الملك عبدالله بن عبدالعزيز ...!!!

[جوهر الراوي]

[poem=font=",6,green,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] يا الله يا ربي يا علام الأسرار=يا من له الأمر مع الكاف والنون
يا ربنا المعبود للذنب غفّار=يا خالق ٍ كل المخاليق والكون
أمّة مُحمَّد تبتهل لك بالآذكار=راجين عفوك يا إلهي ويدعون
يا ربنا ياللي لذوي الشكر شكار =والحمد لآهل الحمد باللي يسوون
قايدنا أبو متعب على الدرب صدّار=راع الفضايـــل بالمودّات مرهون
شيخ العرب لنا عميد ٍ ومختار=شيخ الشيوخ وسيّد اللي يسيدون
صدق من قال عزوة الصحب والجار=خادم بيوت الله واللي يصلون
حاكم له التقدير ومن خيرة أخيـار=والناس في حكمه لكل خير يرجون
ملك وله مكانه في زود مقـدار=وكل شعبه شاكر ٍ له وممنون
قلبه حنون ووقفته وقفة اكبار=فريــدٍ مـن نوعــه بكل شكل ٍ ولون
إذا أقبل ~ لـه تلتفت كـل الأنظار=له هيبة ٍ تخلّي الكلْ يهابون
حر ٍ كريم وشهم من نسل آحرار=له سيرةٍ عطره كما مسك مدهون
في وصف فعله كل شاعر بيحتار=متميز بفكره وتخطيط وفنون
رجل ٍ فطين وسابر ٍ كل الأغوار=صدره وسيع ويآخذ الأمر بالهون
صان الوطن من كل حاقد وغدّار=ربي يحفظه من اللي بشر ٍ يكيدون
عبدالله شمس وله أشعه وأنوار=له المودّه وكل شعبه يودون
من أخطآ واعتذر هو قابل للآعذار=يدمح زلاّت جمع من هم يزلّون
محبوب وزاده بالمحبات قنطار=لآجله كريم ومن كرام ٍ يدارون
فزّاع لا نخيته ايجيك حدّار=يقضي لزومك حتى لو كان ما يكون
مخلص وفي ولا هو للغير غـدّار=رمز الأمانه ماهو من اللي يخونون
عبدالله نبع الطيب والطيب فـوار=صريح ٍ بالحكي وله الناس يصغون
عبدالله راسمْ له طريق ٍ وبه سار=وشعبه خلفه للمعالي يسيرون
تاج الملوك ومن سماته له وْقار=له احترام ٍ فاق كلْ من يحَكمون
عبدالله قايد مستنير ٍ بالآفكار=باذل جهود بخط راسي وموزون
له منهج ٍ ثابت وله قلب صبّار=غير المفيد ماهو باللي يخوضون
للمسلمين العزوه بالخير بدّار=ملك قلوب الناس بنظرات العيون
حمى بلاده من شرور ٍ وآخطار=أعز شعبه لا ولا هم يهانون
له منجزات ٍ ماهي في عد حصّار=أكثر من آعداد العدد واللي يحصون
طلق المحيّا حين يآتيه زوّار=يرتاح له كل الحضور يتهنون
طويل باع ومن طويلين الآشبار=أبو الجميع وقدوة اللي يخَلْصون
نجم ٍ تعلى بالسمآ مثـل الأقمار=كل ٍ يعرْفه صاحب الصيت مصيون
له سيرة ٍ ما صابها طين وغبار=له الفخر عند اللي فيه يتعزوون
يشرح صدور الشعب أمرار وآمرار=بمنحة ٍ يآمر بها دون يدرون
له خطوة ٍ تنبَت على آثَرْها الآزهار=يا قلّهم من هم على النحو يمشون
جَعل بلاده قدوهْ لكل الآقطار=خُطى حثيثه للتطوّر لها بون
يستاهل التمجيد نثر ٍ مع آشعار=هو راعي الوطن بلا شك وظنون
ربي يمد بعمره مدّاد الآعمار=ويخدم بلاده خدمة العمر مليون
وصــلاة الله على النبي خير الآبرار=عدد ما يعلم الله واللي يعَرْفون
شــفيعنـا في وقت تخشع له آبصار=يوم القيامه والخلايق يخافون[/poem]

’’،

جوهر الراوي

[ماجد منيف]

صح لسااااااااااااااااااااانك
مليووون ولايسدون

وبيض الله وجهك


جزله ورائعه حقااا



تحيتي لك

[أبو رائد]

صح لسانك يا جوهر الراوي

وسلمت على هذه القصيدة الرائعة

والله يعطيك العافية

[عقيلي المجلاد]

صح لسانك

ولاهنت على هالابداع


ونشكرك على مشاعرك الطيبه والنبيله



تقبل مرروي

[جوهر الراوي]

ماجد المنيف

لله درك

مرورك الأشم الأغر العاطر أسعدني جدا

بارك الله فيك

صح بدنك وكلك

كل الود والورد لك مع التقدير والإحترام

[جوهر الراوي]

أبو رائد

لله درك

مرورك العاطر أبهجني جدا

بارك الله فيك

صح بدنك وكلك

كل الود والورد لك مع التقدير والإحترام

[جوهر الراوي]

عقيلي الجلاد

لله درك

مرورك العاطر أبهجني جدا

بارك الله فيك

صح بدنك وكلك

كل الود والورد لك مع التقدير والإحترام

[عشق الشمال]

صح لسانك ياجوهر


قصيدة جميلة جدآ .. ألف شكر

[جوهر الراوي]

عشق الشمال

لله درك

مرورك العاطر أفرحني جدا

بارك الله فيك

صح بدنك وكلك

كل الود والورد لك مع التقدير والإحترام

[سند مطر]

جوهر الراوي

ابيض وجه

والله لايهينكعلى ماتقدم من مشاعر طيبه وقصيدة جزله يابطل ...!!