اللقافة حولتني تحت برج الفيصلية .... !!!!!

[أبو فهاد]

هـذه القصيـــــده .. للشـــــاعـر ..

محمــــد بن سعـــد بن حمـــــدان المطيري












اللقافـه حولتنـي تحـت بــرج الفيصلـيـة

ويعلم الله يوم جيته مـا أحسبنـي فالرياضـي

شفـت شيـاً مـا توقعتـه ولا يطـري عليـه

ولا تخيلتـه ولا متصـوره حاضـر ومـاضـي

يخلف الرجـال لـو عزمـه وهقواتـه قويـه

والتقي والله ليطلع مـن فعـل ماهـو براضـي

أثر معهم حق ربعـاً شارحيـن الوضـع ليـه

وكنت اكذب ثم اقول الهرج هذا هـرج فاضـي

شفتلـي شعـب متأثـر بالشعـوب الأجنبـيـه

المذاهـب والمواهـب والعـلـوم الا تفـاضـي

والولد والبنت ما تفرق هـذه عـن شكـل ذيـه

فالبـاس وفالمقـاس وفالحمـار وفالبيـاضـي

والوضع ماهو طبيعي والعـرب ماهـي صريـه

والعلاقـه والصداقـه بالتفاهـم والتـراضـي

قلت يمكن فيـه هيـه وأثـر مافالسـوق هيـه

في هذاك السوق مطلوب التسامـح والتغاضـي

المهم أني وقفـت ووقفتـي عـن حسـن نيـه

أتفرج فالبشر مالـي علـى الأمـر أعتراضـي

ومرني واحد وأنـا واقـف وكنـه شـك فيـه

واحداً تيخاً حمـر مليـان وأكتوفـه عراضـي

قال وش عندك هنـا قلـت وش عنـدي هنيـه

جيت ابا اشريلي مقاضي ما قدرت اشري مقاضي

ردني عنها غـلا الاسعـار وافلوسـي شويـه

وكـل طفران مهـدد عندكـم بالأنقراضـي

قـال مـا كنـك فبـرج الفيصليـه وفالعلـيـه

لابس لك ثوب واشماغ بدوي والجيـب فاضـي

العليـا كـل شــي لــه مـزايـا عالمـيـه

والغلا والسوق واسعـار العمايـر والاراضـي

قلـت يـا قـوم العليـا ذمتـي منكـم بريـه

واهني من حطكم فالقيض في ذيـك الفياضـي

الفياض اللي تحيـط ابهـا الخلـي الاصلبيـه

فوقكم عج وسموم وتحتكـم شـوك ورماضـي

ويتغير وضعكم ليـن الخـوي يلعـن خويـه

وكل فسقانـاً يعـود منتهـي حالـه وقاضـي

[عبدالعزيز الجلعود]

واله سلمت يمنااااك



يا ابو فهاااد


راااااائعه للمطيري


با لحيل

[ابتسـ ألم ـامة]

[glint]هـــلا وغـــلا
أخوي أبو فهاد [/glint]


اختيار جميل


يتحدث عن واقع أليم


صح لسان الشاعر

سلمت يمناك


الله يرحم حال المسلمين وماوصلوا له


يعطيك العافية



كلمــات مــن ذهــب
جميل أن يطرح العضو مواضيع للفائدة والمتعة
الأجمل أن يتابع مواضيعه ويتواصل مع الأعضاء

[سامي الشمري]

[align=center][align=center]قلـت يـا قـوم العليـا ذمتـي منكـم بريـه

واهني من حطكم فالقيض في ذيـك الفياضـي

الفياض اللي تحيـط ابهـا الخلـي الاصلبيـه

فوقكم عج وسموم وتحتكـم شـوك ورماضـي

ويتغير وضعكم ليـن الخـوي يلعـن خويـه

وكل فسقانـاً يعـود منتهـي حالـه وقاضـي

............

يا ويلهم على الدعوة

و الله مايصبرون أهل العليـا


صح لســـانك يا ابو فهـــاد

وصح لســان الشاعر

محمــــد بن سعـــد بن حمـــــدان المطيري

على القصيــدة الرائعة

تحياتي لك [/align][/align]

[الجوووري]

صح .. السانك اخوي ابو فهاد ..

والسان الشاعر ..


يعطيك العافيه .. وتسلم على ذوقك الرائع بأنتقاء القصائد ..

[ديما]

[align=center]
[glow=FFFFFF]اللقافـه حولتنـي تحـت بــرج الفيصلـيـة

ويعلم الله يوم جيته مـا أحسبنـي فالرياضـي

شفـت شيـاً مـا توقعتـه ولا يطـري عليـه

ولا تخيلتـه ولا متصـوره حاضـر ومـاضـي[/glow]

صح لسان الشاعر

محمــــد بن سعـــد المطيري


*

*

وصح لسانك وقلبك أبو فهاد

اختيار ر111ئع

لا تحرمنا جديدك

[/align]

[فهدالقحطاني]

صح لسانك يابو فهاد وصح لسان الشاعر......