بتال يقول : مبروووك لكل هلالي .. بكيتا ..

[شوق الغلا]

[align=center]

عزيزي بتاال..

اقتباس ليش اتابع امباراة .. وفيها الهلال .. ومدربهم العالمي .. بكيتا ..

ليش تناقض نفس وتتابع مباراة بكامل تفاصيلها!!

اقتباس وعلى العموم يقول .. مدرب الهلال .. منذ زمن مبطي .. اوسكار .. مافائدة الماضي .. اذا لم يستثمر بالحاضر ..

تيقن بأن الماضى اساس الحااضر

اقتباس وعلى فكره حنى الحين عام .. 2007 .. لا ترجعني للماضي .. وخل العدد ينفعك .. حنى مستانسين اليوم .. والماضي خله يونسك ..

وترجع مره ثانيه وتناقض نفسك.!

اقتباس شي طبيعي .. لازم استانس .. وفلها .. ومد رجلي وفهقها .. تدري ليش .. ان الهلال .. اخذ تسع نقاط غير شرعية .. من .. النصر .. والاتحاد .. والاهلي ..

ههههههههههههههههههههههههههههههههههههههاى

وشلون غير شرعية وضح تكفى !

اقتباس وخذ اغنية .. الجسمي .. بودعك يالكاس .. انا .. وبخليك ..

هذى الاغنية أُخذت لنواادي عريقة قبل الهلال والفاهم يفهم..

بتاال اتمنى ان لا تناقض نفسك مرة ثاانية ..

يعطيك العافية على طرحك..[/align]

[بتال]

((ليش تناقض نفس وتتابع مباراة بكامل تفاصيلها!!))

انا واعوذبالله من كلمة انا .. لم اتابعها .. ولم اناقض نفسي .. كل اللي كتبته .. كان من الاصدقاء .. اللي تابعوا المباراة .. وخرجت بموضوع .. حلو ..

((تيقن بأن الماضى اساس الحااضر ))

مو شرط ان يكون الماضي اساس الحاضر .. والسبب ان الماضي هو سلاح الضعفاء .. والدليل فريق النجمه بعد ان دخل المربع الذهبي .. وهو لايحمل اي ماضي ..

((وترجع مره ثانيه وتناقض نفسك.!))

ولماذا سميته تناقض .. بل هو .. رحمه للهلاليين .. كي لا يزعلون مني .. فانا لطيف معهم ..

((وشلون غير شرعية وضح تكفى !))

وشرايك على هدف النصر على الهلال الذي لم يتم احتسابه بداعي التسلل مع العلم ان حكم الراية اعترف بصحته .. بعد المباراة .. وشرايك ..

[c.ronaldo.7]

مشكور على التحليل

[Meshal]

اقتباس بتال ... أبسـألك سـؤال ... متأكد إنك شفت المباراه اللي شفناها ؟؟

الحمد للـه إني ما ظلـمتـك ... طلـع توقعـي 10 / 10 ...

يا أخي والله واضح إن التحلـيـل ما كان يعكس لنا وضع المباراه ....

اقتباس انا واعوذ بالله من كلمة انا .. لم اتابعها .. ولم اناقض نفسي .. كل اللي كتبته .. كان من الاصدقاء .. اللي تابعوا المباراة ..

هذي آخرتها ... طايح تحليل في المباراه وأنت ما شفتها ؟؟ أصلا" أنا من أول ماقريت الفقره

اللي تقول فيها : إن إبراهيم السويد كان نجم في المباراه وأنا غاسـل يدي من موضوعك ....

اقتباس وشرايك على هدف النصر على الهلال الذي لم يتم احتسابه بداعي التسلل مع العلم ان حكم الراية اعترف بصحته .. بعد المباراة .. وشرايك ..

يا أخي العزيز .. مباراة النصر قبل 3 أشهر وتعبنا من الكلام عنها .. لكن يبدو إنك تحاول كسب

تعاطف الأعضاء النصراويين معك ... لكن على أي حال ودّي أسألك .. وإلا تدري ..

ليش أسألك مادام إنك ماشفت المباراه .. يالله ماهي مشكله .. ممكن تستعين بـ أحد أصدقاءك ..

وتقول لي إذا كان فيه أوضح من البلنتي اللي في الدقيقه 6 بعد لمس اللاعب رضا تكر للكره

بيده متعمدا" ... مع التأكيد بأن الإتحاد إستحق اللقب ويكفي إنه لعب في نهائيات جميع البطولات

المحلية هذا الموسم ... و ألـف مبروك لـ النمـور ....

اقتباس حبيبي .. انا ماعلي من المحللين .. انا اللي اعرفه .. ان .. عمر الغامدي .. محور .. عزيز .. محور .. الغنام كان محور لشباب .. والحين .. محور .. مع الهلال .. يعني اكذب نفسي .. وصدق المحللين .. ياشيخ بالعقل .. لا تقول ان عمر الغامدي .. وسط .. وعزيز .. وسط .. والغنام .. وسط .. عزيزي .. هناك فرق بين .. المحور .. والوسط .. دور ترقيعة ثانية ..

يا أخي والله العظيم ما أدري وش تبي أنت ؟؟ تتكلم عن موضوع وترجع تبرر في موضوع ثاني

يا بتـآل .. أنت تقول : خسر الهلال لأنه لعب بدون لاعب على الدائره .. وأنا قلت لك .. بالعكس

الهلال لعب بـأفضل محور إرتكاز (( خالد عزيز )) بالإضافه إلى (( عبداللطيف الغنام )) ويميل

لهم في أكثر فترات المباراه (( عمر الغامدي )) ... وبعدين يا بتـآل الشنيف وشلون تجادل وتهاجم

في موضوع يتكلم عن مباراه أنت أساسا" ما تابعتها ؟؟؟؟؟؟؟؟؟؟؟؟؟

اقتباس الحمدلله حنا مانبكي .. علشان كاس .. هذا قالها : خالد الحرندا .. قبل ثلاث سنوات ..

والله من الدجـه وقـلّ الطموح .... إذا كان اللاعب وجمهور فريقه مايطمحون للبطولات ...

اقتباس تبي تعرف السبب .. السبب حبيبي .. ان الهلال ماخذ بطوله .. ولا اخذ شي .. يعني مثله مثل المركز العاشر ..

لالا يابتـآل فيه فرق بين اللي صعـد لآخر الأدوار ووصل للمباراه النهائيه وبين اللي طلع على يد

فريق نجران من أول دور في كأس ولي العهد ثم صارع كثيرا" من أجل البقاء في الدرجه الممتازه ...

اقتباس ظنا وايل نصيحه .. خلك ابعيد .. انا انتظر شخص لمقالي هذا .. لاكن اعتقد انه جبان مثل بكيتا ..

والله على هالأسلوب حسيت إننا بـ حارة ما كأننا بـ منتدى كبيـر بـ حجم الرائدية .. يا أخي العزيز ..

أسلوبك لايصلح أبدا" لـ الحـوار .... يا عزيزي أو بالأصح يا أعزائي القراء بدون إستثناء ...

عرفت في كل المنتديات إنه يكون هناك تبادل أفكار ووجهات نظر ... ولمسته كثيرا" في بعض

نقاشاتي مع بعض الإخوان الأعضاء .. ولكن لم يمرّ عليّ فكر عقيم مثلما مرّ عليّ في نقاشي

مع بتــآلـ ... على العموم أعتذر منكم أخواني الغالين على الإطاله وبالتوفيق للجمـيع ..

[الضيغم]

[align=center]بما أن الشتالي ما فيه أمل يقتنع ..

اقتباس وشرايك على هدف النصر على الهلال الذي لم يتم احتسابه بداعي التسلل مع العلم ان حكم الراية اعترف بصحته .. بعد المباراة .. وشرايك ..

[mark=FFFFFF]طيب وش رايكم بهدف مرادونا بكأس العالم الي سجله بيده ..!! >>>>>>> تشتيت أفكار ..!![/mark]

اقتباس وتقول لي إذا كان فيه أوضح من البلنتي اللي في الدقيقه 6 بعد لمس اللاعب رضا تكر للكره بيده متعمدا"

[mark=FFFFFF]الله يهديك يا Meshal اللقطه الي طلعت مو المباراه النهائيه هذي لقطه من مباراه قديمه بالدور الأول .. ركز ركز عدل ههههههههههه[/mark]

اقتباس يا أخي والله العظيم ما أدري وش تبي أنت ؟؟

[mark=FFFFFF]يبي يقنعك بالحرندا ويمكن يبي لبن ..!![/mark]

اقتباس وبعدين يا بتـآل الشنيف وشلون تجادل وتهاجم في موضوع يتكلم عن مباراه أنت أساسا" ما تابعتها ؟؟؟؟؟؟؟؟؟؟؟؟؟

[mark=FFFFFF]الشنيف مو لازم يشوف المباراه بس عطه رؤوس أقلام وهو يكتب لك أحلى تحليل ..
ولا ما تدري انه مجهز مقال من الحين حق البطوله العالميه للأنديه ..[/mark]

اقتباس فريق نجران من أول دور في كأس ولي العهد ثم صارع كثيرا" من أجل البقاء في الدرجه الممتازه

[mark=FFFFFF]أيش من أول دور .. أقول مع الأسف يا زمان العجايب وش بقى .. كل ما قلت هانت يطلع شتالي جديد [/mark]

اقتباس على العموم أعتذر منكم أخواني الغالين على الإطاله وبالتوفيق للجمـيع ..

[mark=FFFFFF]تعتذر يا Meshal من جدك انت ..!!

والله ما بدر منك خطأ على أحد وبالعكس أسلوبك راقي من جد ..

ولي الشرف أني أعلق على كلام واحد محترم مثلك يالغالي ..

لا والله أنت الي أعذرنا الي حطينا ابو شتله بوجه المدفع وقعد يتحاور معك ..

عالعموم أسلوبك رائع ولاهنت على الردود العقلانيه ..

دمت بحفظ الرحمــن ورعايتــــه ....!!

[/mark][/align]

[Meshal]

اقتباس والله ما بدر منك خطأ على أحد وبالعكس أسلوبك راقي من جد .. ولي الشرف أني أعلق على كلام واحد محترم مثلك يالغالي ..

أخي العزيز ... عادل الشمري ...

كلامك عني أعتبره وسام على صدري وشرف كبـير أفتخر فيه ما حييت مثل

فـخري بـ التواصل معكم من خلال هذا المنتدى الرائع ... فـ ألف شكر لك ...

والشكر موصول أيضا " للمشرف الراقي أبو فهاد على جميل طرحه ونقاشه

في هذا القسم ... و بالتوفيــق لـلجميـع ...

[أدريانــــو]

مشـعـل وش فيـك كـل مو ضوع سويـت فيـه زحمــه

أمــزح ـهههههههههههههههههههههههـ اللـه يوفقــك أخـوي مشـعـل واااصـل ابــدااعـك .

تـحـيــــــــــــــــاتـيـ لـكـ ..

[بتال]

((الحمد للـه إني ما ظلـمتـك ... طلـع توقعـي 10 / 10 ... يا أخي والله واضح إن التحلـيـل ما كان يعكس لنا وضع المباراه ..))

والحمدلله اني ماضلمت نفسي .. يوم اقول ان .. باكيتا ضحك على الهلاليين ..
وليش ترد على موضوعي .. اذا ماانت مقتنع .. بالتحليل .. فيه مواضيع ثانية .. والا علشان تكلمت بكل صراحه ..

((هذي آخرتها ... طايح تحليل في المباراه وأنت ما شفتها ؟؟ أصلا" أنا من أول ماقريت الفقره
اللي تقول فيها : إن إبراهيم السويد كان نجم في المباراه وأنا غاسـل يدي من موضوعك ))

زين .. وشرايك على ابراهيم السويد يوم عدى من الخثران ..

((وتقول لي إذا كان فيه أوضح من البلنتي اللي في الدقيقه 6 بعد لمس اللاعب رضا تكر للكره
بيده متعمدا" ... مع التأكيد بأن الإتحاد إستحق اللقب ويكفي إنه لعب في نهائيات جميع البطولات
المحلية هذا الموسم ... و ألـف مبروك لـ النمـور ..))

يعني من كلامك ان الحكم غشاش .. وانت اعترفت الحين ان هدف النصر صحيح ..

(( وأنا قلت لك .. بالعكس الهلال لعب بـأفضل محور إرتكاز (( خالد عزيز )) بالإضافه إلى (( عبداللطيف الغنام )) ويميل
لهم في أكثر فترات المباراه (( عمر الغامدي )) ... وبعدين يا بتـآل الشنيف وشلون تجادل وتهاجم
في موضوع يتكلم عن مباراه أنت أساسا" ما تابعتها ؟؟))

زين انك اعترفت انهم محاور .. ماهم وسط .. وانا اتكلم على ان الهلال يلعب بدون وسط دائره ..

((والله من الدجـه وقـلّ الطموح .... إذا كان اللاعب وجمهور فريقه مايطمحون للبطولات ...))

ليش الدجه .. مالله كاتب لنا فوز .. ماهي مقسومه لنا .. تذكر الهدفين على الاهلي مع القادسية تقدمنا بهدفين .. لصفر .. بس مالله كتب لنا فوز .. يعني تبي تعترض على القدر ..

((لالا يابتـآل فيه فرق بين اللي صعـد لآخر الأدوار ووصل للمباراه النهائيه وبين اللي طلع على يد
فريق نجران من أول دور في كأس ولي العهد ثم صارع كثيرا" من أجل البقاء في الدرجه الممتازه))

ليش تجيبها كذا .. انتم السنه هذي .. ماخذتم كاس .. وحنا وبقية الفرق ماخذوا كاس .. وانا اتكلم عن الكاس .. سوأ انتم الثاني والا الاخير .. اللي اخذ الكاس هو الاتحاد .. وبقية الفرق ماخذة كاس .. يعني الثاني .. والاخير طلعوا بدون كاس ..
واذا انت معترض على كلامي .. جب دليل على ان الهلال اخذ كاس السنة هذي .. في دوري كرة القدم للممتاز ..

(( ولكن لم يمرّ عليّ فكر عقيم مثلما مرّ عليّ في نقاشي .. مع بتــآلـ ... على العموم أعتذر منكم أخواني الغالين على الإطاله وبالتوفيق للجمـيع .. ))

محد ضربك على يدك .. وانا اتكلم بالعقل ماهو اي كلام ومش حالك ..

[بتال]

((طيب وش رايكم بهدف مرادونا بكأس العالم الي سجله بيده ..!! >>>>>>> تشتيت أفكار ..!!))

اين دليلك على ان مارادونا جابه بيده .. الكل قال .. بيده .. لاكن الصوره لم توضح انه الهدف بيد مارادونا ..


((الشنيف مو لازم يشوف المباراه بس عطه رؤوس أقلام وهو يكتب لك أحلى تحليل ..
ولا ما تدري انه مجهز مقال من الحين حق البطوله العالميه للأنديه ..))

عزيزي .. اسمي .. بتال ..

الحين .. ياعزيزي .. طلع كلامي صح .. يوم انك ادور الشهره من مقالات .. بتال .. والله الغيره ..

[سام6]

اللحين اتناقش معك على المباراه هههه وانت ماشفتها اخرتها كذا هههههه

اقول بتال اسفين ازعجناك وانا اقول ياولد هذا داهيه كيف يقول ان ابراهيم السويد افضل لاعب

شكله من اللي يكشفون الاعبيين

اقتباس اين دليلك على ان مارادونا جابه بيده .. الكل قال .. بيده .. لاكن الصوره لم توضح انه الهدف بيد مارادونا ..

س/طيب انت عندك دليل على ان مارادون اسطورة الكره القدم لم يسجل الهدف في يده

ملاحظه/ لا ترد على سؤالي بقولك انا طلبت قبلك اذا عندك هات واذا ماعندك لا ترد

نصيحه لا تقرب من عادل الشمري عشان ماتوههق بالردود وتخلص اعذارك
ولا يهونون الزعماء