موقف طريف بين بركان الحب والعطر ...

[أبو رائد]

السلام عليكم ورحمه الله وبركاته


حصل موقف طريف ومقلب رائع بين العطر وبركان الحب والفيلسوف


<---- هذا ماله علاقه بالموضوع متفرج



كتبه بركان الحب بقلمه .. بموضوع آخر ولكني أحببت


أن افرده مستقــلا بموضوع خاص

اقتباس المشاركة الأصلية كتبت بواسطة بركـ الحب ـان [align=center] وهو قريب جدااا وكان في هذا الشهر الكريم شهر ذي الحجة جاني اتصال من ( الفيلسوف ) وهو من مؤسسي المنتدى يقول فيه اين انت قلت والله اني في السوق يعني اشترى اغراض قال لا تروووح معي لك ضيوف من تتوقع قلت اكيد حبيب القلب ابو ريان ( شاعر المنتدى عبد العزيز الجلعود ) قال صح لكن معي ضويف آخرين قلت زود الخير خيرين قلت لا يكون ابو رائد ( متعجب ) قال وصلت خير الله الله ابو رائد معي والحقيقة كنت راسم شخصية وهمية في خيالي لابو رائد انه ( شاااااايب دب قصير ) وقلت والله يحييك ويحييهم تعالوا انا في البيت ( شاب في النار والقهوة زاهبه ) قال لاااااا حنا مستعجلين نبي نجيلك بالسوق عند المحل اللي انت فيه ( كان محل لبيع لوازم الرحلات البرية ) قلت خير تعالوا وبعد فترة قصيرة قال لا خلاااص روووح اسبقنا للبيت ترانا جيناااااك قلت خير ان شاء الله وبعد ما استأذنت من صاحب المحل ( وهو صديقي ) قلت تعال عندي بعد شوي نرحب بالضيوف قال ان شاء الله تم المهم طلعت بسرعة للبيت وبعد ما انتصفت بالطريق جاني اتصال من ( الفيلسوف ) يقول ارجع للمحل الحين نجيك لا تروح للبيت قلت ما يصير الكلام هذاااا تراكم مشورتوني ماصارت قهوة والله على شان ابو رائد اخاف يرتفع سكره او ضغطه ( مازلت اتخيله شايب ودب وقصير ) المهم رجعت بسرعة للمحل الاول وقبل ادخل مواقف المحل ويعترضني واحد شحااذ معه عكازة ومتلثم وابتعدت عنه ووقفت وبعد ما نزلت من السيارة نادني قال ( انت يالاخو موقف على شاني ) قلت لا موقف على ببسي ( اتميلح ) قلت لااا وتركته ورحت باتجاه المحل وقام الشحاذ يصارخ بصوت عالى يناديني تعاااااااااال تعاااااااااااال عاد انا تركته ودخلت المحل وقلت لصديقي صاحب المحل: الفيلسوف خبل فيني وش السواة كل شوي يقول انا في مكان قال اصبر اتصل فيه وبعد ما تصل فيه قال وينكم انتم قال قل لبركان يطلع من المحل ويروح للبيت لان ابو رائد يقول ماهي بزينه نجي لبركان وما نتقهوى عنده قلت كلام نهائي اكيد قال ايه اكيد وبعدهااا طلعت من المحل للمرة الثالثة ( وطقت كبدي ) واشوف الشحاذ متركي على باب السيارة وقلت له ياخي ما عندك دم تطلبني فلوس انت وش تبي قال : الله يعافيك انا رجال مثل ما تشوف معاق ومنقطع فيني الطريق ابي فلوس قلت ما معي فلوس قال خذ الجوال وعطني خمسين ريال قلت لاااا وخر عن الباب بروح عندي شغل ومستعجل ماني فاضي لك وابتعد شوي والله واركب سيارتي وقال عطني الله يعافيك وادعي لك قلت لاااا امي وابو يدعون لي قال ترى بدعي عليك قلت ادع علي بكيفك والله ويرفع يدينه ويقول يارب ما تفتح لك ولا اشارة قلت اجل تابعني وشوف الاشارة الحين وكانت الاشارة قريبة واتجه في طريقي والله وتفتح الاشارة وانبسطت عليه وقبل اسكر فمي من الوناسة ويطلع راعي بك اب وشوي واشيل بابة وقلت لا يكون صادق هذاااااا المهم وانا بطريقي شكيت بالموضوووع ( وانا خابر الفيلسوف ) راعي مقالب ) ونكبات بعد المهم واروح للبيت واشب النار وازهب القهوة والشاهي واللوازم منه وانتظرهم يجون ويجي راعي المحل عندي ونجلس نتقهوى وبعد دقايق يدخلون علينااااا مجموعه من الشباب في مقدمتهم الشحااااذ وهو يضحك يقول وراك وراك وعرفت انه مقلب وبعده دخل الفيلسوف ومعه ابو ريان ( عبد العزيز الجلعود ) وواحد ثالث يعني صاروا اربعه والحقيقة انا انتظر يدخل الشايب قلت ماهوبمعقولة يصير الفيلسوف نذل ويخلي الشايب يدخل بعده وبعد ما عرفني عليهم قلت حسبي الله عليكم كلكم فصار ابطال هذا الموقف ما يلي المعاق والشحاذ ( العطر ) وهو مصاب بركبته من اللعب بالكورة ومعه عكازات ( احسن ) والشخص الثالث هو ابو رائد تاج فخرنا في الرائدية وبالفعل عرفت لماذا هذا الحب الكبير له من الجميع وخاصة المقربين منه بالفعل قليل بحقة ان يقال له تاج الفخر فتشرفت بتواجد هذه الكوكبة الرائعه الجميلة في بيتنا رغم ان الضروف لم تساندني في اكمال الاحتفال بهم الا انني اطمع بزيارات قادمة يكون فيها الحال افضل وبدون مواقف كميرة خفية ومردوودة لك يالعطر هين اوريك بالطلعة نسيت اقولكم ان ابو رائد ماهوب شايب وكان من الطف ما سمعت وكان احسننا بهاءا ونظارة وشبابا وادبا وخلقا هذا ما احببت ان ادلي به في هذا الموضوع الجميل اخوي ثاني وللجميع محبتي واحتراماتي [/align]

[الجوووري]

هههههههههههههههههههههههههههههههههههه

تعيش وتاكل غيرها

يعطيك العافيه بركان الحب
وتسلم يا ابو رائد

[حنين]

يعطيك العافيه ابو رائد



بركان احسن حقك وما جاك



بس متي يجي دور ابو رائد بالمقلب


العطر ما تشوف شر و الله الله بالمقلب

[ابو سلطان]

طيب .. طيب
تجتمعون من وراي ولا تعلموني... هذي بحق
هين ياشباب هين يابوعيد انت وغانم وابوابراهيم وعزوز ... يصير خير

[بركـ الحب ـان]

[align=center]يا فضيحتك يا بركاااااااااااااان


قلت بحرق الموضوع في موضوع اخوي ثاني
بس ابو رائد ما خلاهااا




لااا ومن زين التشمت ملسوووووووووونه تتشمت فيني يا قهرررررررررررررر



الجوري لاااااااااااااااا إن شاء الله ما آكل غيرهاااا الحين لو اشوف اي واحد واقف بالشارع اوقف اقوله الجوال للبيع بخمسين
اخاف يصير من جماعة الفيلسوووووف لا عادت عليه دب قريح



ابو سلطان احمد ربك لا يجيك ما جاني والله صراحة موقف جمع بين الدراما العاطفية من احزان لوجود الشحاذ والآكشن في مواقف المطاردات بيني وبين الجماعه اياهم
والكميرة الخفية بيني وبينهم
ونشغالي بالذهاب للبيت لتجهيز القهوة والاستعداد للظيوف وخاصة اول مرة اشوفهم مباشرة

لكن اقول الصدق
موقف ولا اجمل [/align]

[أبو رائد]

بـ ـركان الحب


<---- فهم لعبتك ونزلها بموضوع جديد



أبو سلطان انت دائما معترض




بس احمد ربك .. فلت من المقلب



الجوووري .. تسلمين على الرد


ملسووونه .. ابشري انتظري المقلب الجديد

[عبدالإله]

يعطيك العافيه ابو رائد


واكيد الجيات اكثر واكثر

[حنين]

برضوه داخله اتشمت فيك يابركان


اللهم لا شماته

و اتمنى من قلبي موقف اقوى من كذا فيك

[همسـ مشاعر ـة]

هههههههههههه
وربي موقف حلووووووو
تدل على المحبه يلي بين الشياب قصدي الشباب نسيت ان ابو رائد ماطلع شاااااايب دب قصير

لا أوصيكم شباب قووو محبتكم بالمقالب والنكبات والاحداث
ولاتنسو تقولوها لنا طبعا

الله يعطيكم العافيه وبالاخص الله يعطيك العافيه أبو رائد

وتقبلوا همساتي المعطره بالمشاعر

[عبدالعزيز الجلعود]

ههههههههههه
هههههه
هههه
هه
ه



هلا00000 بالشباب


سويتوهااااا

وكتبتوها

معليش يابركان الحب

تعيش وتا كل غيرها

وانا رايي

من إلحين تفكر لك بمقلب

والله يعطيكم العاااااافيه