لي بندق ما صنعها الصانع التالي = من دقة ( المارت ) نحال مقاضبها

[سـَمآ ♪]

بسم الله الرحمن الرحيم

السلام عليكم ورحمة الله وبركاته

لي بندق ما صنعها الصانع التالي

لي بندق ما صنعها الصانع التالي = من دقة ( المارت ) نحال مقاضبها
شريتها بالثمن يوم ارخص المالي = إميه وعشرين ما يمهل بغايبها
الله يرحمك يا عود شراها لي = من واحد جابها للسوق جالبها
حديدها واذكر الله كنه ريالي = كن الحيايا تطوافي مقاضبها
اقف بها بين ربعي وامنع التالي = لا خف ولد الردي ما احتال يزهبها
عط الطويلة عريب الجد والخالي = ولد الردي لا تلخونه يزول بها !!
واللي رفيع وللشوفات حمالي = ارفع نواصيه ياربي وقطبها
وانا من الخبرة اللي شورهم عالي = واهل سلوك الردي يارب تذهبها
بنت غراها زباد في ايد دلالي = ولا طموح هواها من يلاعبها
كم مرة قد ضربنا منجم خالي = وكم جملة فرقتها من ربايبها
وليا لفونا من المقناص زعالي = أحد مدح بندقة واحد يعذربها
بشرتهم العشا من عقب مقيالي = القايدة مع مرد الكوع ضاربها
اضرب بها الوعل لاجاد له تهنفالي = ابو حنية كبير الراس شايبها
ذبحت عشرة بها والظل ما مالي = والحاديه روحت تثلغ مضاربها
ويالله انا طالبك حمرا هو بالي = لا روح الجيش طفاح جنايبها
لا روح الجيش حاديه اشهب اللالي = لا هي تورد وسيع صدر راكبها
اللي على كورها واللي بالاحبالي = واللي على عيزها واللي بغاربها
لا روحت مع سباريت الخلا الخالي = كن الذيابه تنهش من ترايبها!!
تمت وصلوا عدد ماهل همالي = على نبي شروع الحق رتبها
اغفر ذنوب الفتى يالله ياوالي = لا جيت في حفرة رزوا نصايبها
فراج بن ريفه العبيدي القحطاني رحمه الله

بصوت المبدع مهنآ العتيبي :

http://sites.google.com/site/shadrh/Muhanna.ra?attredirects=0&d=1

:

بصوت ناصر السيحآني :

http://sites.google.com/site/shadrh/alsihany.ra?attredirects=0&d=1

:

بصوت فهد مطر :

http://sites.google.com/site/shadrh/fhad.ra?attredirects=0&d=1

:

بصوت حامد الضبعآن :

http://sites.google.com/site/shadrh/hamed.ra?attredirects=0&d=1

*/*