قصيدة .. للشاعر : مانع الخالد ...
سولفت لك ماعاد فيه الكفاية
............................. ولا ودّي أكثر أعترف وأنفض الكيس
تبي الصراحة مابقى للنهاية
............................. خطوة .. ثلاثة .. خمس وأتبع هوى إبليس
يا الأجودي وأدنى طموح البداية
............................. كرسي مثل ماكان عندك يا بلقيس
وساعة صحينا وإنتهت هالرواية
............................. أكبر طموحات الجمل يرضي التيس
يا صاحبي ماعاد عند دراية
............................. هنا حزن وهنــاك زفــّـــوا معاريس
منهو معافى دخلوه العناية
............................. واللي يبي الفزعة توطــّــوه بالعيس
حالة ولادة ماتعالج بـ ( داية )
............................. تبي لها خبرة ماهو علم تدريـــس
الشرع يقنع لاحكى شيخ آية
............................. وش يقنعك يا من عشقت القواميس
رجل يتبلعم لا نطق يوم ( رأيه )
............................. ورجل إليا خاطب يفكّ المحـــابيس
ماكل من يكتب يحب القراءة
............................. وما كل من يضحك .. عديم الهواجيس
سولفت لك وأنا أعترف بالنهاية
............................. إني نفضت الكيس .. ملعون أبو الكيس
الشاعر مانع الخالد ...
المواضيع المتشابهه
العرض الشجري