أكتب تعليقك عن مستشفى الخفجي العام

[لحن الحزن]

اقتباس المشاركة الأصلية كتبت بواسطة حترش ياخوان انا حدثت لدي مشكله مع بنت اخوي الصغيره تخيلو 3 ايام وهي مسخنه وماتاكل بس تشرب مي واي شي تاكله تطرشه وديناهم اول يوم ويجيبون دكتور هندي تخصص مستشفى اطفال ويسالنا وش فيها الخ .. وجاوبنا ويفحصها ويعطينا ادويه ومانفعت ومن بكره نوديها لنفس الدكتور ويعطينا ادويه نفسها ومانفع , وواحد من قرايبنا بيض الله وجهه قال ودوها للاهلي وان شاء الله متعافيه وديناها الاهلي ماقعدت ساعتين الا هي ومتعافيه صراحه مستشفى لا اضمنه ابدا ابدا , بالعربي لاتوجد اداره متشدده عندهم

الحمدلله على سلامتها

ولكن أتدي ماهو السبب ...!!!!

السبب ان ادارة المستشفي العام الحكومي لا تفكر بأبعد من ( الرابت ) و ( الحوافز ) و ( الترقيات ) على حساب ارواحنا لا يوجد اهتمام في عملهم

ان ادارة المستشفي بحاجه الى تأهيل انساني لكي يعلموا ان دورهم لا ينقضي بأستسلام راتب كل اخر شهر ولكن هو دور انساني يجب عليهم تقديمه بل هو اكثر اهمية من دور الجندي المكلف بحماية وطنه

فهذا دور مهم ولا استطيع ان اقول الله يرحم ايام زمان وايام الادارة العربية حينما كان المدير المصري للمستشفي الحكومي يقوم بأتم الاستحسان في حقوق المرضى للاسف ان ادارة المستشفي سعوديه 100% وازيدك من الشعر بيت انهم ايضا مسلمون يعني ليس من ادايان اخرى لكي نشكك في نياتهم للاسف

ومع هذه المميزات جميعها لا نجد من ادارة المستشفي الا التفكير في ( اخر الشهر وصرف الراتب ) عاش اللي عاش مات اللي مات لا يعنيهم

وانصح ادارة المستشفي بوضع ثلاجات موتى جديده لكي نستفيد من هذه الخدمه بدل اهدار الكهرباء في اقسام وامور فاشله

والله يرحم امواتنا واموات المسلمين

والله الهادي

[الضيغم]

[align=center]
أنا أكثر شي أستانس عليه حبوب الراس


تجي مسخن حبوب راس



تجي رجلك مكسوره حبوب راس


تجي بطنك ذابحك حبوب راس


تجي مهلوس حبوب راس


تجي مفلوق حبوب راس


تجي فيك سرطان حبوب راس



تجي حرمه حامل حبوب راس له وللورع اللي ببطنه


تجي تبي تزور واحد منت مريض تتناقز مابك الا عافيه حبوب راس


تقدم على وظيفه حبوب راس


تزرع نخله ببيتكم حبوب راس


ترد على الموضوع حبوب راس


مابقى الا نفطر على حبوب راس


يامل الفاس




لحن الحزن واقع مرير والأمانه



ههههههه


آآآآآه يالآمانه
[/align]

[أبو زيدان]

أنا أحب أشكر العاملين بالمستشفى




وأذكرهم بأحتسب الأجر في عملهم والحرص على الأمانة

[السفير الهلالي]

وياقلب لاتحزن

[الغلا2007]

اقتباس المشاركة الأصلية كتبت بواسطة عاشق 11 هههههههههههههههههههههههه المفروض محدد بالموضوع نقاط سلبيه ونقاط ايجابيه ليتم التعليق عليها

اخي الكريم لو راح نضع نقاط ماراح نضع الى نقاط سلبيه لاننا ماشفنا نقاط ايجابية من

المستشفى من يوم فتح ومشكورررر على مرورك

[الغلا2007]

اشكر الجميع على التفاعل

[وافية الخصال]

ماعندي شي اقوله يكفي الاخوان والاخوات اللي قالوه بس حبيت اقول ياخرطي تموت وهم ماعلجوك انا بس اللي غاثيني اللي يشتغلون بالطوارى اخر الليل ياخرررررررررررطي لااحد يشوفك

[الوهبي]

لا لا

انا عندي شي جديد

لازم قبل تجي المستشفى

لازم لازم تعرفلك واحد من اللي شغالين بالمستشفى يسنعك ولا يعقدونك الربع

الله يعافينا ويشافينا

[لحن الحزن]

مع احترامي للجميع

انا عندي سؤال اتمنى يصل الى ادارة المستشفي يعني قبل فترة زيارات التجار وتبرعهم السيخ على 50 الف و 100 الف

قصدي على 1000 ريال و 2000 ريال اعتذر عن المبالغه في بداية كلامي

سؤالي هنا يا ادارة المستشفي ويا مدير المستشفي المحترم رأينا صورك وابتسامتك واهتمامك في استقبال الاخوان التجار ورجال الخير

هل يعني هذا ان المستشفي بحاجه الى تبرع ....!!!! هذا سؤال و اهالي الخفجي فيهم الخير والبركه واضمن لك ان الفقير قبل الغني بيساعدك اذا كان المستشفي حاجه مالية ومحتاجين اموال تبرعات للمستشفي وانا ابصم لك بالعشره اهالي الخفجي فيهم الخير والبركه ومستعد كل شخص فيهم يتبرع لك بـ100 ريال وعليك الحسبه وفي ناس تحب الخير وبتتبرع باكثر تبي الاجر من رب العالمين في هذا

ولكن مشكلتنا ان الصحه ماشاء الله ماخذه ميزانية كبيره والدكتور الربيعة ماقصر هل تريد شكاوى للوزاره نقول لهم ادفعوا اموال لمستشفي الخفجي العام هو بحاجه لها مستعدين لهذا

مع كل هذه الاسباب لا اجد سبب واحد مقنع يعني ماشاء الله الوزارة تدفع بسخاء لكم ولكن خوذوها مني نصيحة يا ادارة المستشفي لا تجعلوا في ذممكم دعاوي الناس نصيحة لوجه الله اقدمها لكم شئ لا تستطيعه دعه عنك وش لك بدعاوي الناس

احنا مو في بلاد لا تعي مايتم صرفه ولدينا ناس تتحدث بامور ومشاكل في المستشفي وعيوب

يا اخواني ادارة المستشفي نريد حل نريد حل نريد حل ....؟؟

عندكم نقص في الكوارد الاداره وغيرها شباب وبنات الخفجي ماشاء الله العاطلين كثير تقدرون توظفون منهم ولن يقصروا في هذا

ناقصكم شئ اهالي الخفجي لن يتأخروا في التبرع لكم وفتح باب التبرعات اهالي الخفجي ارواحهم غاليه ولن ترخص امام المال ومستعدين لفتح باب التبرعات
ولكن اخبرونا ماهي العله لا تجعلون البطحات فوق رؤوسكم وتقولون الله يستر لحد يحسس عليها

اكرر نصيحتي لا تجعلوا ذممكم في دعاوي الناس ترا مايحدث في مستشفى الخفجي من تقصير واهمال قد يصل الى حد الله يستر منه

وهنا اقولها للجميع لكي لا تقولون ياليت الحصل ماحصل

لا تسكتوا الى ان يموت لك طفل او زوجه حامل او اخ او اب بسبب اهمال واخطاء قضاء الله وقدره نقبلها بروح طيبه والحمدلله ولكن مستشفي الى الان لا توجد فيه عيادات خاصة لغسل الكله واقسام كثيره ومبنى عملاق وفارغ وربي صعبه

ولكن نعلم ان هذا المبنى بيطلع عبئ كان اختصرنا لكم بيت ويتم استأجره لكي يكون لديكم عذر وتقولون ماعندنا مبنى يتسع للاقسام

راعوا حقوق الله في انفسكم وخافوا من الدعوات عليكم ترا دعوت المظلوم مستجابه نصيحتي ولكم الشكر

واعتذر للجميع عن كثرت ردودي في هذا الموضوع ولكن هذا بسبب اهميته الانسانية ولكم كل الشكر والتقدير

[عزوز المهيدي]

يا ليت يضعون استقبال النساء لـ وحده .. ويكون نسآء فيه ..
واستقبال الرجال لـ وحده .. ويكون رجآل فيه ..

تحياتي ..