رواية انت تدري اذا البنت عشقت وش ممكن يصير !

[دانة الكون]

بيــــــــــــت ام طـــــــــــارق

الجو كان عادي جدا مرام مع البزران ونواف مع ربعه وغرام بغرفتها تسولف مع لجين والشله الجديده عالمسن ....

دخلت ام طارق لغرفة مرام لقتها جالسه وراما بحضنهاا ورامي يحبي فالغرفه ويلعب طنشت وجودهم وتوجهت لبنتها ..

مرام : هلا يمه

ام طارق: هلا حبيبتي اممم مرام نادي سينا خليها تجلس مع البزران وتعالي غرفتي ابغى اكلمك شوي

مرام نزلت راما من حضنها:ان شاء الله يمه ...سيناااااا سينااااااااااااااااااا

جات سينا بسرعه: نئم مرام

مرام: تعالي شيلي راما و رامي نوميهم

سينا : تيب

طلعت مرام مع امها ودخلو الغرفه وقفلو الباب بعد لحظات بدت ام طارق تتكلم : مرام طارق مكلمني اسألك عن رائيك بسالفه الخطوبه

مرام نزلت راسها بخجل : هو لحق و قال لك

ام طارق: اكيد قال لي واحنا بجده وبعدين الرجال مستعجل لازم نرد عليه بسرعه ها فكرتي

مرام رفعت راسها وركزت نظراتها بعين امها: بصراحه يمه ...انا فكرت وقررت خلاص ...انا مو موافقه!!!

ام طارق استغربت: طيب ليش مو موافقه ... استخرتي وماارتحتي والا في شئ بالرجال مو عاجبك

مرام بجرائه : بصراحه انا مو مرتاحه حتى قبل لا اصلي وبعدين الي خاطبني صديق طارق يعني بيكون نسسسسخه منه وانتي ادرى بولدك..

ام طارق حز بخاطرها كلام مرام اعن طارق : لا تقولين عن اخوك كذا وبعدين يابنتي هذا مو سبب للرفض ...اخوك مهما كان مايبى الا مصلحتك ومابيزوجك واحد مو زين بيضل اخوك

مرام وقفت: يمه انا مو بخاطري العرس والرجال مستعجل الله يسهل عليه واذا طارق متفشل منه يزوجه غرام ..

ام طارق : لا غرام صغيره عليه وهو محددك انتي بالاسم ..انا بقول لاخوك رئيك اليله والله يقدم الي في الخير يابنتي ..

مرام باست راس امها: امين يالغاليه يالله انا رايحه غرفتي تامريني بشئ

ام طارق: سلامتك حبيبتي الله يسعدك

خرجت مرام لغرفتها وهي مقتنعه انها اتخذت القرار الصائب بينما امها كانت شفقانه وتبى تفرح ببنتها بس شكلها ماحتفرح قريب ..........












************************************************** **********************************
Яąṁά●̮̮̃•̃ả๔ĐĽǿǿ3ά <<
************************************************** **********************************











بالمستشفـــــــــــى

ناظرت حولينها بملل مجموعه شباب على طاولات واصوات ضحك واطفال ورجه .. لفت انتباهها جسد شخص كان معطيها ظهره ويكلم واحد فتحت عينها على الاخير ...
نفس هيكل جسدها كأنه انعكاسها فالمرايا
بااستثناء ضخامته شوي ....
والاهم باين جزء من وجهه وشعره وهو واقف بعيد فااخر المحل ...
دققت النظر فيه وهي مو مصدقه
"مو معقول ..انا اتخيل شكلي من التعب "

فركت عينها تبي تتأكد من وجهه الي تشوفه وهو التفت بنفس الحظه
وصار قدامها وااضح تماما ..
نسيت طلبها للكابشينو وطاح المفتاح الي بيدها ... والرجال كان يكلمها بيعطيها طلبها وهي عينها على الواقف بعيد ..

بدون شعور منها مشيت بااتجاهه بسرعه تبي تلحق عليه
بس صدمت بجسد وطاحت ...

رفعت راسها وهي تحس بالم برقبتها طالعت بالي صدمت فيه ...
كان شاب معضل مد يده لها ..

الشاب : اسف اخوي ماانتبهت لك ..

رغد وقفت وعدلت شكلها : لا لا عادي اخوي حصل خير

لفت بعينها تطالع للشخص الي شافته لكن مالقيت له اثر جرت بسرعه للمكان الي كان واقف فيه
مو معقوول وين اختفــــــــــــــى ..

حست باانفاسها متسارعه وبدت تركض بالممرات تدوره لازم ماتضيعه لازم تشوفه لازم تتأكد
بس لا اكيد هو ؟؟ مافي غيره ...نفس الشكل مستحيل تشبه عليه
متــــــــــأكده مستحيل يكون خيال او هلوسه
تغلط بمليون شخص لكن هو لا
اكيــــــــــد هو

نفس الهيـــــــــــكل

نفس الشــــــــــــــكل

العيون ..الانف ..النظرات

حتى الوقـــــــــــفه

هذا اكيــــــــــــــــــــــــــــــد




<< نـــــــــــــــــــــــايف >> !!!









************************************************** **********************************
Яąṁά●̮̮̃•̃ả๔ĐĽǿǿ3ά <<
************************************************** **********************************

يـــــــزن

بعد مرور كم يوم على اخر لقاء جمعه مع اشواق حاول يبعد عنها فتره يبغى يرتاح ويصفي ذهنه من كل شئ ويخليها هي كمان ترتاح وتفكر بعقلها بجو هادئ بدون ضغط عشان يعرف يتفاهم معاها ..

جلس على على الكنبه ومتمدد عليها يرتاح وحط راسه بين يديه ..حاسس انو عائم في دوامه مو عارف شلون يخرج منها ..
جا بباله اخر لقاء معها ..
كيف كانت في حالة هستيريا ..
كيف تجرءت تقولها ببساطه..

ط
ل
ق
ن
ي


يزن طلقني .....ترددت الكلمه براسه اكثر من مره وكأنها قدامه وتقولها..
انت ماتحبني انا اكرهك
انا اكرهك
انا اكرهك

انت خاين
خاين
خاين

طلقني
طلقني
طلقني

حس اعصابه تفلت منو صرخ بدون وعي منه : انا مو خــــــــــــــاين
مو خـــــــــــــــاين




انا احبـــــــــــــــــــــــ ــــــــك




سمع صوت دق عند الباب صحاه من الي كان فيه ...
تعوذ من الشيطان جلس على الكنب بعد ماكان منسدح
مسح وجهه كان كابوس فضيع ...

اذا غمضت عينه يحلم فيها
وان سرح بخياله يتخيلهاا
حس انو عايش بكابووس وهو الضحيه ..
ايش غلطه ايش ذنبه ..مو عارف
ليش كل ماقال اخيرا ابتسمت لي الحياه
ترجع له المشاكل والمصايب والالام ...

شاف رنا جايه بااتجاهه سكت وعدل جلسته وهو يطالعها كانت الغرفه مظلمه
ومو واضح الا شعرها وظلهاا ..

يزن تنهد: هلا رنا في شئ ؟

رنا: ابغى اكلمك بموضوع مهم ....

يزن تثاوب بتعب: رنا والي يعافيك اجليها بكره حاس راسي يعورني وصداااااع ماسكني من اول

رنا بهدوء وجديه: مو مشكله اروح اسوي لك قهوه تصحصح لان الموضوع مهم مايتأجل ..

يزن حس ان عندها شئ : طيب خلاص سوي قهوه وتعالي غرفتي نتكلم على رواق اوك

رنا: اوك

خرجت رنا وراحت المطبخ وهي مو عارفه كيف بتفتح معاه الموضوع السالفه صعبه ووهقه كبيره اكيد بيعصب ان درى بس لازم يعرف ويحل المشكله قبل لا تكبر اكثر وتوصل للطلاق .......

جهزت القهوه على السريع وشالتها متوجهه لغرفة اخوها وهي تستعد تفتح معاه موضوعه مع اشواق ..
دقت الباب سمعته يقولها ادخلي ...
دخلت وسكرت الباب وراها ..
كان جالس على الكرسي وقدامه كرسي ثاني وطاوله صغيره ..
حطت تلاجه القهوه على الطاوله وصبت له فنجان ولها فنجان
وجلست امامه بهدوء والسكون يعم المكان ...

سكتو الاثنين كل واحد ينتظر الثاني يبدا بالكلام بدؤ يشربون القهوه ونظراتهم تحكي ..
قطع يزن الصمت بعد مرور 10 دقايق ...

يزن: ايش الموضوع الي تبيني فيه ..؟

رنا بهدوء قد ماتقدر : الموضوع مايخصني ..يخصك انت ..واشواق

تنرفز يزن من طاريها : اشبها اشواق ..كلمتك بشئ ؟

رنا بهدوء: ايوا انا رحت لها زي ماقلت لي عشان نتسلى انا واياها وسألت عن اخبارهاا بس الي صار شئ ما يسر..

يزن بتوتر : قولي الي عندك ..

رنا: انت تدري انها تبي الطلاق

يزن بدا يتنرفز: أي بس تحلم بالطلاق انا ماتزوجت عشان اطلق واسمع دلع البنات

رنا استفزتها كلمته "دلع بنات": وانت شايف انو السالفه دلع بنات بس ..

يزن : اجل ليش تبى الطلاق .. كانت موافقه من البدايه ومبسوطه وبدينا نقرب من بعض فجأه قالت ماابيك طلقني ..احنا نلعب مع بعض والا ايش ؟

رنا: لانها يافالح درت عن سالفتك مع رغــــــــــد ...

يزن انصــــــــــــــــــــــــدم
فتح عيونه على وسعهاا
حاول يتكلم .. يقول شئ
انلجم لسانه

رنا : قول شئ ..تكلـم

يزن غمض عيونه بيستوعب الي يسمعه ..
فتحها وطالع رنا صرخ فيها بقهر : ر رنا انتي ايش تقوليــــن .. من فين عرفــــــت .مـ مـــــن قال لها ...؟

رنا : ماادري سألتها قالت مو مهم كيف عرفت المهم اني عرفت وبس

يزن عض اصابعه وضرب الطاوله بقهر لفظ شتيمه ولف وجهه عن اخته

رنا حاولت تهديه لانو باين عليه معصب وجسمه متصلب من التوتر : يزن لا تتوتر احنا لازم نحل المشكله اشواق تحسبك تحب رغد للحين
عشان كذا تبي الطلاق ..تـقول مااتحمل اعيش مع انسان يفكر بوحده غيري

يزن بعصبيه: رنا انتي عارفه اني احبها.. رغد ماضي ليش مو راضيه تستوعب ليش تبي تخرب علاقتنا عشان مــــــــــاضي وراح

رنا بقهر: لانها تحــــــــــبك مو قادرة تنسى ..او تتجاهل الي عرفته
تحس انك مو لها .....انك تفكر برغد ويمكن تظن انك للحين تحبهاا .. وتزوجتها عشان تنسى بس ...

يزن شد على يد اخته واصر على اسنانه كأنه بذي الطريقه يدافع عن نفسه
: المفروووووض تثق فيني! ...كيف ...كيف... قدرت تفكر اني اخونها حتى بفكري اصلا لو اني لسه احب رغد ماكان تزوجتها هي! ايش الغباء دا ...وين عقلها ....!

رنا نزلت راسها :صدقني لو انا مكانها يمكن سويت نفس الشئ ...!

يزن بسخريه : عشان ماعندكم عقل تفكرون به ..

رنا طالعته وعينها لمعت بالم مكبوت ودموع متحجره : الحرمه ماتتحمل فكره انو في وحده غيرها تشاركها بزوجها ..حتى لو بفكره وعقله ..
كيف لو كانت تحبه !!!
انت لو شفت شكلها زيي كان تقطعت الف مره ولا تشوفها بذاك الشكل
اشواق صارت ميته مافيها حيااه
مو اشواق الي اعرفها..
اشواق ثانيه كئيبه وحزينه ومجروحه ...السهر باين عليها
ودوم شارده ..حتى نظرات عينها مافيها حياه ..
اشواق الفرفوشه المرحه المليانه حيويه ماعادت موجوده
صارت شبح ..يزن اشواق تحبك والحب معذبها ...
ومن حبها لك تغاار عليك ويمكن فاهمه ..ماتتحمل انك تحب غيرها
لا تلومها ..
هذا شئ مو باردتها ..

يزن وقف وهو يبى يشوفها كلام رنا عنها خلاه زي المجنون بيشوفها ويتطمن عليها ..ويمسح دمعتها الي هو سببها : انا رايح اتفاهم معاها

وقفت رنا ومسكته من معصمه : وين وين شوف الساعه ..الوقت متأخر تفاهم معاها بكره الحين تعوذ من ابليس و نام وريح راسك وبكره خير

يزن : وهو الواحد يقدر ينام ..ااه استغفر الله ..اعوذ بالله منك ياابليس
"تنهد تنهيده قويه" والله احبها يارنو وما اتحمل عذابها
والي محرق قلبي اني انا السبب فيه ..اااه يااشواق
خلاص انتي روحي غرفتك ونامي لا تخافين ما حطلع..

رنا وقفت وربتت على كتفه: اوكي تصبح على خير

يزن: وانتي من اهلوو

خرجت رنا وهي ترثي حال اخوها وعارفه بالي يدور بخاطره والي حاسس فيه بهذا الحظه ...
كانت شاهده على حالته لما كان يفكر برغد وكيف تعذب .... بهذا الوهم وبالنهايه قدر ينسى ويكمل حياته ..
والحين تزوج ويحب زوجته وزوجته تحبه وزواجهم قريب ..
بس شبح الماضي مو راضي يتركه ابدا وبيدمر حياته..

مابيدها شئ تساعده الا دعائها وتهديه النفوس..
توجهت لغرفتها وبدلت ملابسها ارسلت مسج لفيصل انو يصحيها الصباح وحطت راسها ونامت .............

[دانة الكون]

الشــــــــــــــــرقيه
المطـــــــــــــــــــار

وصل المطار بعد غياب كم يوم بس بالنسبه له حسها شهور طويله .. مشتاق لبيته ولابوه ولامه ربعه وحتى شغله .. والاهم متلهف لقرار مرام المنتظر ومتفائل بموافقتها ...........! <لا تفرح كثيرا ايها الخالد ...

اول ما عتبت رجله ارض المطار اتصل على ابوه وطمنه انو وصل بالسلامه واول من خطر بباله بهذه الحظه
صديق عمره ..فارس,,

اتصل عليه لكن الرقم مقفل ..استغرب مو من عاده فارس يقفل جواله ؟! حس انو في شئ ورى السالفه ..وقلبه مقبوض
اتصل على عبدلله وطمنه انه وصل وبعدها دق على طارق
بس الي زاد شكوكه وحيرته انه طارق اعطاه مشغول!!!!!!

قلبه مو متطمن ابدا ..كأنو حاسس بالمصيبه ...

اخيرا تذكر انه معه رقم نايف ..واكيد نايف يعرف وين فارس بحكم علاقتهم الي زادت خلال الفتره الماضيه ...
اتصل عليه ورن الجوال كم مره لكن ماحصل رد ..

تنهد من قلبه وتوجه لبيته وهو ناوي يعيد الاتصال بفارس ونايف والشباب بعد مايريح شوي وياخذ شاور دافئ.....

دخل بيته بهدوء شاف اخته طيف الملاك فالحديقه جالسه فالارجوحه وتتمرجح راح لها وباس راسها وضمها بحنان اخوي ..ابتسمت له بسعاده..

خالد بحنان: وحشتيني

اشارت له بلغة الاشاره انه هو كمان وحشها وقالت بنفس الغه احبك..

ابتسم بحزن لحالهاا كانت ماتتكلم يتواصلون معها بالاشاره او انها تكتب كلامها بدفتر ....

طلع من الشنطه الي معاه علبه فيها هديه بسيطه لها ودبدوب صغير مكتوب عليه حروف اسمها ومدها لها
ابتسمت فرحاانه بالهديه واخذتها وباست خده ..

دخل بعدها وتركها تلعب وتكتشف هديتهاا .......وهو متوجه الى جناحه ليرتاح من التعب ....

بعد ساعه ونص خرج من الحمام الله يعزكم وعلى راسه منشفه صغيره وقطرات المويه عالقه بشعره ...
لبس شورت وتيشيرت مريحه وخفيفه وتمدد على سريره
كان خالد مسترخي على سريره وهو منتعش بعد حمام دافئ ومريح ..

مد يده لجواله واتصل على نايف على امل انه بيرد عليه

رن الجوال فتره وكان فقد الامل انو يلقى أي رد

بس قبل لا يفصل سمع صوت يرد عليه :الوو

خالد: الوووووووووو نايف انا خالد

نايف: هلا خالد معليش ماسمعت الجوال لما اتصلت اول ..

خالد: لا مو مشكله الا بسألك انت وين وفارس معك ؟!

نايف:............................................. .................................................. .................................................. .................................................. ...............................................














************************************************** ***********************************
Яąṁά●̮̮̃•̃ả๔ĐĽǿǿ3ά <<
************************************************** ***********************************












بيت ابو فارس..

رجع ابو فارس بيته وكلم زوجته ..حكى لها كل شئ صار وعن فارس وعمليته ..بكت خوف والم نسيت حتى سالفه خطبه امل ..
اصرت تروح المستشفى وتشوف فلذه كبدها ..بس زوجها منعها وطمنها انو بخير ووعدها انها تروح بكره تشوفه ..

اما بالنسبه لامل..
اتصلت على افنان بس مالقيت رد منها ..فتحت كتبها وبدت تذاكر وتحل واجباتها ..اتصلت على لجين وسألتها عن الي فاتها ولجين حكت لها كل الي صار بغيابها وعن الطالبه الجديده الي انضمت لهم ....
بعدها قفلت منها وبدت تذاكر بااجتهاد تسترجع الي فاتها تبي توفي بوعدها لفهد باانها تجيب نسبه ترفع الراس ...

الريم ..
كانت داخله موقع شات على النت تسلي نفسها وتنبسط شوي تعرفت على شاب اسمه سمير وعجبتها السوالف معه
وجلست ليلها كله على الاب توب.....

تركي..
رجع بااخر اليل بعد مافلها واستانس كان ناوي يطفر باامل بس مافحاله اجلها لبكره ..راح غرفته ونام ...

[دانة الكون]

ايطــــــــاليا

بالمستشفى ...
اليوم خروج بشاير بعد ماتاكدو من سلامتها تماما اما اياد فلا زال غائب عن الوعي مع وجود علامات على تحسن حالته للافضل وامل مرسوم وهذا الي مستبشرين فيه ...

كانت ام اياد معاها وتساعدها ابوها قال لها عن اياد وتفـــــاجأه انها ماابدت أي ردة فعل غير طبيعيه ..! مع انو توقع تقلب الدنيا !!!
بس شافها هادئه حزينه ومتألمه ..لكنها متماسكه !!

ام ياد وهي تساعدها تمشي لانها كانت زي التايهه يكلمونها بس نظراتها ضايعه ..
بشاير وقفت عند باب الغرفه بعد مااخذت كل اغراضها عشان ترجع لبيتها : بابا ..؟

ابوها فز ورد عليها : عيوون بابا امري ياحبيبتي ..

بشاير بشرود: ابغى اروح لاياد ...

ابوها تردد بس شافها تطالعه برجااء : طيب دحين تزوريه قبل لا نخرج ..

بشاير: طيب

مشيوو لجهه الجناح الي موجود فيه اياد معهم ام اياد ..كان حازم اخوها سابقهم شاف بشاير وتعرف عليها ..حاول يخفف عنها بروحه المرحه وهي فرحت بوجوده جنبها وجنب اياد واهتمامه فيه ....

وصلو عالجناح شافو الدنيا جلبه وناس رايحين وراجعين صدمهم المشهد وجا ببالهم حاله وفاه او شئ كبير صار بالمكان ...
اسرعو الخطى لغرفه العنايه الي متنوم فيها اياد وشافو انها هي مصدر كل الي يصير ...

جرت بشاير زي المجانين وماجا ببالها الا : مـــــــــــــــــــات !!!

شافت بوجهها الدكتور خارج من غرفتة والطاقم الطبي كلهم موجودين تمسكت فيه عند الباب وقلبها يرقع وبلهجه مهزوزه تكلمت بالانجليزيه: دكتور مـ ـالذي يجـ ـري .. هل حصل شئ لايـ ــاد ؟!

الدكتور ابتسم بتعب: نعم لقد استيقظ من غيبوبته اخيرا ..

بشاير حست رجلها مو قادره تشيلها ولا توقف عليها ..فتحت فمها تستوعب ..
أيـــــاد عــايش ...
عـــــــــــــــــــايش
وصحى ..اخيـــــــــــرا

اتسعت ابتسامتها الي تحولت لضحكه ودموع الفرح تنزل بغزاره ..
ام اياد ماصدقت الي تسمعه سجدت سجود شكر لله انو نجى ابنها اخيراا بعدها بدؤ يحضنو بعض بسعاده ودموع الفرح مغرقه وجوههم حتى ابو بشاير نزلت دموعه من الموقف ..وحازم كمان ..

وهم في اجمل الحظات ...اكيد فرحانين
أيــــــــاد صحى اخيرا

بعدت بشاير عن ابوها وام اياد وراحت جهه الدكتور والابتسامه منوره وجهها تزين خدها دموع كالالماسات وبريق عينها يخطف الالباب وكانها اصبحت اسعد فتاه بالعالم ....

بشاير: دكتور هل استطيع ان ارااه ارجووك ..

الدكتور بحنان تأثر بالي شافه: نعم صغيرتي يمكنك الدخول لكن لا تدخلو جميعا ادخلو واحدا تلو الاخر لان حالت المريض الصحيه متدهوره ونحن نريد ان يتعافى بالكامل

بشاير : حسناا ."التفتت لام اياد وباادب عكس الي بقلبها " : خالتوو روحي انتي وشوفيه اول اكيد مشتاق لك وانتي مشتاقه له ..

ام اياد ابتسمت بسعاده وضمت بشاير لصدرها وثنتينهم بحاله بكاء وضحك راحه وقلق بنفس الوقت
بس الاهم انزاح الهم الاكبر عنهم ...!!

ام اياد بحب صادق لبشاير: تسلمين يا قلبي ..
"دخلت الغرفه تكحل عينها برؤيه ابنها من جديد بحاله افضل ويستطيع الاحساس بوجودها مجددا "

كان متمدد على السرير والاجهزه لسه مركبه على جسمه لكن خف كثير عن اول وكمامه الاكسجين شالوها عن وجهه الي برزت عظامه شوي
دمعت عينها وهي تشوفه وراحت له عند السرير ..

كانت نظراته للسقف ..نظرات ضائعه ...
نزل نظره عليها وصاير يطالعها بشكل بارد وكأنه يحلم !!!

ام اياد جلست ومسكت يده باست باطنها وهي تبكي وصوت شهقاتها مرتفع
ام اياد تبكي وهي ضامه يده لوجهها : الحمدلله على سلامتك يا حبيبي اااه اخيرا رجعت لامك ..

اياد كان يطالعها بس ماابدى أي ردة فعل مشجعه ابداا ..

ضمته امه وهي تبكي وتعبر عن مدى اشتياقها لفلذه كبدها ووحيدها وهي مشتااقه تسمع صوته او تشوف ابتسامته ..
لكن املها خاب لما بعدت ..وصدمتها ردت فعله
شافت نظرات عينه غريبه .. مو نفس نظراته ..
فمه حازم ويطالعها بضياع وكأنه مو أيـــــــــاد !!!
مو ولدها !!!

تركته وقالت انها راح ترجع وهي تباه يتكلم ... يقول أي شئ
بس مع كذا مافتح فمه بكلمه .. جاها شك انو عاجز عن الكلام
او فيه شئ .... لكنه مو طبيعي ...

خرجت من الغرفه بهدوء عكس لما دخلت وهي فرحانه ووجهها بشوش ..
لقت بشاير بوجهها وحازم وابو اياد جالسين يتكلمو مع الدكتور ...

بشاير : ها خالتو شوفتيه ؟ كيفه ؟ كلمك ؟ ماسألك عني ؟

ام اياد ماسمعت ولا سؤال من اسئلتها طالعتها وبنظره حيره والم وعذاب ..ليش ما استقبلها ابنها زي ما كانت تتخيل ....................
مشتاقه له ..ليش مابدلها الشوق والاحضان والدموع ...
او باس يدها وراسها زي عادته وقال لها .. انا بخير يااحلى ام بالدنيا ..
ليش وليش وليش
ليش كان ضاايع ..

دفت بشاير ومشت بتشتت خارجه من الجنااااح وحالتها غريبه .........

من جهه ثانيه استغربت بشاير صمتها وانها ماردت عليها ..خافت انو اياد فيه شئ ..اسرعت الخطا واقتحمت الغرفه ..

شافته ..............

نفسه ماتغير ...بس هالمره كان مفتح عيونه ...
اتسعت ابتسامتها ..
ركضت بجنون وضمته بقوه وشوقها سابقهاا
وابتسامتها تملى وجهها
عيونها تلمع بسعاده لا توصف ودموعها سابقتهاا ...
حبيبي صحى ..اخيرا صحى ... ومابيتركني ...






اشتقت لك ~
يابعد دنيا غدت عقبك بدون / ـألوان **
اشتقت لك ~
يـ أطيـب بشر **
اشتقت لك ~ياصافي النيّـة **
اشتقت لك ~
يصرخ بهـا لسـاني بصوت منتهي / ولهان

يرددها بكل شع ـور ..
اشتقت لك
للمرة المليون { 1000000 ..
اشتقت لك






بشاير ودموعها شلال ولسه ضامته بقوه وحب ومشاعرها شفافه كالزجاج سمعت صوته يتنهد بالم وهي شاده بقوه حست انها المته وبعدت شوي
لفت وجهها وصار مقابل تمام لوجهه وانفاسه تلفح وجهها وانفاسها المكتومه بدت تتسارع تبادلو النظرات.... احمر وجهها خجلا بعد مااستوعبت الي سوته ...

شافته يطالعها بنظره غريبه
ماتعودتها بس مااهتمت ...
المهم انه بخير وبس ...حبيبي بخير



بشاير تكلمت وهي مو مصدقه انو اياد قدامها مافيه شئ والشوق دافعها نحوه
: اخيرا صحيت عذبتني بغيابك ...اشتقتلك حبيبي ..
"مسكت وجهه بين يديها ونظراتها مثبته على عينه "

بشاير:لا تعيدها مره ثانيه ياقلبي انا مااقدر اعيش بدونك
مااقدر والله مااقدر

انتظرت منه أي كلمه ... حتى لو دفها وقال لها ابعدي ..
او قال لها انتي مجنونه ..او جاملها بكلمه ..
لكن مايسكت ....مايكون في فراغ بينهم.........

بشايراختفت ابتسامتها تدريجيا وهي تشوف نظراته : اياد ليش تطالعني كذا

اياد.............................................. ..

بشاير بعدت شوي عنه مسكت يده بين يديها وشدت عليها : اياد تكلم قول شئ ..مااشتقت لي .. "ابتسمت بمداعبه ووجهها احمر" مااشتقت لهواشنا ومزحنا ..ادري بتقول اني مجنونه وهبله

اياد ايضا لم يتجاوب معهاا ...
حست انها مو مع اياد ...لا ...هذا مو اياد الي اعرفه ..
كأني اكلم صخر مو بشر .....في شئ غير طبيعي

بشاير بتردد واملها خايب وباين على وجهها : انت زعلان مني ..اياد ليش تطالعني كذا..ّ!
انت تذبحني بذي النظره ...

بس ماتغيرت ردة فعله ولا بادلها مسكتها ليده او ضمتها او أي شئ ...
"صرخت بصوت مكتوم" لا تظل ساكت قول أي شئ ...

اياد بضياع : من انتي .....................

[دانة الكون]

بشقه فهـــــــــــــــد

صحت من نومها على صوت الجرس ... فزت بسرعه وتذكرت انها مقفله الباب من داخل ...
"يوووه اكيد هذا فهد جا ..اعوذ بالله من الشيطان الرجيم اشبي نمت كل هذا الوقت ..."
قامت ولمت اشياءها بسرعه ورجعت الصندوق محله وطلعت من الغرفه تفتح الباب لفهد ...

اول مافتحت الباب كان اخوها بوجهها .. ووجهه متعب ومو طبيعي ..

فهد : السلام عليكم

افنان: وعليكم السلام ورحمة الله

فهد: ليش مخليه المفتاح معلق بالباب ؟ دخلت مفتاحي بس عشانك ماشلتي مفتاحك جلست ملطوع عند الباب وادق الجرس ..

افنان بخجل وباين انها كانت نايمه: سامحني يااخوي بس راحت علي نومه عشان كذا ما انتبهت

فهد باين عليه مرهق تعداها ورمى نفسه على الكنبه فالصاله وطالعها
: حصل خير بالله جبي لي بندول حاسس بصداااع فضيع

افنان: ان شاء الله

راحت وجابت له علبه بندول وكاس مويه بارد دخلت الصاله لقيته متمدد على الكنبه وحاط يده على راسه ..باين انو تعبان حزنت عليه ونادته ...

افنان تهز يده: فهد

طالعها وهو حاسس انو غفى شوي: هاااا

افنان: جبت لك البندول

جلس بعد ماكان متمدد افنان مدت له البندول والمويه ...اخذها منها وبلع حبتين بندول وشرب المويه ..
تنهد براحه : تسلمين

افنان: الله يسلمك ..ها تبيني احط لك عشا؟

فهد طالع ساعته ..كانت تشير لبعد منتصف اليل وقت العشى راح خلاص وهو ماله نفس اصلا ..

فهد: لا حبيبتي روحي كملي نومك وارتاحي مالي نفس ..

افنان: لا انا شبعانه نوم من العصر نمت ... وصلت امل بيتهم ؟؟

فهد: ايو وصلتها ...

افنان شافت على وجهه كلام : فهد شكلك تعبان صاير شئ ؟ حاستك منت طبيعي قوول يااخوي ؟!

فهد تنهد تنهيده من قلبه: تعبااااااااان ياافنان تعباااااااااان

افنان جلست جنبه ومسكت راسه وخلته يتمدد وهي تحسس له في شعره : قول يااخوي قول الي بقلبك ..

فهد عجبه لعبها بشعره من زمان ماجلس معها وسولفو مع بعض : اليوم رحت استراحة راكان ....

افنان وقفت يدها عن العب بشعره وطالعته: ليش رحت هناك ؟

فهد غمض عينه وهو يتكلم: كنت ابغى اعرف ايش صار بعد مااخذت امل بس اتفاجأت لما شفت الاستراحه مليانه شرطه ...

افنان حست بقلق فضيع وخصوصا على رغد: ايوا وايش صار؟

فهد: رحت سألت ايش سبب الحوسه قالو انه صاحب الاستراحه متهم بقضية خطف واطلاق نار ..وظن انه قتل واحد اليوم !!

افنان شهقت رغما عنها...والشهقه فجعت فهد الي رفع راسه وطالعها ..

فهد مسك كتفها: افنان اشبك ...

افنان بتوتر : ها لا ..لا ولا شئ بس فجعتني لما قلت قتـ ـ ـل..

فهد مسح على راسها عارف اخته حساسه من دي المواضيع المفروض مايحكي لها وكمان فااخر اليل بجد خوفها اكثر ..
حس بالذنب: اهدئ حبيبتي اهدئ اسف اني خوفتك

افنان استعادت توازنها لك عقلها لسه لازال في حالة ذهول: ها مافي شئ فهود لا تكبرها بس لما قلت قتل حسيت بشويه خوف ...

فهد: لا تخافي دام اني جنبك ياقلبي

افنان: ايوا وايش سويت ..

فهد: ولا شئ .. سألوني ايش علاقتي فيه قلت انو واحد من الربع وجيت اسلم عليه طلبو مني اجي المغفر وحققو معاي شوي لمصلحة القضيه وبعدها رحت البحر اريح راسي ...

افنان: لا تروح مره ثانيه لذولا الجماعه قلبي ناغزني منهم من البدايه

فهد: لا تخافين مو صاير الا الخير ياقلبي انتي بس هدئ بالك واستعدي لانو سفرتنا قربت كثير ..

التففتت لاخوها متفاجأه: خلاص قررت نسافر كندا؟!

فهد: ايوا بس اجلتها لان الشركه محتاجيني كم شهر وبعدها راح نسافر هناك نرتاح من المشاكل هنا ويمكن نستقر لفتره طويله ...

افنان: الله يقدم الي فيه الخير ...

فهد: امين


حطت راسها على كتف اخوها وغمضت عينها وبالها مع رغد ...ياترى ايش الي صار معاك يارغد .........معقوله صار لك شئ مو زين
اعوذ بالله من الشيطان الرجيم ....يارب سترك وعفوك .........












************************************************** ***********************************
Яąṁά●̮̮̃•̃ả๔ĐĽǿǿ3ά <<
************************************************** ***********************************










الرنيــــــــــــــــــــم

كانت معتكفه في غرفتها كالعاده .. من داك اليوم مع عبدلله والا الان ماخرجت من بيتها او غرفتها ...

امها قلقانه عليها ومتفاجأه من حالة بنتها الي ماصارت تخرج او تضحك زي اول .. حتى غزل ماصارت تكلمها او تروح لها ....

قررت تكلمها تخرج ..لو بالغصيبه المهم ماتضل بالبيت ..
راحت لها وكلمتها انها تزور خالتها ام عبدلله لانها فالمستشفى .....

اعترضت اكبر اعتراض... كيف تروح للمكان الي فيه عبدلله
مستحيييييييييييل

لا والف لا ..ماتقدر تشوفه بعد الي صار
ماتقدر.....

بس ماقدرت تقنع امها الي غصبتها ترضخ للامر الواقع ..
خصوصا ان خالتها فالمستشفى ....
مافي سبب يخليها ماتروح لخالتها تخاف تزعل منها ...
مهما كان مو حلوه بحقها ...تزور لو مجامله خمس دقايق بس...

تمنت بقراره نفسها انها ماتشوفه هناك ولو بالصدفه خلال الخمس دقايق الي بتزور خالتها فيهاا ....
حتى غزل مو عارفه شلون بتقابلهاا ...نفسيتها كانت دمـــــــــــار !!!

[دانة الكون]

فالمستشفــــــــــــــــــــى

توجه عمر لغرفه ابو نادر ومعاه القهوه شاف فراس واقف جنب الغرفه ومبتسم ...ابتسم له وتقدم لحد ماوصل عنده ...

فراس بفرح: عمـــر ابوي بخير قبل شوي الدكتور خرج من عنده وقال الحمددلله تعدا مرحلة الخطر ...

عمر من قلبه: الحمدلله الله يخليه ويطول بعمره

فراس : اميــــــــــــــن يارب

عمر: ايش قال الدكتور عنه ؟؟؟ بنقدر انخرجه الصبح ؟

فراس: يقول تقدرون تطلعونه الصبح بس لازم يسوي الفحوصات قريب وانا اقترح يضل للعصر ويسوي الفحوصات ...وش رايك

عمر بتفكير: امممممم مافي مشكله وانا بروح استقبل نادر فالمطار تدري بكره بيوصل لازم من يستقبله

فراس صقع يده براسه: اخصص نسيت والله ..اوكي بس انتبه تقولو عن ابوي اخاف ينفجع او شئ

عمر: تطمن اعرف اتصرف اسمع انا داخل دورة المياه الله يعزك وراجع شوف القهوه هنا ..

فراس: اوكي ....

دخل عمر وبعد خمس دقايق جات رغد للجناح الي فيه فراس وعمر تبحث عن الشخص الي شافته ....

شافت فراس جالس عالكنبه ويشرب قهوه تقدمت له وتكلمت : لو سمحت اخوي ممكن سؤال ؟

رفع فراس نظره لفوق : ماشاء الله ماتأخرت

رغد:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

فراس بتعجب : عمر متى لحقت تبدل ..؟ وايش هذا الاحمر فالثوب ؟؟؟

رغد حست انها بدوامه ماتقدر تخرج منهاا ..............كانها غريق يتمسك بطوق النجاااه وتسبح للوصل اليه ......

في الحظه الي جات تتكلم فيها رن جوالها وكان خالد المتصل ....التفتت لبعيد ووقفت تطلع الجوال وظهرها جهه فراس ردت على خالد واضطرت تحكي له عن الي صار كله ...

اما فراس راح جهه الدكتور وهو يكلمه بسرعه وفراس وجهه مقلوب ... بعدها اختفى فراس مع الدكتور ...

بعد ماانهت المكالمه التفتت تكلم الولد الي كان موجود بنفس الاستراحه
لكن خاب املها وهي تشوفه مختفي ............

وكان اخر خيط من النور بدا ينطفئ ...











************************************************** ***********************************
Яąṁά●̮̮̃•̃ả๔ĐĽǿǿ3ά <<
************************************************** ***********************************


















انتهــــــــــــــــــــى البارت

[دانة الكون]

البــــــــــــــــــــارت الواحد والاربعـــــــــــــــ 41ــــــــون




بالمســــــــــتشفى..
خرج عمر من دورة المياه والتفت يطالع لفراس بس مالقيه بمكانه استغرب وتوقع انه راح يشتري شئ ..طلع من المستشفى متوجه للمطار لاستقبال نادر وهو بالسياره اتصل على جوال فراس اول ماشاف الاشاره حمراء ..

عمر وقف ينتظر الاشاره تفتح: الووووو

فراس بصوت متعب: هلا عمر

عمر استغرب اشبه منكد: فراس اشفيك ابوك بخير ؟؟

فراس: لا تخاف بخير بس فجعني الدكتور وقال المريض يحتضر ..

عمر انفجع : اووف

فراس كمل:ويوم رحت طلع مخربط الله ياخذه طيح قلبي ..

عمر وهو يسمع اصوات الضجه بره لانه الاشاره قربت تفتح: لا حول ولا قوه الا بالله ...اسمع انت روق وريح راسك شوي انا رايح اجيب نادر

فراس : صح انت متى بدلت ؟؟

عمر ما يسمع مع الاصوات : الووووووووو فراس ترى مااسمعك

فراس بصوت اعلى : اقووول متى بدلت ملابسك ..

انفتحت الاشاره وبدت بواري السيارات تزعجه : والله مو سامع شئ اسمع انت روح البيت عند امك لا تخليها لحالها ولا تقولها شئ عن الي صار
وانا اكلمك بعدين ok باي

فراس: ok باي

توجه عمر للمطار لاستقبال نادر اما فراس بعد ماتطمن على ابوه خرج من المستشفى واخذ تاكسي لبيتهم .....











************************************************** ***********************************
Яąṁά●̮̮̃•̃ả๔ĐĽǿǿ3ά <<
************************************************** ************************************












يــــــــوم جديــــــــد يمـــــر على ابطالنــــــــــــا....

نــــــــــــــــواف


خرج من الصباح ورتب شنطته ..حط فيها كم بنطلون وتيشيرت وبدله شتويه وبجايم نوم ...بالاضافه لمكملاته الاساسيه وادواته الشخصيه ومبلغ مو هين كان مجمعه طول الفتره الي طافت ........

خرج على روس اصابعه من الغرفه وهو لابس جينز اسود وبلوزه كمها طويل بيضاء عليها جكيت اسود وجزمه رياضيه بيضاء مقلمه بالاسود استعداد للخروج من البيت ...
نزل ومن حسن حظه كانت امه لسه نايمه والبيت هادئ جدا ..

وصل للصاله وبيده الشنطه تنهد براحه و اول ماحط يده على مقبض الباب سمع صوت من خلفه ...

:نواف؟!

التفت بشويش شاف مرام قدامه بالبيجامه وباين بوجهها النوم ماسكه قاروره حليب اطفال و تطالعه بااستغراب...

مرام: على وين من الصبح ؟!

نواف باارتباك "يارب ماتلاحظ" : هاا لا بس رايح اتمشى شوي المشي فالصبح زين للصحه

مرام رفعت حاجب : سبحان الله !! غريبه ؟! مو من عادتك تمشي الصبح .. وش طرى عليك فجأه؟

نواف: عادي يااختي قبل لا نروح المدرسه انشط حالي .. كمان انا متواعد مع اصحابي مو لحالي

مرام: اهااااااااااااا قول كذا من الاول ...طيب وانت راجع جيب لي علبه جالكسي مشتهيته ...

نواف : ان شاء الله ..ها تبين شئ ثاني انا مستعجل فادي ينتظرني

مرام: لا سلامتك اممم بس اذا مصر جيب حلويات للبزران و بس وماتقصر يااخوي عساك عالقوه

نواف: الله يقويك مافيها شئ يالله في امان الله انتبهي لنفسك زين و للعيال ولاامي وغرام بعد ...

مرام: الله الله الي يسمعك يقول رايح الحرب !!

نواف باارتباك يرقع: لا بس البيت مافيه رجال حتى طارق مارجع اخاف يصير شئ بغيابي ..

مرام "ياقلبي يااخوي متحمل مسؤليتنا وانت بعز مراهقتك" : توكل على الله الكل نايم وطارق يمكن يرجع بعد شوي ...

نواف بنظرات مافهمتها: يالله مع السلامه ...

مرام: الله يحفظك ....

خرج نواف من البيت وركب تاكسي وافكاره كلها بالبيت واهله كان لازم يتخذ هذي الخطوه من اول بس اخير الفرصه سمحت له طلع جواله وارسل مسج على السريع ...بعدها كلم راعي التاكسي

...على المطـــــــار لوسمحت....!

[دانة الكون]

بالمستشفـــــــــــــــــــى

قريبا من غرفة الفــــــــــــــــارس

كانت تمشي بااسياب المستشفى وهي بحالة ضيااع حقيقي ... خصوصا بعد ماكانت متعلقه باامل واليوم حست انو كان قريب ..قريب جدا ..
لا يمكن يكون خيال ...
وكلام الولد الي شافته كان اكبر دليل

كانت راح تبتسم لها الدنيا من جديد
لو بس مااتصل خالد عليها بذيك الحظه ...
.....كان ممكن .....
استغفرت الله على كلمتها ...
لو تفتح باب الشيطان .........قدر الله وماشاء فعل
اللهم لا اعتراض على حكمك

دورت ودورت ودورت عليه ...لكن مالقيته
ولا بزاويه بالمستشفى..
بداخلها احساس انها بتشوفه قريب ..احساس عميق يشع بعينها بريق الامل
توكلت على الله وتمنت انه يكحل عينها بشوفة مناها ...
معقوله يكون هو اخيرا ...يكون

نــــــــــــــــــــايف

نايف عايش بعد كل دا الوقت ...
يارب يكون هو ..يارب مايخيب املي ..يارب رجيتك
انت قادر على كل شئ..

مشت لحد ماقربت من غرفه الفارس ..تنهدت من قلب
تفكر باايش او باايش
بفارس ..او بنايف..عائلتها ..صديقاتها ..مستقبلها وحياتها
..او طــــــــــارق مرعبها ...

بمين بالضبط لازم تنشغل وتفكر ...
الي عارفته انها الحين تتمنى شيئين بس
لو تحققو بتحس انها طايره بالسما ..وماتبي من الدنيا غيرهم ...
سلامة فارس..........اولا وهي الاهم عندها من أي شئ ..
ثانيا تتحقق امنيتها ويكون الي شافته هو ...........نايف

كانت قلقانه عليه رغم كل الي صار معها ... راحت و كلمت الدكتور وسألته عن صحة فارس وهي متلهفه ...
قال لها انو بخير ومافي خطر على حياته الحمدلله ...ناقص بس يصحى وتطمن عليه تماما ..
مافكرت بااعترافها الصريح له.. مافكرت بردة فعله ان صحى ..
مافكرت بشئ ابدا
ابــــــــــدا

فكرت بشئ واحد بس .... فــــــــارس!!

دخلت الغرفه بهدوء .. شافته متمدد على السرير ومغمض عيونه ..قربت اكثر منه كان وجهه منور وهادئ فيه جرح بسيط بس مايغير من هيئته
ولا كأنه كان بحاله خطر وتعرض للموت...

مدت يدها ولمست خده ..مررت اصابعها برشاقه عليه حست انه يتنفس بسرعه ..سحبت يدها وحطتها بجيب ثوبها بحركه سريعه ...

حسته بيصحى من حركة رموشه المضطربه..! حست بخوف وبشوق ومشاعر كثير تجتاحها بذي الحظات ...تمنت ترتمي بحضنه وتقوله انا معاااك لا تتركني ...بس مستحيل هالشئ ...

فتح فارس عيونه بشويش ورفع نظره لفوق ...طالع حولينه والارهاق باين عليه نزل نظره على نايف وتغيرت نظرته بشكل غريب .. نظره غريبه
بدا يأشر على حلقه ..
فهمت عليه وراحت تجيب له مويه بسرعه ..مدت له الكاسه واخذها منها بدا يشرب المويه بشويش لان لسه تعبان ...
غمض عينه بعد شوي وفتحها وعينه على رغد رمى عليها نظره غريبه وكأنه يستكشفهااا ..ارتبكت ..

رغد مسكت يده باارتباك: الحمدلله على سلامتك خوفتنا عليك ...

فارس وعينه عليها : الله يســ ــلمك "رفع جسمه بيجلس بس توجع "ااااه

رغد رجعت سدحته على السرير: اششش خليك مكانك ولا تتحرك لسه ماطبت تمام خليك متمدد

فارس بصوت متقطع : نــ ـــايف ....

رغد لاشعوريا ردت من قلبها : لبيـــــــــــه ....!

فارس ابتسم ابتسامه لا تذكر : لبيــ ــت بمــ ــكه ...انا وش صـ ـار لـ ـي؟!

رغد ارتبكت وماعرفت كيف تشرح له : لا تخاف انت بخير ومافيك الا العافيه حادثه بسيطه وربي نجاك ارتاح وانا اقولك كل شئ

فارس: طيب .. كم صارت الساعه ؟

رغد طالعت ساعتهاا : الساعه 5ونص فجر ...

فارس: الله نمت كثير ..كم فرض فاتني ..استغفر الله العظيم

رغد: لا تقول كذا انت كنت مريض ومعذور مو تهاون منك
والله غفور رحيم الحين اذن الفجر قوم انا اساعدك تصليه وريح بالك عشان صحتك ..

فارس تحرك يبى يوقف مسكته رغد وساعدته يوقف لان عمليته لسه مالتأمت ومايصير يتحرك كثير ..وصلته للحمام "الله يكرمكم " ونبهت عليه المويه ماتوصل للجرح .. وضلت واقفه تنتظره يخرج ..

شافته تأخر وخافت يكون فيه شئ او اغمى عليه دقت عليه الباب: فارس انت بخير ؟؟

بعد دقيقتين خرج ووجهه مبلول وباين عليه الارهاق ارتاحت ..مسكت يده و سندته لكتفها لانها حست انو مو متوازن ..
كان جسمه ثقيل عليها وحست بلحظه انها بتطيح على الارض خصوصا ان صحتها متدهوره بس تماسكت وقوت نفسها ...
جلسته على السرير وفرشت له سجاده عدلت له كرسي بااتجاه القبله وخلته يجلس عليه ويصلي وهو جالس ....

وهي تراقبه بتمعن لحد ماخلص صلاه واستغفار ..

رغد: تقبل الله

فارس: منا ومنك صالح الاعمال

رغد: امين يارب ...
مسكته ووقفته ورجعته للسرير وجلست بالكرسي مقابله له وتطالعه كان شكلو تعبان فعلا لسه مالو كثير خارج من عمليه مو هينه ...

فارس :ااااااه احس بصداع وراسي بينفجر ابغى مسكن او شئ يخفف الالم مو قادر اتحمله ..

وقفت رغد خارجه : ok انا بااجيب لك بس بكلم لك الدكتور اول

فارس: نايف ....

رغد لفت عليه : هلااا

فارس طالعها شوي بعدين سكت نقل نظره للجدار : لا ولا شئ بس لا تنسى المسكن معاك

رغد استغربت وش كان بيقول بس سكتت : ok

خرجت رغد من الغرفه والابتسامه شاقه وجهها مبسوووطه انو صحى ..هذا اهم شئ ..اتصلت على ابو فارس وطمنته انه ولده صحى الحمدلله
ومافيه الا العافيه ..وقال لها انه جاي مع زوجته بعد كم ساعه ....

جابت له علبه مسكن و كاسه مويه وفارس اخذها منها و شربها وحاول يعتدل بجلسته ويصفي ذهنه ...

في هذه الحظه سمعو صوت دق على الباب ...
رغد: تفضل ...

دخل خالد الغرفه وبيده باقه ورد كبيره : السلااااااااااااام عليكم

فارس+رغد:وعليكم السلام ورحمة الله

قرب وسلم عليهم الاثنين وحط باقه الورد جنب فارس: الحمدلله على السلامه يالسبع خطاك السوء

فارس: الله يسلمك يابو وليد خطاك الاش تعبت نفسك وجيت وانت لسه مالك كم ساعه جاي من السفر

خالد: افااا عليك بس اصلا ماقدرت ارتاح الا يوم تطمنت انك بخير نايف ماقصر طمني ودلني على المستشفى والا كنت ماادري عن شئ ..

نايف: احنا ربع مابيننا هالكلام

خالد : يوه نايف وجهك تعباان انت بعد سلامات ..

نايف باابتسامه: الله يسلمك مافيني شئ بس ارهاق بسيط ...

خالد: اشوه ....الا طارق وينه ؟؟ وعبدلله بعد كان جاي ؟

فارس: والله ماادري عنهم جوالي انكسر ولا ادري عن شئ حتى الي صار لي مو متذكره زين

بلعت رغد ريقها بخوف ....

خالد ربت على كتفه: لا تفكر كثير الي صار صار وانتهى وزين الي عدت على خير وبعد الحمدلله انك بخير وسلامه....... نايف حكى لي كل شئ وقال ان الشرطه مسكتهم على حد علمه ...

فارس: الحمدلله ...

وقف خالد : يالله انا استاذن رايح اريح فالبيت وراجع لكم فالظهر

رغد + فارس: الله معاك

فارس طالع رغد بالتفاته سريعه : وانت يانايف ماقصرت روح ارتاح وجهك تعبان تطمن انا بخير روح انت وريح راسك

نايف من قلب: لا تخاف انا بخير مافيني شئ خليني اجلس معك شوي ابي اتطمن انك بخير تمام

فارس نزل نظره فجأه وملامحه وجهه متغيره بدون مايقول كلمه وحده ...
كان بس صامت طول وقته ....ويطالع برغد؟... ويشيل نظره للغرفه
وكأنه جالس يحل معادله بعقله الباطن
ويفكر بعمليه حسابيه معقده !!
حسته تعبان بس مايبغى يتكلم قلبها قابضها ماتدري ليش .........
خرجت من الغرفه تنادي الدكتور يشوفه ....

رجعت للفارس ومعها الدكتور الي اجرى الفحص كامل لفارس واعطاه ابره مهدئ خلته يرجع ينام من جديد ...

حست باارهاق فضيع وطاقتها راحت طالعت بوجه فارس الي نايم بسكينه
اتصلت على افنان بس مالقيت رد منها توقعت انها نايمه
جربت تتصل على اشوااق من زمان ماسمعت صوتها او كلمتها
بس اشواق اعطتها مشغول !!

حطت راسها بين كفوف يدها تتذكر كل الي صار معها وكأنه كابوس فضيع ..خلااااص ماعادت عندها طاقه تتحمل اكثر من كذا ... لها اكثر من 27 ساعه مانامت ومن صدمه لصدمه ..

جلست على الكرسي جنب فارس وبيدها كتاب حاولت تشغل نفسها بقراءته ماحست نفسها الا غارقه في عالم الاحلام ....

[دانة الكون]

بيت أبو فارس
أبو فارس طمن زوجته أنو فارس صحى ومافيه الا العافيه بس قالت لازم اروح بنفسي اتطمن عليه ...قدر يقنعها انهم يروحون الصباح لان تفكيره كان بااهل زوجته الي عندهم بالبيت ..مو حاب يدرون وش صار لهم خلال الايام الي طافت من مشاكل ...

عنـــــــــد امل
تطمنت على فارس من ابوها وارتاحت نفسيتها اخيرا ..
صحيت الصباح نشيطه وامال تتراقص امام عينيها كفتاة مراهقه حلمها ان تكون كما اراد حبيبها ان تكون ...
لبست مريول المدرسه وتكشخت تعطرت بكثافه وعملت شعرها كيرلي والابتسامه شاقه حلقها ..كانت جميله فعلا جميله عندما تبتسم ..وتحلم
جات ببالها افنان تمنت تتصل عليها لاي سبب ..بس تبي تتصل لكن الوقت ماكان مناسب ابدا لها ....
خرجت الصبااح متوجهه للمدرسه بعد غيابها الي طال ....

وصلت وهي بشوق لرؤيه صديقاتها ..لجين ..افراح..رولا ...

اول مادخلت المدرسه وجلست شافتهم متوجهين لها وهم يصرخون .

لجين حضنتها بقوه :اموووووووووووووووله

سوو حضن جماعي عليها
افراح : يادبيه وحشتينا وين الغيبه .؟ نتصل ماتردين ولا شئ ؟

رولا: خوفتينا عليج كل هذا تغلي ...

امل:هههههههههههههه وانتو وحشتوني اكثر لا بس حبيت اخذ اجازه قبل الكرف والامتحانات

لجين: المدرسه بدونك ماتسوى

امل: فديتكم انا انتو نور المدرسه ..

افراح:ههههههههههههههههههه لا ووجهك منور ومحلوه اعترفي لا يكون تزوجتي هع

امل:خخخخخخخخخخخخخ اميـــــــــــــن بس مو الحين لسه توني صغيره عالزواج هع

رولا: طيب ليش ماييتي بيتنا انتظرتج وماييتي

امل وذكرى اليوم المشؤم جات ببالها اكفهر وجهها فجأه وسبحت عينها فالظلام ... وسط اندهاش صاحباتها ؟!!

افراح: هي امول ..امل وش فيك ؟؟

رولا مسكت راسها: سم الله عليج حبيبتي وش فيج ؟؟

لجين: اجبلك مويه ؟؟؟شكللك تعبانه

امل بهدوؤء : لا مافي شئ بس صداع خفيف ...بنات خلونا نروح الطابور الصباحي بدا مافيني اسمع هواش ابله عواطف ...

لجين : وانتي الصادقه خلينا نرووح

وقفو بالطابور شوي ودخلت عليهم غـــــرام تركض تبي تلحق عالطابور وسط رجه البنات والحووسه جات المديره والمدرسات وبدا الهدوء شوي شوي يعم المكان
كانت لجين جنب افراح ورولا معها بنت وامل لحالها قدام ...

تقدمت استاذه عواطف ورتبتهم
وخلت غـــــــرام جنب امـــــــــل ...

امل باابتسامه مدت يدها تصافحها :هلا شكلك جديده

غرام صافحتها بااطراف اصابعها: اهلين

امل طالعت غرام وشافتها واقفه بتعالي وكأن محد قدها ..ماعجبتها ابدا ومابلعتها بس مشت وقالت خل نشوف يمكن تكون طيبه
بس عشان لسه جديده ماتعرفها ....

افراح بهمس: هلا غرووم وشفيك تأخرتي

غرام باابتسامه متعاليه: ولا شئ بس راحت علي نومه

رولا: بس بنات شوفو عواطفو يات ووي قطع

الاستازه بصوت عالي: رولا افراح بدون صوووووووووت

بدت الاذاعه المدرسه والبنت تقراء ايات من القران الكريم بعدها تكلمت مديره المدرسه بموشحها الصباحي ..

المديره مريم : اول شئ السلام عليكم ورحمة الله وبركاته
صباح الخير يا بناتي تدرون ان الاختبارات قربت وحابه اقولكم ايش النظام فالاختبارات بعد ماتناقشنا انا والابلات ..
وعشان ماناخذ اجراء ضد أي طالبه لازم نبلغكم بعدها الي تخالف بتتعاقب
اول شئ ..ممنووووووووووع المكياج سواء اختبار او مو اختبارات
ممنوع الكحل الاسود والاخضر والاسود والاحمر والاصفر وكله

غرام همست بصوت راخي : هههههههههههههههه اشاره مرور عودت

امل:ههههههههههههههههههههههههههههههههه الله يرجك

المديره : ثاني شئ .. ممنوووووووع تجيبون جوال المدرسه سواء كميرا او بدون كميرا حتى لو الاختبار فتره وحده والي تجيبه بيتصادر منها ومابتشوووووفه الا نهايه السنه ..
ثالث شئ ..ممنووووووووووووع الغياب الي تغيب مابنعيد لها الاختبار الا اذا كانت مرررررررررريضه وبتمووووووووت حتى لو مرضت تحاول تجي تختبر وتروح المستشفى ..

غرام: يالطيييف هذي مجنونه

امل ماتت ضحك :هههههههههههههههههههه بس يرحم اووووممممك

المديره :ممنوع ترفعون صوتكم عالابله هي زي امكم لازم تحترمونها وتقدرونها ولا ابى مشاكل وووو.......................................اخ

غرام بصوت راخي : ول ول ول بالعه راديو هادي ...

ضحكت امل بشويش : هههه ماشفتي شئ

غرام همست بااذنها: دحين الحرمه دي من جدها بتسوي فينا كدا كل شئ ممنوع وممنوع ؟؟؟ احسها تتكلم عن سجن مو مدرسه ؟؟

امل وعيونها بتدمع من الضحك:هههههههههههههههههههههههههههههه مشي حالك مجرد بربره سوي نفسك فاهمه كلامها وبس

غرام: شكلي بسوي كدا ايش العقد ....

امل:دمك خفيف خخخخخخخخخخ انتي من هنا؟

غرام: لا انا جيت من جده قبل كم يوم ....

امل:اهااا عشان كذا .. ماشاء الله باين من كلامك اصلا ايش اسمك ؟

غرام ابتسمت : اسمي غرام محمد الـ..........وانتي ؟؟؟

امل: تشرفنا انا امل الـ............

غرام: والنعم فيك ياامل

امل: كيف كانت مدرستك قبل ؟؟

غرام: كنت بمدرسه اهليه كل وحده تسوي الي تباه بس هالمره اخويا اصر اجي على هالمدرسه لانها اقرب لببيت وشغله هع

امل:عشان كذا شايفه الاشياء غريبه هنا هع

غرام وهي تطالع المديره وتضحك :هههههههههههههههه المديره ماخلصت هههههههههههه

امل:هههههههههههههههههه تتعودين بعدين انا خيروني واخترت هالمدرسه
عشان صاحباتي والحماس كلو هنا
خخخخ ماشفتي ابله العلوم عزززه العنزززه خخخخخخخخخخخخخخخخخخخ

غرام:هههههههههههههههههههههه ليش حرام عليكي

امل: ههههههههههههههههههه اذا تعرفتي عليها بتقولين الا حرام مااقول هع لسه قدامك مشووووووار

غرام:هههههههههههههههههههههههههههههههههههههه

فجعهم صوت عواطف : امـــــــــــــــــل والجديده بتنكتمون وتسمعون والا اطلعكــــــم للمديره تاكلون كم تهزيئــــــــه

البنات :خخخخ <طبعا بشويش هع

عوطف طالعت امل الي وجهها احمر من الضحك: ياســـــــــــــــلام ياست امل اخيرا نورتي مابغيتي تحضرين

امل بدلع :احم سوري ابله عواتف كنت تعبانه

عواطف: عوااااااااتف فعينك يالله عدلي وقفتك وشيلي الالون من وجهك

امل بدلع يفقع القلللللللللللب: حااضر ياابـــــــــله

راحت عنهم الاستاذه...

غرام وهي معجبه فعلا بشخصيه امل:ههههههههههههههههه وربي انك خطيره رفعتي ضغطهااا

امل:هههههههههههههههههههههههه ماشفتي شئ هذا ولا شئ اسألي البنات وقولي امل الـ......... واسمعي هع

غرام:ههههههههههههههههه انا اعرف لجين وافراح بس

امل:هههههههههه الثنتين صاحباتي ومن من شلتي وكمان رولا ااعرفك عليها اذا دخلنا
خلي النعجه الي تبربر تخلص

غرام:هههههههههههههههههههههههههههه تيب

عواطف بصراخ : ثــــــــــــــــالث متوســـــــــــــــــط زفــــــــــــــــــــــت
لا اسمع صوووووووووووووووووووووت ......

البنات:خخخخخخخخخخخخخخخخخخخخخخخخخخخخخخخخخخخخخخخ

[دانة الكون]

بعد الظهـــــــــــــر
مستشفــــــى الـ.....................
"جـــــــــده"

دخلت ام عبدلله غرفة العمليات لانو صعب تولد طبيعي ووضع الجنين مايسمح بالولاده الطبيعيه ..فااضطرو للعمليه القيصريه......
الكل في حاله ترقب وخوف ...
ابو عبدلله هادئ ويقرأ قران وعلى وجهه نور الايمان ..

غزل نست كل شئ يالدنيا رغم قرب احمد منها الي معذبها
همها الوحيد سلامة امها ...

عبدلله اتصل يتطمن عالشباب بس مالقي رد من فارس ..
وطارق عطاه مشغول ..وخالد لا رد
استغرب بس طنش وجلس مترقب لولاده امه ...

احمد كان معهم رغم بعد الغزال عنه ماتركها وظل بجنبها يحسسها بااهتمامه فيها وبحبه لها مايدري ان بطريقه جالس يعذبها ويحسسها بعذاب الضمير ونار الخيانه الي تاكلهاا ....

بعد بضع ساعات طلع الطبيب وبشرهم ...

ابو عبدلله بلهفه وخوف: دكتور طمنا ..

الدكتورباابتسامه: مبرووووووووووك ولد زي القمر يتربى بعزكم

ابو عبدلله: تسلم يادكتور ..طيب والام طمني هي بخير ؟ّ!

الدكتور:لا تخاف الام والولد بخير تطمن

ابو عبدلله بصوت عالي : الحمــــــــــدلله الحمـــــــــــدلله
سجد سجود شكر لله تعالى ...

غزل حضنت عبدلله ودموعها تنزل بفرح: مبروووووووووووووووووووووك

عبدلله: الله يباررررررررك فيك مبروك لنا كلنا

غزل حضنت ابوها وباست راسه: مبروووووووووك بابا

ابو عبدلله: الله يبارك فيك يابابا

غزل:هههههههههههههههههه يعني عندي اخ صغير ههههههههه

جا احمد بهذه الحظه وشافهم مبسوطين قرب ومسك كتف غزل الي اتفاجأت انو لازال موجود...

احمد باابتسامه حقيقيه: مبروووووووووووك ياغزالي

غزل بخجل من نفسها نزلت راسها بهدوء : الله يبارك فيك

ماحست الا وهي بحضن احمد الي ابى الا ان يهنئها بطريقته الخاصه ...

سابها وهي زي الطماطم خجلانه بسبب وجود ابوها وعبدلله الي يعلق عليها ويضحك
تقدم احمد لابو عبدلله يهنيه ..

احمد : بارك الله لك في الموهوب لك, وشكرت الواهب, وبلغ أشده, ورزقت بره ياعمي .. والحمدلله على سلامة عمتي ..

ابو عبدلله بفرحه حقيقيه: بارك الله لك وبارك عليك, وجزاك الله خيرا, ورزقك الله مثله, وأجزل ثوابك الله يسلمك ياولدي

احمد: امين يارب

دخلو بعد ساعتين لما صحت ام عبدلله يتطمنون عليها والي باين بوجهها الارهاق مع كذا مبتسمه الكل بارك لها وابو عبدلله لحد الان متأثر وباين عليه البكيه ...

غزل: ماما ماجابو النونو ؟

ام غزل تكلمت بصعوبه : لسـ ـه دحين تجيبو النيـ ـرس

غزل بحماس: ياي اكيد يشبهلي

احمد: راح يكون احلى واحد ادا طلع زيك ..

غزل ماردت على مديحه وسكتت والكل على باله انهم متهاوشين او زعلانين من بعض بينما الواقع شئ اخر ....

بدا الجو يزدحم بالغرفه وباقات الورد ممليتها بعد فتره جابو البيبي الغرفه عند امه والكل كان ينتظر يشوفه ..
مدته النيرس وحطته بحظن امه الي مسكته بشويش كان صغييييير جدا واحمر زي أي نونو ملامحه مابانت ...

غزل: يانااااااااااثو وه وه اموأإأإأإأإأإأأإأح

عبدلله دفها بجفاصه: بعدي حرام عليك كتمتي النونو

غزل: انت بعد... ماما اعطيني اشيلو ..

ام غزل من قلبها : بشوويش على ولدي حرام عليكم لسه نونو مايتحمل مو لعبه تراه حملت وتعبت لين جبته ...

ابو عبدلله:ههههههههههههههههههههه بعدو بعدو انا اول من يشيل ولدي هاتوه "مسكه بين يديه ورفعه وهو يسمي ويذكر الله" بسم الله الصلاة على النبي يشبهلي كثير

عبدلله بتريقه:ههههههههههههههههه هذا الي يشبهنا كلنا هع

ابو عبدلله اذن بااذنه ورجعه عند امه لانو نام

ابو عبدلله: ها ياام عبدلله وش تبين نسميه؟

ام عبدلله: انت اختار الاسم الي يعجبك يابو عبدلله

ابو عبدلله: لا يالغاليه انتي الي حملتي وتعبتي وانتي الاحق بااختيار الاسم

ام عبدلله بعد تفكير: طيب ايش رايك نسميه يزيد ... انا احب دا الاسم

ام عبدلله: يزيد يزيد ويارب يزيد يكون بحياتنا زياده سعاده

الكل:اميــــــــــــــــــــــــــن

احمد ونظراته على الغزال: غزل تعالي شوي نتمشى

غزل بدون ماتطالعه: خلي بعدين ماالي مزاج دحين ...

احمد مسك يدها بقوه وشدها تكلم بهمس محد سمعه غيرها : قلت لك تعالي باكلمك بموضوع مهم

غزل همست بالم: طيب شيل يدك وجعتني ..ااي

احمد فلت يدها واشر لها تلحقه وخرج من الغرفه بهدوء ....
لحقتة خارجه من الغرفه وهي مرتبكه وخايفه كيف تواجهه وتقول الكلام الي بقلبها وترتاح ....

[دانة الكون]

ايطـــــــــاليا
بـ قصر بشاير
كانت حابسه نفسها بغرفتها من بعد ماخرجت من المستشفى وحالتها مو طبيعيه ولا رضت تقابل مخلوق ...
جاولت تكلمها ام اياد وحازم لكن مارضيت تقابل ولا احد حتى ابوها ....
صدمتها بالي صار لـ اياد لحد الان مأثره عليها...

اياد مو متذكرها ..مو متذكر امه
مو متذكر حياته واسمه ...ولا متذكر شئ ابدا
والسبب في الي هو فيه
هي...............

كانت متمدده على سريرها وشعرها وشكلها مهمل تماما عينها على سقف غرفتها وعقلها وتفكيرها يسبح في فضاء اخر وعالم ثاني ...
عالم مافيه الا الون الاسود ..

بالصاله كانت جالسه ام اياد وابو بشاير وحازم والجو صمت ام اياد هادئه جدا وصابره صح انصدمت لما عرفت بحاله اياد...بس اهم شئ انو بخير وعايش وهذي بحد ذاتها نعمه ...

سمعو صوت الجرس وفتح البواب الباب ..كانو اسما وهديل ومعاهم ايلان بس
عرفو برجعه بشاير وحاله اياد وانه صحى من ابوبشاير ..
دخلو وسلمو على الموجودين وجلسو البنات حولين ام اياد يواسونها ويصبرونها على مصيبتها ...

اسما: كيفكم الحين ان شاء الله تمام

الكل: الحمدلله على كل حال

ام اياد : اخباركم يابنات ؟ وكيف ازواجكم ؟ واختباراكم ..؟

اسما + هديل: الحمدلله تمام

اسما: الا وين بشاير مو شايفتها

ابو بشاير: حابسه نفسها بغرفتها لسه مصدوومه ..

هديل: يعني هو كيف حالته بالضبط ..مو متذكر شئ ابدا ؟؟

حازم : الدكتور بيقول انو فقد زاكرته بس مؤقتا لسه في امل ترجع بس لازم نكون معه ونساعدو لترجع بسرعه

اسما براحه: كويس في امل يعني ..

هديل: اهم شئ سلامته وانو بخير والباقي يتصلح ان شاء الله

اسما ضمت روز : خالتو لا تزعلي المهم انو بخير خليك قويه راح الصعب والباقي سهل ان شاء الله ويرجع لك ولدك احسن من اول

ام اياد: ان شاء الله الله كريم

حازم ابتسم وهو يشوف ايلان تضحك اخذها من امها وجلس يلعبها ويضحكها: ماشاء الله يسلملي الحلو
شو ضريفه وبتجنن ..."طالع هديل " هاي بنتك

هديل ابتسمت: ايوا بنتي

حازم رجعها لها : الله يحفظها ويخليها لكم

هديل: اميــــــــــــــــــــن

ام اياد: ماجبتي عبدالعزيز ؟

هديل : لا خليته مع ابوه ..

وقفت اسما واستأذنت بتشوف بشاير والباقين ضلو كل واحد يحاول يبني امل جديد وهم متفائلين بالجاي .......................








************************************************** ***********************************
Яąṁά●̮̮̃•̃ả๔ĐĽǿǿ3ά <<
*****************************************



بالمستـــــــــــــشفى
الشرقيه

غفت والكتاب بين يديها ومو حاسه بااي شئ من حولها كان وجهها كالاطفال فمها مفتوح وشكلها تعبان فعلاا ..
كان صاحي ويتأمل فيها ..من بعد ماصحى حاسس انو في شئ تغير
نظرته لنايف تغيرت نوعا ما ..حاسس انو في شئ غريب
حلقه مفقوده ...
الاوهام الي تجيه ونايف بالصوره ... ذهنه متشوش كل الي يجي بباله
خيال فتاه القمر ونايف يكلمه وهو بين الواقع والخيال
ليش حاس انو رجعه فتاه القمر لها علاقه بنايف !!
ايش علاقته هو ... وليش بهذا الوقت بالذات ونايف بالذات
معقوله عشان ملامح نايف جميله وجذاب اكون اعـ... !!!

"..استغفر الله اشفيك يافارس قمت ترمي خيط وخيط...
استح على وجهك يارجال هذا رفيقك شلون تجيك هالافكار ..
اعوذ بالله منك ياابليس ...اعوذ بالله "

حس انو مو طايق نفسه شعور جدا محبط ومحير وفضيع
صار مايحب يطالع فيه ولا يطالع بنفسه
حس انو مو طبيعي ..شلون يطالع صاحبه بهذه النظـره
هذا نايف نـــــايف ربيعي ..

غمض عينه ورجع فتحها وهو يشوف نايف نايم امامه
تعوذ من الشيطان ليش تجيه هالافكار الحقيره
ليــــــــش يفكر بهاذي الطريقه
" انا فيني شئ ..فيني شئ ..مو معقوله احس بكل هالميول والقرب
لرجل مثلي مثله
الا اذا كنت شـ .............."

استغفر الله ..لا ياربي لا انا مو كذا ..انا ماافكر كذا ..طيب ليش الحين
خلاص عمري قرب 27 كبرت كيف افكر بهذي الطريقه !!!!....
لا وبمين بـ بصاحبي
حتى وانا مراهق ماصارت لي ....كل هذا لانو غيرني ..غير جزء من حياتي

وش اسوي يارب اكون اهلوس او تعبان او مريض بااي شئ
بس مااكون كذا مااكون كذا ..