وصّى .. عليّ طيفه / وقفى بـ قلبين ..~|

[~أصداف~]

[align=center]
.
.









الحب مثل النوم .. والوصل .. الاحلام ..
.... والشين من الاحلام..صـد المحبييـن ..!!


نوم ٍ طويل ٍ / عمره شهـور واعـواام ..
.... وان قمت.. ففهمها فرااق وسهر عيـن ..


وانا رقدت وعمري اربع عشـر عـام ..
.... وصحيت في شهر اربعه عام الالفيـن ..


نـوم ٍ ثقيـل ٍ كلـه احـلام واوهـاام ..
.... ونصيبي من احلامـه الجانـب الشيـن ..


صحّى الفرااق اقلوب في عكسه..نيـام ..
.... وغاب الفرح وانا بعكسه الـى الحيـن ..


ياحزن كبدي حزن من ضاق ثـم حـام ..
.... اخذت فروخه مـادرى ليـه ولويـن ؟!


بعد ما شاف العـش عيـدان وعظـام ..
.... خاالي..تفكر فوق ويسـار.. ويميـن ..


خلا عشاها فيه ومـن الوطـى شـاام ..
.... زبن علـى روحـه وفـل الجناحيـن ..


ويا وجد حالي وجد مـن نـام ثـم قـام ..
.... على صياح امـه وهـو دون رجليـن ..


عويـق وامـه تنعتـه والنعـت سـام ..
.... وهو خابر انه يقسـم الصـف صفيـن ..


حبا وصاح بصيحـة ٍ تاصـل الشـام ..
.... منهـا تقطّـع فـي خفوقـه شراييـن ..


على وليـف ٍ قسـم ظنونـي اقسـام ..
.... واقفى وانا ما اعـرف طـرد المقفيـن ..


راح وترك في صدري ووسووم واعلام ..
.... وصـى علـي طيفـه وقفى بقلبيـن ..!!


ليتـه تعـذّر كـان مـاهـو بـمّـلام ..
.... بعد ماشـاف الـدرب بيصيـر دربيـن ..


اشوى عليه شوي..مـن عـظ الابهـام ..
.... واشوى علي شوي..من دمعـة البيـن ..


تمشـي بنـا الاقـدام والمـوت قـدام ..
.... وميعادنـا يا مفـرق اثنـيـن بعـديـن ..


ياعيـن لا تبكـيـن وعيـونـه تـنـام ..
.... عادش الى ما خـاب ظنـي بترضيـن ..


لـو الدمـوع تفيـد فـادن الايـتـام ..
.... ولـو الكـلام يفيـد عـادت فلسطيـن ..


ولـو النبـاات يطّلعـه دمعـة هيـام؟..
.... شفتوا علـى وجهـي ورود وبساتيـن ..


الحب سجن..وبعد الاحبـاب الاعـدام ..
.... وقلوبنـا السجّـان مـدري مساجـيـن ..


الحب نوم ٍ عمـره شهـور واعـوام ..
.... وان قمت ففهمها فرااق وسهـر عيـن ..



للشاعر الرائع / محمد بن فطيس ..~|

.
.
[/align]