بسم الله الرحمن الرحيم
اليكم القصه والقصيده ..
وحيده ترقد في احد المستشفيات منذ سنوات
قصتها مؤلمه للغايه
تقول هذه السيدة قبل سنوات جاء زوجي وطلب مني اروح معاه السوق وقالي اشتري اللي تبين وبأي سعر واشتريت افخم الثياب واجملها وجميع المستلزمات للبيت وغيره
ورجعت للبيت مسرورة وفرحانه فجأة قالي زوجي كل هالاغراض مو لك هذي لزوجتي الجديدة وانتي الحين طالق ..بعد هالحادثة اصيبت الزوجة بجلطة وغيبوبه جلست في المستشفى ولا احد يزورها غير اخ لها زارها كم مره وبعدين بطل لما طالت المدة
وبقية القصه تجدونها في هذه الآبيات المؤلمه
تكفين ياطيـور حـرار افزعيلـي ...............
ابي عن اديار الاهل منـك الاخبـار
تكفين حومي فوقهم وارجعي لـي ........
والا ان حصل لك حومة داخل الـدار
تكفين حول ابيوتهـم دوري لـي ..........
سبعة فروخ يـوم اخليهـم صغـار
شوفي ضناي وعودي وانكفي لي .....
وشلونهـم ياعلهـم صارواكـبـار
نسيوّ ادفاي ونومهم فـي شليلـي ......
وش علمهم ياعلهم طـول الاعمـار
قولي لهم أن امكـم لـه عويلـي .........
خمسة سنيـن دمعهـا دوم مـدرار
وقولي لهم اني على طـول ليلـي ......
انـوح ولياقـرب الصبـح انهـار
وقولي عيونه دايـم لـه هميلـي ..........
تبكي لياشافـت مـن النـاس زوار
كل يوم اقول اغدي حديهم يجي لي ......
راحـت سنيـن مابهـم واحـد زار
وانا اللي من سبة سوات الحليلي ...........
حالي تـردت كـل مالـه وتنهـار
وفرقى ضناي اللي تردت بحيلـي .........
كني على شوفتهم اصلى على نـار
ياويلي كـان الله عجـل رحيلـي ...........
وانالي سنين ابـي لوهـي اخبـار
ياعونة الله الله من يبي يتكي لـي ........
جارت علي بامر الولي كل الاقـدار
تنكروا مـن يدخلـون الدخيلـي ............
واللي بوسط ديارهم يامـن الجـار
قولي لهم ياطيـور قلبـي عليلـي ........
الله يكافي قلوبهم صـارت احجـار
وانا اللي لبراق الخيال استخيلـي .......
واقـول ياعـل (......) للامـطـار
تكفين وسط ديارهم صوتـي لـي ........
شوفي عسى لاسمي مع الناس تذكار
وقولي لمن نسيانهـم يستحيلـي .......
يااللي نسيتوها تـرى الوقـت دوار
ياهيه ياللـي بالسمالـك هديلـي .......
ردي خبر تكفيـن يكفينـي امـرار
شوفي اكا اللي نومهم في شليلـي .....
من اذانه المغرب الى وقت الاسحار
شوفي اكا اللي مااهتني في مقيلي ....
الا بمقيـل معـهـم كباروصـغـار
وقولي لهم ان كان حملي ثقيلـي .......
مره يجون وعقبهـا شـي ماصـار
وانـا يتولانـي كريـم جليـلـي ...........
ياعلني في جنتـه وسـط الابـرار
وشكرا ..
المواضيع المتشابهه
سالفة امرأة حزينه ..
العرض الشجري