تعبنا من دوامنا بالكويت

[جميلة الشاشة]

السلام عليكم ورحمة الله وبركاته
ياناس يهوووووه تعبنا من الدوم بالكويت والله مافيها الا الشقى كل يوم مع هالجوازات والتعطيل كل يوم ولاوصلتي المدرسه متاخره تسمعين انواع التهزيء غيرمشوار كل يوم ساعتين رايحه وساعتين جايه بسبب زحمه الجوازات ولاعانة المطبقات الي كل وحده نفسها براس خشمها ومعصبه على طول ويتعمدون بعضهم ياخرونا وشوفي حرق الاعصاب والتوتر الي كل يوم نعيشه كل يوم نطلع الفجر ومانوصل الا العصر بيوتنا الساعه ثلاث واربع والخناقات بين السواقين والبنات يتخانقون على اول وحده تنزل بيتها ومن اول وحده يمرها في المدرسه والسواقين يبون اكبر عدد ممكن من البنات يجمعون علشان الفلوس وشوفوا العدد المهول داخل السياره والزحمه فيها ولا وصل بعضهم من كثر الطمع يبي ياخذ قلوس الشهر كامل حتى في الاجازه النصفيه وهو ماودى ولاجاب غير المعامله الزفت من بعض الادارات ليش انا سعوديات وهم متفضليين علينا ووضفونا وقيه فرق في التعامل بين الكويتيه والسعوديه ومها قلت مارااح اوصف ولو شي بسيط من الي نشوفه كل يوم ...ماقول الا الله يرزقنا بوضيفه في ديرتنا ونرتاح..يارب

[عبدالعزيز الحاوي]

الاستاذة جميلة الشاشة تحيتي لكي
بخصوص المشوار وبخصوص الزحمة ووووالخ مااحد طقك علي يدك وقال روحي توظفي بالكويت
الان تقولين الكويتيه والسعودية وعدم المواساة الكويتية مواطنة ولها الحق ببلدها اكثر منك مقابل المواطنة وهي يمكن تشوف رسالتها الوطنية وانتي جاية هدفك مادي
والحين جالسة تتضمرين قولي الحمدلله لاتخربين علي الكثير من زميلاتك وبالعكس بلد الانسان فينا اللي فيها لقمت عيشة
اتمني اني شرحت لكي بعض الشي وارجو ان تحمدي ربك وتشكريه

[srab]

اسلوبك مو اسلوب معلمه راقيه

انا معاك بالكويت

ولا فكرت اتذمر بالطريقه اللي كتبتي فيها

عندك مشكله او ضغوط عمل

حاولي تحلينها

او قدمي استقالتك وارتاحي بالبيت

تحياتي

[عبدالله عسيري]

مؤلم ان لا يجد المرء في موطنه فرص العمل الشريف ويضطر مكرها لقبولها تحت ظروف غير مناسبة
باماكن أخرى مجاورة ومؤلم اكثر ان لا تتاح للإخواتنا السعوديات العاملات معلمات بالكويت اولوية القبول بحركة التعيينات الاخيرة بوزارة التربية لدينا
وان لا يجدن من ينقل عنهن معاناتهن ويقدم ما يشفع لهن بشرف خدمة وطنهن
أم ننتظر كارثة طريق او غير ذلك لا سمح الله ليفتح المسؤلين اعينهم لحالتهن

اتمنى بل ارجو من سعادة محافظ الخفجي الاستاذ / خالد الصفيان ان يلفت نظر ذوي الاختصاص بدراسة هذه الحالة وايجاد حل يستوعبهن ضمن هرم التعليم هنا لاسيما وحسبما تناهى لاسماعنا انهن مؤهلات وقد خضعن لاجراءات قبول صارمة لا يتم تطبيق مثيلا لها لدينا بالمملكة

[الدماار الشاامل]

الاستاذ الفاضل ساري الليل تحيه طيبة ..
أشوفك شان هجوم على الاخت بالرغم أنها ما أغلطت يوم طرحت موضوعها لتخفف من معاناتها هي وزميلاتها المدرسات..
أما بالنسبه للمساواه شوف الكويتين عندنافي الشركه ماخذين حقهم وزياده وتعال شوف أذا داوموا مايجون الا الساعه عشره ولا أحد يقدر يحاسبهم .. الحين جت علينا المساواه .. أتمنى منك مراجعة نفسك وتحكيم ضميرك في ردك .. وشكراً

الاخت شمس ..
سؤال واحد فقط ؟؟
أذا أنتي فعلاً من مدرسات الكويت ؟..أسألك بالله العظيم هل عاجبك فعلاً الوضع والمرمطه من ذرتها لمغيبها ناهيك عن مايحصل في الجوازات من تأخير وبهدله ونفسيات سيئه ومعاملات بعض السائقين ووو الخ ....ولا الدعوه مجرد مشاركه والسلام .. وأخفاء المضمون ..أتمنى أن تحتفظي بالجواب لشخصك الكريم ودمتم ..

[ولد المحدود]

البنت حطت الموضوع علشان احد يخفف عليها وتلقى حل للمشكله مو متوظف باحلى وظيفه يتفلسف علينا قل خير او اصمت

[نصراوية]

أنا مع الاخت الفاضله بما طرحته من مشكله .....................وارجو من الاخ اللي رد عليها ان يحسن أسلوبه ولا يستخف بمشاكل الناس.... واللي طرحته الاخت فعلا هو عين الصواب وأسأل الله ان يفك من ازمتها وازمة اللي يوميا يواجه مشاكل بسبب زحمة المراكز تارة ومشاكل الكمبيوتلر اللي دائما يتعطل الى جانب الكلام الكثير اللي طرحته الاخت الفاضله

[عبدالعزيز الحاوي]

الاستاذ الفاضل الدمار الشامل كيفك الحال انشالله طيب اتمني ذلك
اولا المفروض انك ادليت اخي الفاضل باطراءك لكاتبة الموضوع وتركت تعقيبي جانبا علشان مايعكر مزاجك الاخت كتبت باسلوب غير متحضر وتقريبا هي غير مدركة للعواقب التي قد تحصل لها او لزميلاتها لما كتبتة خصوصا ان مقالها هذا قد يصل باية طريقة لمسؤلي التربية بالكويت او قسم التوظيف وهناك مجموعة ماتصدق تلقي طريق عليهم وتجني علي نفسها وعلي زميلاتها وايضا لم تكتفي الاخت ولكن اقحمت المطبقات الغلابا في منفذ الخفجي واقحمت السائقين كبار السن في ذلك ايضا ولو أنا ماعتبرتها اخت لي لما كتب لها ماقلت وتقريبا انني مدرك ماكتبت وليس هناك خطأ عليها او تعدي علي شعورها اتمني انك ادركت ماقلت واما بالنسبة لزملائك بالشركة فنظاما يسري عليهم مايسري عليك ولكن تجاوز مدير الادارة او المسؤل ووجود مراكز حدودية حتما انه يجعل هناك أعذار وقبولها بالشركة وارد ولكن هؤلاء معلمات وراءهم طالبات يعتمدون علي حضورهم في اوقات محدده ياخي المعلمة الواحدة يتعدي راتبها سبعة الاف ريال والعصر وهم ببيوتهم يعني الراتب يستحق انهم يتعبون علي الاقل لين يلقون لهم وظيفة في بلدهم ودمت بكل خير

واما ردك علي الاخت شمس اعجبتني لهجتك الجميلة التالية (تأخير وبهدله )

[مايكروسفت]

اقتباس المشاركة الأصلية كتبت بواسطة ساري الليل الاستاذة جميلة الشاشة تحيتي لكي بخصوص المشوار وبخصوص الزحمة ووووالخ مااحد طقك علي يدك وقال روحي توظفي بالكويت الان تقولين الكويتيه والسعودية وعدم المواساة الكويتية مواطنة ولها الحق ببلدها اكثر منك مقابل المواطنة وهي يمكن تشوف رسالتها الوطنية وانتي جاية هدفك مادي والحين جالسة تتضمرين قولي الحمدلله لاتخربين علي الكثير من زميلاتك وبالعكس بلد الانسان فينا اللي فيها لقمت عيشة اتمني اني شرحت لكي بعض الشي وارجو ان تحمدي ربك وتشكريه

للاسف اخوي ساري انا من اشد المعجبين بمواضيعك لكن بخصوص ردك على الاخت غير منصف الاخت طرحت معاناتها من الجوازات ومن التمييز في الدوام وهي معاها حق لو ان وزارتنا وظفت البنات ببلدنا كان ماتمرمطن المسكينات برا عشان يحصلن العيشه بعدين صحيح شوف موظفين الشركه الكويتيين مسهلين لهم كل شي في الجوازات والجمارك وفي الدوام ليش مايسهلون للبنات يعطونهم بطايق بدال مايعطون الهنود والباكستانية لكن الله يعين بس

اما بخصوص الاخت الله يعينك تبين العون لكن للاسف بعض الاخوان دايمن الخطأ علينا حنا يالسعوديين بدال مانتكاتف ونوقف مع بعض وننشر معانات اخواتنا في المنتديات ونجعلها قضية رأي عام يجون ويحطون اللوم عليك

[ابوبندر 1]

بسم الله الرحمن الرحيم

الاخت / جميلة الشاشة ,

لا شك ان ما كتبتية من معاناة يدمي فؤاد كل حر ابي يغار على بنات بلدة وأنا والله اتألم لهذا الوضع المزري الذي وضعت فية اخواتنا وبناتنا , هذا الوضع الذي هو اشبة باستجداء لقمة العيش الكريمة والتي لا تاتي الا مغمسة بالاهانة والاذى , واعلم ان كل من غادر بلادة للبحث عن لقمة العيش سيكون حالهم كحال الايتام في وليمة اللئام , ولا املك الا الدعاء ان يفرج الله كربتكم ويرزقكم بالوظائف في وطنكم , وان يكفيكم شر البحث عن لقمة العيش في غير اوطانكم , وان يهيئ الله لكم اسباب حفظ كرامتكم وان لا يعرضكم للإستجداء بمن لا يحفظ لكم مودة ولا يقدر لكم جوار ولا يرى لكم فضل اللهم امين .