[align=center]
السلام عليكم
وأشكر أخوي وليد الحزن وهذي سالفة على اساس نشجعهووه شوي
وين القهوة خخخخخخخخخخخخخخ
حياكم الله جميع
البال رايق
وطرت علي سالفة خوين لي يوم سوا حادث بالكابرس
خوينا هذا لوه جبهتن كان تخبرون الصكوك الاوله ( القديمه )ابد تمد الصك على
جبهتوه وتقراوه
عاد انتم تخبرون الحفريات اللي بالمحدود قبل كم سنه وللحين حفريات
والله مايتسنع المهم ....ولا هو والسنع خخخخخخخخ
الوكاد ..........
خوينا هذا ( ابو جبهتن عريضه ) ساري من الاستراحه تالي ليل
وهو عاد اخبروه يذل المسيكين ولا معووه قلب .مامن صمايل الولد؟
الوكاد سرى وهو يجيك موحفن يبي يتلاحق البيت وددووه بالنووومة ..
وهو متوجهن لبيتوه ومع طريق من عند المعارض وهو ينطحوه اكالجذع طايرن
بين السما والقاع((عاد المسكين له سوابق قبل ))
يعني تروووه عليمي بالسواقة وانا مادوي افضح بووه...خخخخخخ
وجه لوجه
يبي يروغ ماش ما يمديه طااااااااااااااااااااااااااااااااااااااخ لا والله الا طخت
قوووووويه
انطلقن الملويات ( الوسايد ) من الدركسون وتنشلع قبلهن طباقتهن اللي مكتوبن
عليه شفروليه
وهي تصكوه الطباقه على جبهتوه الا وهو من صيد امس
وهم يتراكضون الناس على الحادث ويفتحون باب سيارتوه وهم يغلغلونوه من
حدر الوساده
وانكتم نفسوه وهو يقوم ينخا
ويالله يجيب لوه اكالنشاط وهم يجرونه من حدر الوساده
ويودونوه الاسعاف وهو بين الحياة والموت
انا يا محاتسيكم مادريت الا ثاني يوم ونا ازوروه بالمستشفى
ويوم دخلت عليه وشفتوه الا المغذي بخشمووه واللي برقبتووه
المهم في حالة يرثى لها ....
ويوم طالعت وانا افتح عيوني
لقيت على جبهتوه مطبوعن عليه c h e v r o l e t
يعني كلمة شفروليت اللي على طباقة الوساده
وسلامتكم يابعد حيي
اخاف اكمل السالفه وعاد يعرفوه بعضكم ..[/align]
المواضيع المتشابهه
العرض العادي
