امرأة استعطرت فمرت على قوم ليجدوا من ريحها فهي زانية ))
يعني بدل تفتشين اضافر طالعي ريحتك والله على نهاية الدوام ريحتهم تصقع عطر مركز تقول متعطره الصبح بالمدرسه يعني وش رايك عطر اصلي بتروح ريحته ب ساعه ؟ وتبي ترجع تقول يعني ابقى ماتعطر
ارجع اقول لاتحطين مركز


نرجع الزبدة مع اسلوب المدرسات
تجي مدرسة هلا فلانه انتي اخت فلانه ترى مستواك نازل مثلها ..

استغفر الله العظيم قسم با الله تحطيم انها تقارن اختين ببعض وبمسوى وهذي بسنه وهذي بسنه واصابع يدكم مو سوى



ياناس ليش مايصير في دروس خاصه للمدرسات يعلمونهم الأدب والأخلاق وكيفيه التعامل مع * المراهقات *

هم بنات صغار حتى لو كانو بالمرحلة الثانوية والله مهما طلع منهم مفروض المدرسه تكسبها لاتشتمها ولا تحطمها


المدرسة هدفها توعية البنات وتثقيفهم مصيبه اذا مدرسة اجيال مفحط بمخها


* لاتعلقون على اسلوبي او على خطأ املائي *
* بس قولولي شيء واحد هو عيب لو يصير فيه ندوه تربويه للمدرسات ؟*


وأستودعم الله التي لاتضيع ودائعه