عادي وإذا يعني عشيري هجرني
................... ما همني لا هو ولا اللي يقولون
كم واحد قبلة وفيت وغدرني
................... ما قامت الدنيا ولا صرت مجنون
وأن كان قصدك في الخسارة خسرني
................... وأن كان قصدك بالعطايا يولون
محدٍ على ذيك العطايا جبرني
................... و شرواي لا من هم عطوا ما يمنون
شئ خذيته من أبوي وشهرني
................... الطيب اللي حي ولو كان مدفون
و بالشدّه اذكر بالرخى من ذكرني
................... وأجيه أنا من أقصاي لا صار مغبون
واتعب على اللي لا جرحته وعذرني
................... وامسك عليه آليا خطى كلمة اتمون
واشكر كرم منهو عطيته وشكرني
................... والله يسامح من خذا وقال مديون
رح للذي تو ما عرفني وخبرني
................... وقله ترى نصـّــار كلمني هاللون
كل الجفى اللي منهم ما عسرني
................... صارو معي ولا على ما يهمون
لـي الشرف غير الزمن ما كسرني
................... أطيح وأضحك له وأنا كلي أطعون
حتى ولو طيبي ذبحني ودمرني
................... أموت لي منّه ولا أموت ممنون
صحيح أنا طيب وعقلي كبرني
................... لكن إذا ضاقت علي صرت مجنون
الشاعر : نصار الظفيري
المواضيع المتشابهه
العرض الشجري