اقبلت ما كنها الى بنت شيخن في محله
لاعطا المظلوم حقه عاقب النفس الظلومه
اقبلت تسئل عن الى كل قلبي مستحله
ليه غايب ليه ناسي ليه مدري عن علومه
ليه انا اغلب قصيدي عن خليلن غاب خله
ليه ما افاخر بشعري وانا كل بحرن اعومه
ليه ما افاخر بربعي وانا ربعي بل الادله
نالو المجد بجداره والفخر نعرف سلومه
ليه مهجر من هجرني واترك الموضوع كله
والسما تمطر علي وما اشوف الى غيومه
ليه ليه وليه ابيه وليه سيفي ما اسله
ليه ماجرح من جرحني والعنه واسب يومه
لين ما اتعبني عتبها وصارت ادموعي مهله
لن قلبي في وليفه مارضى احدن يلومه
وابتدا سرد الكلام اللي بينشر في المجله
بعد ما طول عتبها والقلب زادت همومه
مرحبابك ياقصيده وكل دوله مستقله
كل حاكم له نظامه كل شعبن له حكومه
كل واحد تنقصه حاجه بيطلبها من الله
كل شاعر من عذابه يفضح النفس الكتومه
وانا لا غيب وليفي صرت دربي ما ادله
القمر لا غاب عني ماتعوضني نجومه
ذاك غير الناس كلها لان قلبي ما يمله
ذاك والله من يشوفه مافتكر منهم خصومه
ذاك والله لو بغاني اتبعه واصير ضله
لتبعه في كل حاجه وان طلب اقضي لزومه
من كثر ماني احبه ماحسبت الفين زله
ومن كثر ماني احبه غرت حتى من هدومه
بكتب الشعر لعيونه يمكن اشواقي تصله
ويرحم اقليب المعنا اعرفه نفسه رحومه
وليه افاخر في بيوتي وانا باني الحين فله
خل يحكم من رائها من عرعر لا تنومه
وربعي الي لحتما الميقاف مايتوك قله
مانتاخر في الملاقا والعدو نطرح عزومه
الفخر لاقلت وايلي واسئل التاريخ قله
ورعنا يرمي سهامه وماتخيب ابدن سهومه
ونعم في وايل كلها مايعيشون المذله
ونعم موصل لاهل الطيب والنفس الجزومه
وانتها سرد الكلام وخل باقيها على الله
يمكن الموت بيجيني وماتجي حزت قدومه
.
.
.
المواضيع المتشابهه
العرض الشجري