ياصغيّر
يابوفاضي كل ماحطيت شايل
ليلك المعتم يشابه له نهارك
تفتقد في عرفك عْيال الحمايل
ماتميّزها يمينك من يسارك
كل جمعه وانت ترسل لي رسايل
جمعتي مبروك جعلك ماتبارك
وانت تحسبها حسب سلمك جمايل
لو بغيتك بالشدايد ماتشارك
لو لبست شْماغ وعقال امتمايل
ياصغيّر ماتكبرها اصغارك
ماانت من عرعر ولا سكان حايل
في طرف سيهات تاريخك ودارك
مااتحرى منك للوقفه فعايل
انتظر ويطول صدي وانتظارك
زلة لسانك لها عندي بدايل
مااتحرى فالمقابيل اعتذارك
والصقور انواع في صيد وفصايل
وانت طيرٍ خالف الصيده اطيارك
العرض العادي
