نبع الحليب

[عقيلي المجلاد]

[poem=font=",6,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black""]
كل صبحٍ يحل بلا وجودك ظلام=وكل ليلٍ يمر بدون صوتك كئيب
ياحبيبن تربع فوق عرش الغرام=ساكنٍ في ضميري بالهوى مستطيب
جيت والقلب ضامي والمشاعر حيام=اسقني بالوصال وداو جرحٍ عطيب
اكشف النور ليّه تحت ستر اللثام= (خل عيني تشوف وماورى الشوف عيب)
ويانبلج وجهك اللي مثل بدر التمام =وطاح مجدول شعْرك فوق نبع الحليب
انبهرت بجمالك ماقدرت الكلام =وحير الفكر مني طلع غصنٍ رطيب
نحت لك ياحبيبي مثل نوح الحمام = طالبك لاتروح وطالبك لاتغيب
كل جرحٍ تفتق من سببكم حرام= عقب طول انتظاري دواني ياطبيب
كم سهرت الليالي والاوادم نيام=يارقدت بعيونك غطني ياحبيب
وكل صبحٍ يمر بدون صوتك ظلام =وكل ليل يحل بلا وجودك كئيب[/poem]

[دانة الكون]

قصيده رااائعه
صح لسانك

الله يعطيك العافيه.

[الأصمعي]

الله عليك


هكذا السهل الممتنع والّا فلا

صح الله لسانك يا مبدع

[اميرة]

[مشبب البشري]

صح الله السااااانك وعلاااااشاااانك

وبيض الله وجهك . نص راقي وغني بصور رااائعه

ومفردات تلامس القلب وخيال التأمل

اشكرك على هذه القصيده الجميله حقا

تقبل جل اااااحتراااامي وتقديري

[عقيلي المجلاد]

ارجو من المشرفين او المراقبين الكرام تنسيق القصيده .... وشكرا

[دانة الكون]

طالعه عندي منسقه
ايش التعديل اللي تبيه
و ان شاء الله يتم

[سند مطر]

الشاعر الجميل

عقيلي المجلاد

صح لسانك

قصيدة جزله من شاعر خلووق وجزل

[رباب]

صح لساااااااانك

رووعه

[عقيلي المجلاد]

اقتباس المشاركة الأصلية كتبت بواسطة دانه الكون طالعه عندي منسقه ايش التعديل اللي تبيه و ان شاء الله يتم

ماأدري ممكن الخلل من عندي
على العموم يعطيك العافيه اختي ماقصرتي
اذا التنسيق عندك طالع كويس معناته من عندي الخلل