هذي 7 أفكار ترفع ضغـط المشرفين . لا تفوتكم
1. عزيزي المشاغب .. ادخل اي منتدى واكتب موضوع ما يخصه في هالمنتدى ،، يعني الموضوع في وادي والمنتدى في وادي
" مثال : اكتب موضوع رياضي في منتدى الكمبيوتر ، ولو تـكـتـب (ارجو التثبيت) بيكون لها طعم احلى "
2. خذلك موضوع توه جديد و انسخه واكتبه باسمك مره ثانيه في قسم ثاني ،، و يفضل تكتب عليه (فكره جديده)
"هنا المشرف بيدوخ وهو يدور المكرر علشان يحذفه" هههههه
3. لا تشارك في اي قسم في المنتدى واطـلب بعدين من الاداره تخليك عضو فعال ،، واذا ماعطوك وجه كل يوم ارسل لهم تظـلّـم ..
صدقني اذا ما ارسلوا يقولون لك اقلب وجهك ...... أكيد راح يعطونك ترقية الى "عضو رزه"
4. أكتب موضوع في قسم الشكاوي والمقترحات بعنوان "الحقوني ياشباب" ،، طبعا راح يجيك المشرف طاير
واكتب في الموضوع " خلاص لحقوني غيرك قبل لا توصل" ،، و يُـستحسن تحط له صورة واحد يضحك
5. حاول ترد على المواضيع القديمه (طـلّـع الغـبـار) ،، والجديده خلها تنزل
راح تـقـلـب القسم حقه فوق تحت
6. دقق في املاء المشرفين ،، و رد عليهم بس لتصحيح الاملاء ، ولا تـجـيـب طاري الموضوع
وأخيرا عندما تصل درجة تهورك الى درجة الغـليان :
7.عند تعيين اي مشرف جديد....تكلم معه وكأنك من طلب بتعيينه
جربوا هالأفكار لكن مو شغلي اذا انطردتوا من المنتدى
أفـكـار تـرفـع ضـغـط المـشـرفـيـن
العرض العادي
