[align=center]
:
:
صبــآح / مساء ...!!
الورد ...!!
:
:
لن أتفلسف .. ولن ازيد .. ولن أعيد ..!!
هو .. وحده ( سعد علوش ) ..!!
يثبت لي .. أن .. لـ الإبداع .. عاصمة .. لآ تكتمل إلا به ....!!
مبدع .. لآخر .. حكايات الجمال ....!!
وأكثر ..!!
تفضلووووووه ..!!
خلوها.. يا اهل الشعر واخماس الاسـداس
قصيـدتـي هــذي خطـيـرة مثـيـرة
لله.. وللتـاريـخ.. ولـكـل هـالـنـاس
ولهالحـيـاة الـزايـلـة والـمـريـرة
واللـي مهـوب لـذروة الفكـر عسـاس
ينضـم لأصحـاب النـفـوس الكسـيـرة
الله الاول مـن قـبـل لـفـظ الانـفـاس
عـز وجـل مـن الظـنـون الصغـيـرة
ما مثـل مثلـه مثـل.. ولا لـه اجنـاس
يخـلـق مخـلـوقـه ولا يستـشـيـره
اذل لـه وانصـاع لـه واحنـي الـراس
اللـي جعلنـي مـا عـبـد رب غـيـره
عساه يكسونـي مـن السنـدس ألبـاس
فـي يـوم يعرابـه الاميـرة ول امـيـره
شاعر وذنبـي غيـر وسكوتـي اجـراس
ونفسـي علـى مـا الله عطاهـا فقيـرة
من كثر ما اعطي حب واخلاص واحسـاس
انـا معـاد اعـرف وشـلـون اصـيـره
فـي عقلـي الباطـن عقيـدة ونومـاس
وفـي واقعـي خـوف وتـردد.. وحيـرة
هل يا ترى؟ ببنـي علـى حلمـي اسـاس
أم يـا تـرى ببقـى علـى هالوتـيـرة؟
والافلاس ما هو افلاس من حلم.. الافلاس؟
اذاك مــا تمـلـك لنفـسـك بصـيـره
مـا خلـق شـي الا بـقـدر ومقـيـاس
مـا شـي يغلـب شــي او يستعـيـره
اللي خلق خـوف وخلـق ضيقـة ويـاس
خلـق امـن وافـراح وحـب وبـريـرة
لـذلــك الله لا يولـيـنـي انـجــاس
ويكسونـي بفضـلـه ومـنـه وخـيـره
الـرب اذا تحتـاج لـه صـرت نـبـراس
والانسان اذا تحتـاج لـه صـرت اسيـره
والناس ناتـج نـاس استلطفـوا نـاس؟؟
ابنـاء رغـبـة واستهـامـة وغـيـره
لولا التلاطف واللـي مـا بيـن الاقـواس
مـا شفـت هالعالـم شفوحـه غفـيـرة
نـدور ويـدور بـنـا كــل هـوجـاس
ومـن اجـل ذلـك روسنـا مستـديـره
الكـل تايـه فـي مصـيـره ومحـتـاس
ومـا هـوب هـو اللـي يحـدد مصيـره
فياليـت مـا تنسـى الذواليـق غــراس
ومـا ينسـى مجـرى الميـاه وخـريـره
اعلم اللي عـاث مـن بعـد مـا جـاس
تـرى الجهـل راس الامـور الشـريـرة
الانسان لـو يملـك مـن الجـن حـراس
احـقـر ذبـابـة قــادرة تستـثـيـره
وين الملوك اللي علـى اقبـاب الافـراس
راحـو وخـلـوا المغـريـات الكبـيـرة
هالأرض ياللـي برجـل النـاس تنـداس
بواقـي ابــن دواد وابــن المغـيـرة
الله يلـعـن كــل مـشـرك وخـنـاس
والله يلـعـن هالـحـيـاة القـصـيـرة
صغـيـر الادراك وصغـيـر الـبــاس
يشـوف كـل النـاس مثـلـه صغـيـره
يـا قلـب بـرد كـل مـا هـب نسنـاس
مــا دام هااليمـنـى نـديـة جـديـره
يفـداك مـن رزقـه قتـات وتـمـراس
لـولا رئتيـنـه مــا طـلـع زفـيـره
شفـاه مـن طــرد المـلـذات يـبـاس
وهـو علـى عـد الــرواة وغـديـره
حديـثـه فيمـاقـال حـمـزة فعـبـاس
مـا حـدث لمسلـم عـن ابـو هريـرة
العمـر فرحـة وحـده وعشـرة اتعـاس
ومـن لا يجيـره خالقـه مـن يجـيـره
ومن عاش شـاف وكـل غبـه بغطـاس
والصـدق خيـرة مذخـرتـه الذخـيـره
كل ما اكتشفـت مـن الاصاحيـب بـلاس
اقــول يالله جـعـل فـالامـر خـيـره
خيره تعرف ان به من اصحابـك اخسـاس
خيـره ولكـن يـا عسـاهـا الاخـيـره
اقسـى جـروح النـاس تغلبـه بنعـاس
مـا يـذبـح الانـسـان.. الا ضمـيـره
بعض البشر مثـل ابتسامـات الاعـراس
على كثـر مـا هـي مثيـرة.. ضريـره
وحيـد ولا عنـدك مـن النـاس جـلاس
اخيـر مـن شــر الـكـلام وسعـيـره
والكل مـا يخلـو مـن اخبـاث وادنـاس
فـي كـل نفـس هنـاك حاجـة حقيـره
ف من قبل لا سوي مشاكـل مـع النـاس
عنـدي مـع نفسـي مشـاكـل كثـيـره ....!!
:
:
لكم كل ودي ...........!
سلالالالالام ..!! [/align]
المواضيع المتشابهه
خيرة تعرف أن به من أصحآبك .. إخسآس .. ( سعد علوش ) ..!!
العرض الشجري