اخليكم مع الاحداث
عائلة ابو سلطان من العوائل المعروفة بمنطقة الشرقية أغنياء وماشاء الله عليهم صيت و غنى " الله يزيدهم "
ابو سلطان (متعب ) تزوج ام سلطان ( تغريد ) عن طريق قصة حب قدييمة >>> اولاد عم تعرفون وش سصير بينهم
عندهم 3 اولاد و بنت وحيدة و بنتعرف عليهم في اثناء الاحداث
متعب (ابوسلطان) عاش بعائلة مكونة من 4 ا خوان و بنتين >>>بنت مخطوبة والثانية بعدها
ابو سلطان كبير العائلة عنده العادات السعودية الاصيلة , الكرم والشجاعة و الاخلاق .
الجزء الأول
ام سلطان ( تغريد ) : يلا قوم حبيبي تاخرت على الصلاة .
ابو سلطان : ليش كم الساعة ؟؟؟
ام سلطان : الساعة 11 باقي شوي و تبدا الخطبة يلا قوم العيال بره ينتظروك .
في هذه الاثناء يدخل فيصل
فيصل :يلا يوبا ولي يعافيك صار لها ساعة الوالدة تصحيك وتقولك " يقلد صوت امه " قوم حبيبي
ابو سلطان مسك مخده ورماها عليه : عيب يا ولد استحي
فيصل الولد الثاني 23 سنه جميل و وسيم و يحب الطياش عايش حياته طول بعرض و أكيد أخته عنده شي مهم
طلع من الغرفة و راح كالعادة يصحي أخته جود .دخل على الغرفة "غرفة جود مكونة من 3 اقسام غرفة رئيسية و غرفة صغيرة للملابس و حمام "اكرمكم الله " . كانت نايمة تعبانة من المذاكرة صبح و ليل مذاكرة
صار يهمس باذنها:قومي العريس هنا
قامت جود كان احد معطيها كف او طب عليها موية باردة
جود : مين ؟ ايش ؟ كيف ؟
فيصل صار يضحك عليها : لا تخافي مني مزوجك اللا اذا تزوجت
فيصل كان عايش قصة حب "لحاله " يحب بنت خالته ريماس بس قوله الاهل صغير و بعده على الزواج لازم يشتغل و يكون حياته .
جود : ليش تسوي كذا حرام عليك ياخي قلبي طاح لا تسوي كذا مرة ثانية اوكي
فيصل مستعرب :قومي يلا حبيبي "يقلد امه "
جود : ههههههههه غريبة من وين متعلم الادب
فيصل : من امك حوم ابوك المصون الله يحفظهم لنا دخلت عليها و هي تصحي الوالد العزيز
جود بلقافة : و بعدين وش صار ؟؟؟
فيصل : اقول بلا هرج فاضي يلا قومي
جود بدلع : فيـــصل
فيصل : خلاص طيب ولا شي بس رمى علي مخدة و قالي عيب وطلعت
جود:ههههههههههه يا حرام
الجمعة وكعادة اي يوم ريماس تروح بنت خالتها علشان تذاكر هي و جود
دخلت ريماس على البيت و طلعت على الغرفة وشافت الغرفة مسكرة صارت تدق مثل المرجيج طبعا هي مو عارفة انه فيصل بالغرفة ؛المهم دخلت وكان فيصل يبي يفتح الباب
طبعا ما اقولكم وش صار بفيصل نسى كل الرزانه اللي هو فيه و كانه انسان ثاني وكيف لا وهي قدامة
هي تعرف انه فيصل يحبها بس هو ما يعرف انو هي تحبه >>>مسوية ثقل . فأول ما دخلت صعقت وطاحت شنطتها منها وتناثرت اغراضها على الارض
نزلت هي تشيلهم و هو نزل يساعدها
طاحت عينه بعينها و جلسوا يطالعون ببعض , قطع عليهم افكارهم صوت جود
جود : احم احم نحن هنااا وصارت تضحك
فيصل ابتسم و ريماس حمر وجهها
طلع فيصل من الغرفة بعد ما سأل عن اخبارها و كيف دراستها
جود : ايوه يا عم مين قدك في احد يحبك
ريماس : اقول عاد ما بقى الا فيصل
جود : ليش وش فيه فيصل و بعدين صحيح نسيت نظرات الكره اللي كانت بينكم
ريماس عصبت : اقول عاد بتدرسين او اطلع ؟؟
جود : وين تطلعين ؟؟؟ ايه صح عند (جبيب القلب ) >>>بدلع
ريماس بدأت تستغبي : مين حبيب القلب ؟؟؟
جود : طيب طيب يلا قومي ندرس
ريماس : اوكي يلا
جود دقت عل كانتي " الشغالة " و قالتلها تجيب لهم شاي و بسكوت
فيصل و سلطان و ابوهم راحوا للمسجد و بعد الصلاة كان اجتماع العائلة عندهم ببيت ابو سلطان
نتعرف على العائلة<<<
ابو ريم<< عنده ريم و شوق
ريم عمرها 23 سنه اخر سنه جامعه اما شوق اصغر منها 16 سنه كلهم حلويين و يحبون الهيصة
ابو بدر << 3 بنات و ولدين
بدر 21 سنه و متعب وتوأمه شذى 16 سنه عبير 20 سنه و تغريد 7 سنوات
الجوهرة << هذي عمتهم اللي مخطوبة
اما العزااااااااااب
نواف عمره 24 و العنود عمرها 21
ريماس : الا ما قلتيلي أخوك مو ناوي يرجع او عجبته بلاد بره
جود : ليش ناويه عليه ؟؟
ريماس : لعن الله امرئ , انا كل ما اسالك على واحد تفكري اني معجبه فيه
جود : ايه
وبدأت ريماس تعصب
جود قبل فوات الاوان : خلا امزح امزح قالي قريب هههههههههههههههه
في هذه الاثناء كان طلال بالمطار راجع من السفر وما قال لاحد الا بدر لانه صديقه و ولد عمه . طبعا العائلة ما قبلت انه بدر يطلع لما قالهم انه بيروح يجيب شي و يرجع .. طلع بدر و طار للمطار و تقابل مع طلال و سلم عليه و رجعوا للبيت "بيت ابو سلطان "
دخل طلال عالبيت بعد غيبة 4 سنين و بدأ يتذكر ايام زمان أول شخص شاف طلال كان فيصل ما صدق حسبه خيال وصار يقول : طلال هنا لامستحيل كيف هنا يمكن بدات اهلوس
طلال يصرخ : فيصل رجعت
فيصل بعده مو مستوعب او مو مصدق الا لما شاف بدر داخل بالشنط ركض لطلال و حضنه وسلم عليه و طبعا نُشر الخبر في ارجاء المنزل .. دخل طلال على امه و طبعا امه صارت تبكي مو مصدقه كانت من جد مفاجأه حلوة .. اول ما سمعت جود الخبر نطت وراحت لطلال ضمته و بكت هو يعتبر لها اقرب اخ لها بعد فيصل .
سلطان كان بالشغل ما يدري وش صاير بالبيت وظيفته جراح يعني دكتور دخل البيت على المغرب .. كان طلال بغرفته ينتظره دخل سلطان بس ما لاحظ طلال و بدا يلبس ملابسه
طلال فجأه : احم احم نحن هنا
سلطان لف وشاف اخوه قعد على الكرسي و رجوله على المكتب
سلطان : طلال " بخرعة" متى جيت؟؟ وليش ما قلت ؟؟
طلال : ههههههههههه حبيتها مفاجاءة
سلطان : احلى مفاجاءة بس ها كيف سويت بهالاربع سنوات ؟؟
طلال بفخر : بشهادة ترفع الراس
سلطان : كفو اخوي
و جلسوا سلطان و طلال يدردشون مع بعض لاخر الليل
ننتقل الى غرفة جود <<
جود : يلا ريماس عاد قومي
ريماس : اتركيني واللي يعافيك
جود : ترا اناديلك فيصل
ريماس: روحي نادية ................. لا لا خلاص قمت >>> بعد ما استوعبت الاخت
جود : كشفتك ومن متى تحبيه ولا تقوليلي آه يا خاينه انا صديقتك و بنت خالتك و ما تقوليلي ليش انا وش سويتلك "وكانها تبغى تطلع من الغرفة "
ريماس : حشى كل هذا ؛ طيب انتظري اشرحلك
جود : لا مو انتي بتشرحيلي
ريماس : اجل مين ؟؟؟؟
جود : مالك دخل بطرقي الخاصة ؛ اقول تبي شي من المطبخ ؟؟؟
ريماس : ايه الله يخليك كأس عصير
جود : تامرين امر حاضر ست الهانم
طبعا جود راحت غرفة فيصل ولقته نايم و جلست تصحيه
جود : فيصل قوم بقولك شي خطير
فيصل : وشو قولي اخلصي اسمعك
جود : قوم اقعد
فيصل: والله نعسان الساعة كم ؟
جود : الساعة 9 قوم نروح المطعم انا وانت و ريماس
فيصل : الحين !!!
جود : ايه ريماس تبي تاكل جوعانه والثلاجة فاضية .
فيصل : يا بعد قلبي , عطيني 5 دقايق والبس واتجهز .
جود: يا حسرة لو قلت قوم انا جوعانه تقولي قومي انقلعي اما ريماس ــــــ
و قاطعها فيصل : تبي تقومي او اهون
جود :لا خلاص قمت
طلعت جود من غرفة فيصل و رجعت لغرفتها
جود : يلا ريماس فيصل يقول بأخذكم للمطعم
ريماس : والله جت بوقتها جوعانه ميته من الجوع
جود : طيب يلا البسي عبايتك
جود بعد ما لبسوا العباية قالت : اتحداك تركبين بجنب فيصل
ريماس : عادي بس اخاف هو ما يحب
طلعوا الشلة للسيارة و ريماس متردده تركب او لا . لما شافت جود ترددها قالت : فيصل عادي اركب ورا و ريماس تركب قدام
فيصل : اكيد عادي هذي بنت خالتي
ريماس حمر وجهها لانه يقولها بطريقة غريبة
فيصل : بتركبوا او ادخل البيت
ريماس ركبت بجنب فيصل و جود ركبت وراهم , بعد ما مشوا بالسيارة حط اغنية هادية ( هو من النوع الهادي الرومنسي ) >>>> انتبهوا على هذه النقطة ؛ و خلى الصوت منخفظ , اما ريماس كانت بعالم ثاني و جود سرحانه فيهم وحده مستحية و واحد مبسوط حالة والله حالة
جود: اقول فيصل بسألك سؤال بس هو شخصي بس تعرف حب الفضول و عادي لا تقول ريماس هنا ترا ما أخبي عليها ولا شي
فيصل : الله يستر .... تكلمي
جود : بعمرك حبيت وحدة
فيصل تفاجأ من السؤال و ريماس لفت عليها وصارت تسبها بس بصوت واطي
فيصل : ايه في وحدة ببالي و ماراح اشيلها إلا طبعا هي ما تبغاني
جود : طيب تقدر تقولي من هي
فيصل: تعالي اقولك هذي ما اقدر اقولها قدام ريماس
ريماس كان احد اعطاها 100 كف , قربت جود اذنها من فمه
و همس و قال : وحده احبها و اموت فيها و اسمها ريماس
ردت عليه بهمس : من متى يا خاين
قال : من زمان من ايام الثانوية
قالت بصوت عالي : طيب هي تحبك
ما رد عليها ........ بعدين قال : اسأليها , قالت : دقيقة ادق عليها
طبعا ريماس مقهورة شوي و تبكي تخيلوا حبها الوحيد بيروح و اهي ما تدري وش تسوي
بعد دقايق دق جوال ريماس طلعت الجوال و شافت المتصل جود
جود : ردي ... يلا ردي .... يووه شبلاها ما ترد
ريماس : يالهبله تراك تدقين علي
جود : ايه صح والله نسيت
رجعت سكرت و دقت مره ثانية ... ورن جوال ريماس
ريماس : يابنت الحلال رجعتي تدقين علي
جود : ادري يا درج ردي
ريماس : اوكي بس اذا طولت مالي دخل انتي جبتيها لنفسك
جود : انتي ردي و بس
ريماس : اوكي
ردت على الجوال و صاروا يتكلموا بصوت واطي علشان فيصل لا يسمع
جود : اقول ريماس بسألك سؤال
ريماس : اذا نفس سؤال فيصل فمالك دخل
جود : قولي ترا اذا فات الفوت ما ينفع الصوت , بنخطبله
ريماس ما عرفت وش تقول سكتت و بعدين قالت :
وش تتوقعوا بتقول اللي بقلبها؟؟؟؟؟؟؟؟
او بتسكت و ما بتتكلم
الجزء الثاني
ريماس ما عرفت وش تقول سكتت و بعدين قالت : ايه
اول ما قالت ايه لف عليها فيصل : من جد !!!!!
ريماس : ايه
جود : اعوذ بالله علق الشريط على كلمه ايه
فيصل : طيب من متى؟؟؟
ما ردت و لفت وجهها >>>>> مستحيه
فيصل : الله يخليكي انطقي ..... تكلمي ....... ريحي قلبي الله يخليك
ريماس : من زمان
فيصل سكت و كمل الطريق للمطعم و بعدين رجعوا وصلوا ريماس للبيت و راحوا للبيت , فيصل ما قال ولا كلمة وهم بالسيارة
مر اسبوعين الاختبارات مثل السنين بالنسبة لفيصل لأنه ما شاف ريماس و كل ما يكلمها تقول انها مشغولة و اذا ارسل مسج ما ترد عليه
في اول يوم بعد ما خلصت الاختبارات طلع فيصل من غرفته مكشششششششخ و مسوي شعره و حلق دقنه وسوى سكسوكة طالعة عليه خطييرة مع السمار البرونزي و عيونه العسلية , طلع من غرفته و صرخ
وقال : اخيــــــــــــــــــرا خلصت الاختبارات
العائلة ركضوا له فكروا فيه شي
ام سلطان : حسبي الله , فكرت فيك شي
فيصل : خلصت الاختبارات
طلال و جود : الحمدلله كانه هو اللي مخلص اختبارات
فيصل : جود جهزي نفسك و اتصلي بريماس و قوليلها تتجهز بنطلع انشوف التقارير
جود بنفسها : قلتلي علشان كذا مبسوووووووط
جود : ان شاء الله
طلال : وانا .... اووه صح نسيت اليوم معزوم عند ربعي مره ثانية ان شاء الله
فيصل : انت مين قالك بتروح معنا اصلا
طلال : كذا تسوي فيني >>>>>>> مسوي فيها زعلااااااااااان
فيصل يصرخ : جود ... جود ... خلصتي او اروح عنك
جود : وين تروح ؟؟؟
فيصل : بروح لريماس
جود : ههههههههههههههه لا يا بابا انا رايحة معك
عند باب بيت خالته
فيصل يدق هرنات علشان يطلعوا
ام ريماس دقت على جوال فيصل : فيصل حبيبي انزل ازعجت الحارة
فيصل : خليهم احد قالهم يقعدوا ببيوتهم
ام ريماس : انت حر بس اذا احد طقك مالي دخل فيك لا اعرفك ولا تعرفني بقول هذا واحد صايع جا عندنا
فيصل : افاااااااااااا كذا يا خالتي ما هقيتها منك
بغرفة ريماس
جود : يلا بسرعة ترا هذا الولد ازعج الجيران
ريماس : شبلاه مربوش كانه احد عاطيه كهربا
جود: الله اعلم اسالي نفسك
ريماس :اقول اسكتي ... يلا قومي
نزلوا للسياره بعد ما ودعوا ام ريماس و دعتلهم بكل خير
فيصل يكلم جود بالجوال: اقولك ريماس تركب عندي
جود : no no fasooly I will ( لا لا فصولي انا بركب عندك )
فيصل : الله يخليك
جود تقرب من السياره فسكرت الجوال , فيصل كان ميييييييت قهر
فيصل يهمس لجود بعد ما ركبت بجنبه : طيب يعني ليش اليوم
ريماس : السلام عليكم
فيصل : يا هلا والله , و عليكم السلام والرحمه اخبارك يالقاطعة
ريماس : الحمدلله
بعد ربع ساعه اخذوا التقارير و طلعوا , و ما شاء الله ريماس جابت 99 % و جود 98.6 % يعني 99 %
ريماس و جود طلعوا مبسوطين و قرر فيصل يعزمهم على احد المطاعم المشهورة في منطقة الشرقية كان المطعم هادي و حلو
جلسوا الثلاثه على طاولة و بعدهم ما قالوا ايش النتايج و كلهم حاطين جوالاتهم على السايلنت ( الصامت ) ط لبوا اول شي المقبلات >>>كالعاده و قبل ما تجي المقبلات راحت جود الحمامات " اكرمهم الله " تضبط نفسها و قعدوا ريماس و فيصل لحالهم واول مره تصير ............. انتهز فيصل الفرصه
و قال: ريماس تقبلي فيني اذا تقدمت لك ؟؟؟؟؟؟؟؟؟
ريماس ماهي عارفة ايش تسوي تضحك تبكي كل المشاعر جتها مرة وحدة
ريماس : انت من جدك ؟؟؟
فيصل : هذا كلام ما ينمزح فيه . ريماس انا احبك والله احبك
و قربت منها و همس باذنها : اموووت فيك يا بنت الخاله
ريماس كانها قاعدة بحلم : ــــــــــــــــــــــ
فيصل : وش قلتي ؟؟؟؟؟؟؟
و في هذه الاثناء جت الاخت جود تخرب الجو و صارت تعطي كفوف لريماس , ريماس و لا هي هنا , فيصل يطالع بريماس
جود تطالع فيهم : ممكن اعرف ايش صار ؟؟؟؟؟
فيصل : ما صار شي . و مسك يد ريماس و مسكها بقوه
جود : فيصل عيب انت وش فيك بعت الحياء و بعدين احنا بمكان عام بعدين كيف تمسكها هي مو حلالك
فيصل : بتصيـــــــــــــــر
جود : وشو وشو وشو و انا اخر من يعلم . ريماس قولي من متى ....... احم احم ريماس ....... الوو ريماس انتي هنا
و قرصتها قرصه خلتها تصحى من سرحانها اللي هي فيه
ريماس : اااااااااااااي وش فيك انتي
فيصل : انت وش فيك شوي شوي على البنت
جود : اقول فكوني منكم طلبتوا
فيصل و ريماس : لا
ريماس دق جوالها ( هز لانه حاططته على الهزاز ) رقم غريب
الرقم مو غريب عليها فقالت لجود : جود هذا مو الرقم هذاك
جود : لعنابووه بعده يدق عليك
فيصل : بنات وش فيه
ريماس : ولا شي ـــــــــــــ
جود قاطعتها : هذا الرقم يدق على ريماس و ما قدر احد يوقفه
فيصل : ممكن ريماس تعطيني جوالك
ريماس : حنا بمكان عام لا تسوي فضيحه بيطفش و يوقف
المواضيع المتشابهه
العرض العادي
