\\
هلا اختي دانه
يعطيك العافيه موضوع يستحق النقاش
معك بكل كلمه قلتيها .
فقط بعلق وبكل صراحه على بعض الاخوان اللي قالوا الرجال مايعيبه شئ !!!!! ؟
عفوا يعني عشان الرجل ماعند عذرية يفقدها صار رجال على كيفه مايعيبه شئ وماعليه كلام وزلته مغفوره!!
وعلى هالاساس ابحتوا له جميع خرابيطة الثانية والمحضورات وصار رجال محترم وخلاص
يصلي وعنده وظيفه و مايعيبه شئ ؟
للاسف نظرة عقيمه جدا و غير متكامله راح ضحيتها الكثير من البنات
حرام والله
اعرف بنات كثيييير طلبوا الطلاقة او تطلقوا من ازواجهم لاستحاله العشرة بينهم
و لانهم تزوجوا للاسف رجال على قولت بعضهم لايعيبهم شئ
مدام ماعنده عذرية يفقدها وعنده وظيفه ويصلي فهو مايعيبه شئ وجميع اموره وخرابيطة الباقية مو مهم ..!!
انا اقول الا يعيبهم والخطاء راكبهم من راسهم لساسهم ؟
للاسف اللي طلع مو قد المسؤلية وراعي سفرات كل اسبوع اسبوعين تارك زوجته ومقفل جواله ومسافر اسبوعين ثلاثه محد يدري وينه.
واللي طلع راعي علاقات ومايحترم وجود بنت الناس ووعنده كم شريحه
واللي يفشل عيونه زايغه حتى صديقاتها وقريباتها ماسلموا من عيونه يامال البط بعيونه .
واللي اكتشفت زوجته انه مريض نفسي ويعاني انفصام بالشخصية او مدمن او حشاش ويتعطى حبوب .
واللي بخيل مايصرف على بيته ولاعياله واذا طلبت منه زوجته شئ قال اخذي من اهلك .
واللي راعي شراب وسهر مايرجع الا وجه الفجر واذا تناقشت معه عصب وضربها بوحشية .
بذمتكم كل هذا ومايعيبه شئ؟؟؟ كل هالسوابق والوضع عاااادي مايعيبه وماينقص من قدره ؟
ترضون تزوجونه بناتكم واخواتكم ؟ مع العلم انهم رجال ليس لهم عذرية يفقدونها وبكامل رجولتهم ومايعيبهم شئ .
اعتذر للاطاله وتقبلي مروري
\\
المواضيع المتشابهه
العرض العادي
