الى زعب

[سعود العنزي]

السلام عليكم

ورقة من تراث قبيلة زعب ... اهداء لهم لأني اجلّهم وايضا اهداء لكل من يقرأها من غيرهم من احبائي




[align=right]

يشعل على كل القلوب فتيل
يوصف ونس ولاغثا وعويل

شفت الملا تطرد ورا خلّد المنى
ويظهر على بعض النفوس دليل

مادامت الدنيا لأميرٍ ولاخادم
لابد من تربه عليك تهيل

نركض ورا دنيا سريعٍ زوالها
ماهي بدار الي عليها نزيل

ياكم فقدنا شوف منهو نعزهم
عقب الونس غابت نجوم الليل

تراكضت ريضان الاعمار كنّها
برق الحيا يوم الغيوم تخيل

عمر الفتى يفنى وتبقى مكارمه
لو هو رسى يوم النفوس تميل

عمر الفتى لو ورّده كل مابـــــغى
ماشفت بين الناس شخص جليل

لو ان ابن غافل جعل قدمه الرخا
ماشفت ابل جاره حماها الخيل

جتهم مطاريش الشريف المحمله
تطلب ابن غافل بلا تأجيل

قالوا نبي ابلٍ زهى العين وصفها
من كبرها صار الحليب يسيل

الي تمخطر بالفلا كنها الدبـــــــا
من شافها يكثر لها التهليل

عيّا عليهم قال هاذي لجارنا
حربي وهو بين الزعوب خليل

قال الشريف الي بلغ حده الطغا
شفّي بها ولا لقولي ميل

ورد الجواب الي نطق به ابن غافل
مالك على جار الزعوب سبيل

زعب العريقه هي ذرا من يجيرها
وش لون لو كان الرفيق دخيل

قال الشريف بلهجة الحرب والقنا
تزهبّوا حان لحريبي ويل

قال الزعوب بلهجة العز والفخر
بوقت اللقى حنا سيوف وسيل

استفزعت جملة قبايل على زعب
وحان الوغى وقت الفلق والليل

خمسة عشر عامٍ وهي تجلب الحزن
خمسة عشر ماتسمع الا صقيل

ثم اندحر جيش الذي سبب العدا
ولا هو ملك من مبتغاه حصيل

وضاعت بغب المعركة بنت ابن غافل
بنت الشيوخ الي تهد الحيل

ياوين بنت الحي في مظلم الدجى
زادت على هاك الغليل غليل

بنتٍ صغيرة مالقت من يردها
اوّاه يادمع بطرف كحيل

ومرت ركايب بالضحى للمساعره
يقودها مسعر بوقت مقيل

لمح على غصن الشجر بنت جالسه
وقال اقربي ولاتحتسين الويل

قالت ياشيخ ابغى امانك لحيرتي
قال انزلي وانا لك الضلّيل

راحت مع الشيخ المريحه سماحته
لديار قوم يحتمون الخيل

عاشت تحت ضل الدواسر لها مده
ومافيهم الي في عطاه بخيل

تزوجت من بعد هذا ابن مسعر
ثم انجبت ابنٍ يفوق الجيل

سبّاع ينادونه غدا بسحنته سطا
ثم اعتلى بسمعه بدون مثيل

وقت الملاعب ينتصر من صحاوته
ومنّه يعوف الي يجيه قبيل

صبيانهم كلن شكى لمّه القهر
كبر الغبن زاد الصغار غليل

قالت حديهن اسأله من خوالكم؟
خله بعد هذا السؤال هبيل

ايه انتخى سبّاع ولاحصّل المرد
الفى على امه والدموع تهيل

حرّق خوافي سرّها بخدها دمع
من هولها قالت قصيد جميل

باحت على كل القبيله شعورها
ولابرّحت للدمع دمع قليل

قالت انا زعبيةٍ بنت ابن غافل
ثم بيحت سرٍ عليها ثقيل

قالت على الشعر الهلالي قصيدها
ينشر على العربان شعر جزيل

يامحمد الزعبي انا افتخر بكم
ولاني على مدح الخوي بخيل

استقبل المكتوب من شبل وايلي
يسكن فخر يسكن ببيضا نثيل

مني تحيّه باسم كل الجعافره
ويم الحسي اهدي سلامي سيل

من ضمن ماقاله ابن راشد الشاعر
عيبٍ على بيت يقال هزيل

وان كان فيها مايعيّب مشاعري
فانا بشر فيني صواب وميل

وازكى صلاةٍ مرسله للنبي محمد
عِدّ النجوم الظاهره بالليل
[/align]

[سـَمآ ♪]

تسلم يااااااخوي ع القصيده

الف شكر

[الرايق الشمري]

صح لسانك ...........

[الدووووخي]

صــح لسآآآنك اخوي ســعود ..

وزعــب يستآآآآآآهلوووون ,,

<<< تراه زعبي ,,

[عزيزة نفس]

صح لسانك



والله يعطيك العافية

[نواف الفهاد]

:
:

قصيدة وافية .. في .. قبيلة كبيرة ومشهورة بالطيب والوفاء ..!!
ولآ نستغرب أن يكون هذآ المتصفح جمال × جمال ..!
وهو .. يجمع ( شموخ زعب ) .. و ( وفاء ذآتك ) .. يا سعود .............!
وافي .. وكتبت الحرف ...!
بـ الوآفين ..!!

:
:

( .. سعود العنزي .. ) ..!
شاعر جميل .. و .. بخيل .. ......!!
تغيب طويلآ ..!!
وتعود متألقآ .. فـ يشفع لك حضورك المميز ...!
في غيابك .. الموجع ......!
طآلبينك يالوافي ..!
لآ تغيب ..!!



:
:

لك كل ودي ................!!
سلالالالالام ..!!

[(((الزعبي)))]

شكرا اخي سعووود على الطرح الجميل

وصح لسانك

وهذي قصيدة الزعبية كامله


نترككم مع الأبيات:

يهيضْني ياسـبّاع دارٍ ذكرتـهــــــــــــا
........................ولاعـاد منها إلا مواري حيودهــــا
سبّاع تبكي أمّك بعينٍ ودمـعَـــهَـا
.........................من عينها يحفي مذاري خدودهـا
ولكن وقود النارباقصىضميرها
......................هاضَ الغرام و بيّحَ الله ســـدُودهـا
ولكن حجر العــــين فـيـها ملـيـلـة
................... ولكـن ينهش مـوقها مع بـرودهـــا
دمـعٍ يـشــادي قــربــةٍ شُــوشليـّة
.................بـعيدٍ معشّــاها زعُــوجٍ قـعـودهــــا
زِعـبيـّـــةٍ ياعــمّ مــانـــي هَميــّـة
.....................ماني مـن اللـيّ هافياتٍ جدودهــا
أنامن زِعب وزعب إيلاَ أوْجَهوا
........................على الخيل عجْلاتٍ سريعٍ ردودهـا
أهـــل سربةٍ لادْبرَت كِنـّها مهجّرة
.......................وِنْ أقبلت كـنَّ الـجوازي وُرودهـا
لطاح طايحهم بشوفي ترايـعـــــوا
....................تقول فهـودٍ مـخـطيـاتٍ صيـودْهــــا
لصاح صياحٍ بالسّبيب تـِفازَعوا
...............عــزيِّ لـغمـرٍ ثـبَّرت بهْ بـلـودهــــــــا
لحقوا على مثل القطا يوم وردته
...............متغــانــمٍ عــــــينٍ قــــراحٍ بـــرودهــــــا
خـــيلٍ تغــذّى للبــلا و المعـارك
......................ترهِق صناديد العِدا في طرودهـــا
لا تلقحونَ الخيل يا زعب ياهلي
...................تـرى لـقـاحَ الخيــل يـردي جـهودهــــــــا
إن جَـتْ سمـاحَ الخدّ مايلـحـقـن
..........................ون جـت مع السّنْداء لزومٍ يكودهــــا
جــينـا الشّـريف بديرتـِه وإلتـقـانـا
................كـــلّ الـقـبايـل جامـــعٍ بــه جـنـودهـــــا
طَلَبْ علينا الخُورهجمت قصيرنا
..................مِــتـمَـوّلٍ يبـغـي حــنـازيب سـودهـــــــــا
يـَـامـَـا عـطـينـا دونـها من سبيـّه
...............................تسعين صفرا إحسابها ومعدودهــا
تمـامها شعيطان خيالة مهـوّس
.......................أصايـل صنـع النـّصـارى قيــودهـــــــا
اقـطـع قـبيـلةٍ ضفـها مـايـذرّى
......................تشــري جمــالٍ غـطـها في بـدودهـــــــا
قصيرنا في راس عيطاً طويلة
......................بـحجي ذراها من عواصيف نودها
عيـّوا عليـها لابِتي واحتمـُوهـا
....................بمـصـقــّلات مِــرهـِـفـــاتٍ حــدودهـــــا
حَرَبنا العدى والبنت نشوٍ بهاامها
...............واليـوم قـده مـنـوةِ العـــيــن عــودهـــــــا
تسعــين لـيـلـة والعرابا معقـّلة
..........................شمـخ الـذراء ومحـجـزاتٍ عضودهـــا
شقح البكار الليّ زهن الدباديب
.....................قامت تـضـالـِـع مــن مثـاني زنودهـــــا
خيلٍ تناحيهـاوتضرب بالقنا
.....................مثـل الـتهـامي يــوم أحـلى جرودهــــــا
بنات عميّ كلّهن شقّن الخبا
.....................بيضِ الترايـب نـاقضـات جعـودهـــــــا
على الحنايا ناقضاتِ الجدايل
.................سمـرِ الـذّوايـب كـاسـيـات نـهــودهــــــــا
وجـيهٍ تشـادي مـزنةٍ عقربيّة
....................أقـبـل مـطـرهـا يــوم حـنت رعـودهـــــا
منهن نهارَ الهوش تنخَى رجالها
.......................سـتر الـعـذارى مـاحضر مـن فهودهــــا
لباسةٍ بالهوش للدّرْع والطاّس
.................... وعلـــى سـروج الخيـــل كـودٍ سنـودهـــا
مِــن صـنــع داود عـليهم مشالح
................تجـيـبه رجـالٍ مِـــن غـنـايـم فـهـودهـــــــا
يا ماطعنوا من حربةٍ عولقيّة
.......................شلفـى تلـظـى يَشـرَب الـدّم عــودهـــــا
الليّ ايتموا في يوم تسعين مُهرة
...............مـامـنـهـن اللـيّ مـاتــلاوي عــمـودهـــــــــا
تسعين مع تسعين والفين فارس
......................تحـت صليـب الخــدّ تطـوى لحـودهـــــــا
تسعين منهن بين ابويه وعزوتي
...................وتسـعين عـنـانٍ واللــواحـي شـهودهـــــــا
قبيلةٍ كم أذهبت مِن قبيلة
.................لاعـــدّت الجـــودات يـنــعــدّ جـُـودهـــــــا
زِعــب هُم أهلَ المدح والمجدوالثنا
..................من الربـع الخـالي للـحجاز حدودهــــــــــا
إن أجْنبوا فالصّيد منهم تحوّز
.....................وضيحيـهـا ومن الـجوازي عنودهــــــــــا
وِن أشملوا تهجّ مِنهم قبايل
..............ودارٍ يجــــونــه ضــدهــم مـــايــرودهـــــــا
لامِن نووا في ديرةٍ ياهَلونها
....................تــِـقـافــت الــظّـعـان عـجـلٍ شـدودهــــا
اركابهم يمّ العِدى مِتعبينها
..................بـيضَ الـمحـاقـب فـاتـرات لهــــودهـــــــا
يَامَاخذوا من ضدّهم مِن غنيمة
................ولا صــاوُغــــوه بـلـطـمـــةٍ مـايــعـــودهــا
بنمرٍ تشادي للجراد التهامي
....................مــاتــطـاوع الحـكـام مـــن عظـم زودهــا
أشوف بالحره ضعون تقللّت
....................وابـوي حـمـّـاي الـســـرايــا يــذودهـــا
شفي معه صقر تباريه عندل
........................مـرٍّ يـبـاريه و مــرٍّ يـقـــودهـــا
أنا فتاة الحي بنت بن غافل
......................كم مـِـن فــتاةٍ غـــرّ فـيها قعودهــا
شرشوح ذودٍ ضاربٍ له خَريمة
....................ما ودّك يـشـوفــه بـعـيـنـه حـسُودهــــــا
حوّلت من نظوى ورقيت سرحه
.....................حـطـّيـت رفٍ فـي مِـثانــي فنودهــــــــا
وجوني ركيبٍ ونوّخوا في ذراها
..................وشافـني عِـقـيـدَ القوم زيزوم قودهـــــــــا
قال انزلي يابنت وانتِ بوجهي
................ولا جــيـتـه إلاّ بـالـوثـــْق مـن عهُـودهــــــا
أمرٍ كِتبه الله وصار وتكوّن
.....................تسبّب علـينا مــن الأَعــادي قرودهـــــــا
بكونٍ شِديدٍ ماتمنّاه عارف
...................تـعـدّه عـيـالٍ عـادهـا فــي مـهـودهــــــا
ذكرت وقتٍ فايتٍ قِد مضىلهم
.............ويــومٍ عـلـيـنـا مــن لـيـالي سـعـودهـــــــــا
ضوٍّ زمت للمال من غب سرية
.......................وضـوٍّ زمّت عـيدان الـــرطــىَ وقـودهــا
لكن قرون الصّيد باطراف بيتنا
......................هشيم الغضا يدنــي لحامــي وقودهــا
تسعين عيـنـا صـيدنا في عشيّة
...................وضـيـحـيـّة نجـــعــل دلانـا جـلـودهـــــا
قنّاصنا يـذهـب شـريقٍ وينثـني
........................ويجـيـب الجـوازي دامـياتٍ خـدودهـا
وروّايـنـا يـروح يـومٍ ويـنثـني
........................ويجيب القلاصي لاحقاتٍ حـدودها
ومـدّادنـا ياخذ حـديـد ويـنثـني
........................ويجــيـب الجـلادي ضـايمـاتٍ هـبودها
وغــزّايـنـا يغـزي حــديد وينثني
..................ويجـيـب الـعــرابــا حــافــلاتٍ ديـودهــا
لـنـا بـيـن حـَبـْـر وغْـرابـا مـنزلٍ
................لِهــن فـــي زيــن الــعـرابا قــعــودهــــا
حنّا نزلنا الحزم تسعين ليلة
.......................وغـلّ الأعـادي لاجيٍ فــي كــبــودهـــا
لامن حجى معنا عليمٍ ولا ذرى
..................إلاّ شخـوص العـــين قـب نـقـــودهــــــــا
ِقليبنا غزيــرةَ الجــــمّ عيلـــم
.........................مــا ينشـدون صدورهامن ورودهــــا
طـــولـه ثمانٍ مــع ثمانٍ مــع أربــع
...................وسـطٍ مـــن الصـفرا وقبلـت نـفــودهــــا
أهل عقلةٍ بحدّ الحاذ من الغضى
................مادارهــا الــزرّاع يـبـذر مــــدودهـــــــا
ألـفــــين بـيـتٍ نــازلـين جـبـاهـــا
.................والـفــين بـيـتٍ بـالـمـظــامـي تـرودهــــا
تـخـالِـفـوا فـي يــوم تسعـين لحيـه
..............عـلشـان وقـفـت أجـنبي إبـنـفـودهــــــــــــا
دارٍ لِـنا مـاهيب دارٍ لـــغـيرنــا
.................مــاحدّها الـرّملـه ومــا ورد عـدودهـــــا


واسف على الاطالة

وشكرا لكم جميعا

[سعود العنزي]

حياكم الله

اشكر كل نفس طاهره مرّت من هنا .. الجميع بلا استثنااااء


نواف الفهاد ... شمعة تضيء للكون , صفاء , ونقاء




القدير الزعبي .. اشكرك على ايراد هذه القصيدة المعروفة .. شكرا عزيزي








اكرر شكري حتى تغرقوا

[كورن فلكس]

صح لسانك


قصيدة رااااائعة

[فتى السيلساو]

صح لسانك يالعنزي

وتستاهل زعب