يَعْنِيْ كِذَا .. فَجْأَةْ تُرُوْحْ ؟؟!!
مَا كِنّ لِـ مْحَاكِيْكْ رُوْحْ ؟
خَاطِرْ وضَاعَ ؟
يَا مَالِيَ الأَسْرَارْ ..
تـَنْسَى الكَلاَمْ وْكِلْ حَرْفْ ؛
اِلاّ بَسْ حْْروفْ الوِدَاعْ ؟
مَا كِنّ فِيْ بَالِكْ أَحَدْ ؟
وَمَا كِنّ اَحَدْ مَرّهْ اَبَدْ ؟
وَمَا كِنّ فِيْ قـَلْبـِكْ عَلَى اللّوْعَةْ جَلَدْ ؟
فـَجْأَةْ تُرُوحْ ؟
يَعْنِيْ كِذَا .. فَجْأَةْ تُرُوحْ ؟؟
طَيّبْ هْمُومِيْ ؟
السّهَرْ ؟ اللّيْلْ ؟ الذّكْرَى ؟
سُؤَالاَتِيْ ؟ عَذَابِيْ ؟ غِرْبِتِيْ ؟
صَمْتِيْ ؟ حَكَايَا خَاطِرِيْ ؟ حِزْنِيْ ؟
قَهَرْ بَعْضَ الجُرُوحْ ؟
وِيْلِيْ ؟ مُعَانَاتِيْ ؟عُيُوْنِيْ ؟ اِلْخِطَا ؟
اِلسّكّةْ ؟ الآمَالْ ؟ صُوْتْ اِلشّوْقْ ؟
بَعْضِ النّاسْ ؟ كِلّ اِلدّمْعْ ؟
بَاقِيْ قَهَرْ بَعْضِ الجُرُوحْ ؟
يَعْنِيْ كِذَا .. فَجْأَةْ تُرُوحْ ؟
طَيّبْ .. سِوَالِفْ يِمْتِلِيْ قَلْبِيْ بَهَا ..
هُيْ مِنْ لَهَا ؟ لاَ رِحْتْ .. يَا السّارِيْ بَهَا ؟
غِصْنِ الحَمَامْ ؟ .. اللّيْ مِنَ اَسْبَابَهْ تَعَلّقْنَا بْـ تَغْرِيْدْ الحَمَامْ ؟!!!
لاَ لاَ .. دِقَيْقَةْ .. قَبْلْ مَا نِطْرِيْ تَغَارِيْدْ الحَمَامْ .. مِنْ للحَمَامْ ؟
مِنْ يــِسْهَرِ اللّيْلَةْ مَعِيْ ؟
مِنْ يــِضْحَكْ السّهْرَةْ مَعِيْ ؟
مِنْ يــِرْسِمِ الضّحْكَةْ مَعِيْ ؟
مِنْ يــِمْسَحِ الدّمْعَةْ عَلَى خَدّيْ لِيَا هَلّيْتَهَا ..
أَوْ .. لاَ .. دِقَيْقَةْ .. مِنْ يِذْرِِفِ الدّمْعَةْ مَعِيْ ؟
يَعْنِيْ كِذَا فَجْأَةْ تُرُوحْ ؟
مَا كِنّ لِيْ خَاطِرْ وُرُوْحْ ؟
يَالِيْتْ بَسْ لَوْ قِلْتْ لِيْ مِنْ قَبْلْ ..
مِنْ شَانْ اَرْفُضْ الفِكْرَةْ .. وَنَظْرَاتْ الْقَهَرْ ..
أَوْ لَجْلْ اَرْفُضِ الفِكْرَةْ ، يَالِيْتْ لَوْ لَمّحْتْ لِيْ مِنْ قَبْلْ .. لَجْلْ اَقْهَرِ عْيُونِ السّهَرْ ..
اَوْ لِيْتْ بَسْ لَوْ مَا قِدَرْتْ إِلاّ عَلَى نَقْضِ الجُرُوحْ ؛
وِعَيّتْ ظـْرُوفَكْ عَليْكْ اِلاَ تُرُوحْ ؛
فـْ عَلَى الأَقَلْ .. خِذْنِيْ وِرُوُوُوُحْ ..
* العذب ../صالح الحوشاني
المواضيع المتشابهه
العرض العادي
