المال هو من عند الله والخير بيبقى من عند الله
وانا فى طريقى الى عملى بسيارتى استوقفنى احد الرجال كبار السن الغلابه المساكين يعنى رجل متسول يستنجد الماره ببعض العبارات التى يحن لها القلب وتجعل اى منا يعطف على هذا الرجل المسكين بما يجود لكل منا ان يعطيه له المهم اعطيته اللى فيه النصيب وانصرفت وهو يدعو لى ببعض الدعاء لحد هنا كل ده شىء طبيعى وعادى وانا معملتش معجزه ولا اى شىء عملت اللى ممكن يعمله اى احد تجاه هذا الرجل المسكين تانى يوم وانا راجع من عملى من نفس الطريق وجدت نفس الرجل جالس فى نفس المكان
توقفت بسيارتى واتجهت نحوه لكى اعطيه مما اعطانى الله ودار حديث بينى وبينه لكى اعرف ما هى حكايه هذا الرجل لكى اساعده اكتر واكتر حكالى حكايته بأختصار عشان لا اطيل على حضارتكم
انه كان غنى جدا ويمتلك بعض العقارات او الابنيه وانه كان عنده بعض السيارات وغيره وغيره لكن اتجه ناحيه المخدرات وادمن شم الهيروين وباع اللى قدامه واللى وراه يعنى باع كل شىء وزوجته طلبت منه الطلاق واولاده تخلوا عنه واصبح وحيدا يتسول وان ده غضب من الله عليه عشان لم يصون كل هذه النعم هديت من روعه وقولتله ولا يهمك ربنا موجود ولا تشيل اى هم
وعملت معه اللازم الحمد لله طبعا لم يحمل معه موبايل عشان كدا مرضتش اقوله خد رقم فونى او هات رقم فونك والا ببقى بستخف بيه مما اضطرنى ان اعطيه عنوان منزلى لو احتاج لاى شىء يجيلى وفى اى وقت وفى اليوم الثانى مباشره وبالتحديد بعد منتصف الليل وانا متعود على السهر سمعت صوت هرج ومرج وصوت عالى فى الشارع تحت المبنى الذى اسكن فيه بصيت من البلكونه تحت فى الشارع وجدت بعض الناس تمسك هذا الرجل الذى كنت اساعده واعطف عليه وانا من هبلى وعبطى وحسن نيتى بقولهم مالكم ومال هذا الرجل المسكين الغلبان ليه مسكينه كدا سيبوه حرام عليكم دا كان جايلى انا رد واحد منهم قالى دا انت اللى غلبان مش هو انزل عشان تعرف الحكايه نزلت بسرعه والمفاجئه انهم مسكوا هذا الرجل وهو يحاول ان يسرق سيارتى وهو عارف انها سيارتى يعنى ظبطوه متلبس وهو بيحاول يفتحها الاول ببعض المفاتيح المصطنعه طبعا انا وقفت مصدوم ومذهول وهما بيحكوا لى الواقعه وهو حاطط وجهه فى الارض ومحرج منى ولم ينطق بالدفاع عن نفسه
قولتله طب ليه تعمل كدا انا كنت كويس معاك المهم حاولوا يسلموه للشرطه انا رفضت وقولت لهم انا مسامح والمسامح كريم بس مش عايز اشوفك بعد كدا يلا توكل على الله من هنا
عايز اقولكم فيه مثل بيقول اتقى شر من احسنت اليه بس لولا الخير اللى انا عملته كانت السياره بتاعتى اتسرقت واى حد يعمل خير لا يندم اعمل خير وارميه البحر الموجه هترجعلك الخير تانى
مع انى طلعت اهبل فى الموضوع ده بس مافتكرش انى هبطل هباله
المواضيع المتشابهه
العرض العادي
