سيكورتي مستشفى الخفجي العام

[@همس الغروب@]

[COLOR="Indigo"]الله يرزقك بالوظيفة اللي تسر خاطرك انا اقولك استخير واستشير وتوكل على الله ودامك تدرس كمل دراستك هي اللي بتنغعك وشوي شوي تلقى انك سويت اشياء كثيرة بالوقت نفسه الله يوفقك ويريح بالك [/COLOR]

[ŘễMẾmβER Mẻ]

انآإ عمي يشتغ ـل بالمستشفى بالصيدليه..ورآإتبه الظآإهر 3000
وكآإرفينه..

[لهب شمر]

اقتباس المشاركة الأصلية كتبت بواسطة مطيري ولي الفخر السلام عليكم ورحمة الله وبركاته اولا الله يرزقك ويعوضك ثانيا انا سكيروتي بنفس المستشفى صحيح ان الراتب موبذاك الزود لكن على قولتك معقوله استلم راتب هندي الهندي ماتغرب وجا هنا الا انه يبي الرزق ثالثا حاليا الراتب الفين ريال رابعا الموضوع مايستاهل انك تطرحه او انك تذكر اسم المستشفى لان حنا نحب الخفجي ونغار عليهاا وماودناا هالمواضيع تطرح في منتديات ثانيه وانت ماتدري ان الي بالمنتدى كلهم من الخفجي .. اعذرووني بهذا الرد او اني استعملت صفه مراقب او مدير منتدى ولكن هاذا لسبب غيرتي على مدينتي وانا متااكد بان اخوي الفاضل ماكان قاصد بس ياليت تمسح الاسم وتخلي الموضوع على ماهو تقبلوو مروري واكرر اسفي للجميع

[align=center]

عفوا بس حبيت اوضح شي مهم .. كلنا نحب الخفجي .. بس حبنا ماراح يفيد الخفجي ولا يفيدنا .. اذا كل واحد مايطلع مشاكله وكل واحد مايبين الاخطاء وفضائح المسوؤلين عمر الخفجي ماراح تتطور ولا رواتبنا تزيد .. لان السكوت علامة الرضا ..
بالعكس اخوي المفروض الكل يتكلم .. بما انه في ناس قاعد تظلمنا بالرواتب ويكذبون علينا يحطون اعلانات للوظائف ولما نجيهم يقولون والله الراتب صار 1300 اتوقع المفروض محد يسكت .. وتاكد اخوي اذا انت تكلمت وغيرك تكلم .. الاوضاع راح تتغير للافضل ..لان المسوؤلين بيحطون في بالهم وبيتأكدون انه في ناس تطالب بحقوقها فماراح احد يتجرأ علينا ويلعب في رواتبا او غيرها

اما اخوي صاحب الموضوع .. بالعكس من رأي انك تتوظف وتشيل نفسك بنفسك .. علشان محد يقعد يتمنن عليك في يوم من الايام ويقولك انا كل شهر اعطيك ..الشغل مو عيب حتى لو كان الراتب 1000
بالاخير الله يوفقكم ويرزقكم بالراتب والوظائف الزينه
[/align]

[امجاد]

اخيالكريم هل فيه اثبات مادي معاك ان الراتب كان 2000

اذا كان ذلك فعليك بديوان المظالم
فهذا تلاعب صريح ويعاقب عليه القانون

اما ان كان العرض شفوي فقط

فعليك بالوظيفة افضل من الفراغ فــ سنوات العمر تمر ولاتدري عن تكرار الفرص - وقليل دائم خير من كثير منقطع-

[بــ الخفجي ـنت]

غريب .؟ الشباب السعودين غريبين

اذا ما جات وظايف قالوا مافي

واذا جات عندهم طلعوا عيوب الدنيا فيها

تيب ليه ما ترضى بالقليل وربي اكيد بيعوضك

ليه من البداية ترفض

انتوا لسه شباب فيكم طاقة ... المفروض تستغلون ابسط الفرص حتى لو الرواتب قليله

اثبت نفسك واكيد مع الوقت بتتحسن الرواتب والاوضاع

بس اذا انت بتجلس بالبيت وتشتكي تقول هذي راتبها قليل وهذي دوامها كثير وهذي وهذي وهذي .. الخ

عمركم ماراح تتوظفون ابدااا

الشاب الناجح هو اللي يبدا من الصفر ويوصل للمليون

مو اللي يدور الشي الجاهز السهل

على العموم الله يوفقك

تحياتي

بـ الخفجي ـنت

[شمس الرائدية]

يأخي إحمد ربك 1300 ريال
غيرك يشحذها بالشوارع ..
إستخير وكأنها خير لك توظف فيها وربك يفتحها بوجهك وأستغرب من اللي قالوا لك حنا نعطيك هالراتب بس إقعد في البيت
أنت رجال طول وعرض تطلب من أهلك هالمبلغ ؟؟
أحسن لك توظف منها تفيد نفسك وتجمع كم ريال للمستقبل ومنها يروح وقتك الفاضي ....
موفق

[الفيصــل]

1300 ريال مبلغ كبير حيل
تدري وش تسوي في الـ 1300 ريال
تقدر خلال 3 شهور تشتري أرض
وخلال 4 شهور تبنيها وتأثثها
وخلال 6 شهور تقدم مهر وتتزوج
وخلال 7 شهور تشتري سيارة
وخلال 9 شهور تبني مسجد لآخرتك
مالك حق والله ترفض والله يعز الحكومه
الحمد لله أننا في اغنى بلد نفطي في العالم
ورجالنا أحرار وبناتنا حرات كلهن عزة وكرامه وشموخ
البنات اللي يقولن 1300 خير ونعمه وزي البنقالي اللي جاي
من ديرته وذابحهم الفقر وديرتهم رخيصة انا اعرض عليهن عرض
كأنهن عاطلات انا بوظفهن سوكرتيات بـ 1300 ريال هآه موافقات ؟ ولاتهايطن
ياحلو الأنسان إذا فكر وكان حـــــر مهو عبد وعرف أن ديرته اغنى ديره بالعالم

[شمس الرائدية]

.
.
والله إنت اللي تهايط
بدل ما تشجعه ويستغل وقته بشي يفيده تقوم تشيشه
بس تتكلمون على الفاضي ي الشباب
بس تبون مكاتب ومكيفات وجالسين ؟؟

[مطفش ابليس]

اقتباس المشاركة الأصلية كتبت بواسطة مطيري ولي الفخر السلام عليكم ورحمة الله وبركاته اولا الله يرزقك ويعوضك ثانيا انا سكيروتي بنفس المستشفى صحيح ان الراتب موبذاك الزود لكن على قولتك معقوله استلم راتب هندي الهندي ماتغرب وجا هنا الا انه يبي الرزق ثالثا حاليا الراتب الفين ريال رابعا الموضوع مايستاهل انك تطرحه او انك تذكر اسم المستشفى لان حنا نحب الخفجي ونغار عليهاا وماودناا هالمواضيع تطرح في منتديات ثانيه وانت ماتدري ان الي بالمنتدى كلهم من الخفجي .. اعذرووني بهذا الرد او اني استعملت صفه مراقب او مدير منتدى ولكن هاذا لسبب غيرتي على مدينتي وانا متااكد بان اخوي الفاضل ماكان قاصد بس ياليت تمسح الاسم وتخلي الموضوع على ماهو تقبلوو مروري واكرر اسفي للجميع

اهلا بك اخي مطيري وافتخر
اولا - الله يرزقنا وييسر امورنا وامورك
ثانيا - اتمنى لك التوفيق في عملك
ثالثا- اخي العزيز اذا انت تستلم 2000 وانا يوم قدمت قالوا 1300 اذا وين راحت 700 ريال
( اكلها القطو ) هذا شي واضح
ثالثا - تقول تحب الخفجي حتى انا احبها واموت فيها ولا لي غنى عنها لكن ما طرحت الموضوع الا الا لنجد حلا لهذه المهزله _ سلامات 1300 ) من جدك احد يشتغل بهذا المرتب
رابعا- لا بد من ذكر المستشفى لان عدم ذكر اسم صاحب المصلحه يعتبر تستر عليه
وهذا الذي حصل من الشركه المقاوله بالمستشفى لا يرضي الله ولا رسوله
خامسا- انا فعلا قاصد ذكر المستشفى ولا ارغب بمسح الاسم وجعله مجهولا ( لان لا فائده من الموضوع )
اخيرا تقبل مني كل احترام وود

[الفيصــل]

^
شمس الوله
أنا واقعي المهايطي يكون خرافي
واللي مايفكر هو اللي كلامه فاضي
طيب إذا جاء هالشاب وتقدم لك ترضين تتزوجينه وراتبه 1300 ريال ؟
وكم بتطلبين منه مهر ؟
حرام عليك إنتِ ترمين الولد للذل والعزر وعلى شنو على
1300 ريال لاتغني ولاتسمن من جوع