لا تقصّ الورد .. قصّ أطرافي
و الباين من الشوق .. و الخافي
قصّ الثواني .. من الجوانح
و الخوف و الدمع اللي سانح
قصّ الحزن من هـ الجريدة
لو أربعة ماتوا! .. فيه أربعه بـ يحيون
أحزاننا ياخي بليدة
ما تملّ ؟ .. ما تسامح ؟
قصّ الظلام من العيون
قصّ الأسامي من الغياب
أحبابنا اللي غابوا .. باكر أكيد يجون
قصّ النشاز من الحناجر
قصّ النجوم من الدياجر
الليل لو يِخْفي .. عيوننا تِكْفي
قصّ المدى من الشوف
العين محبوسه .. في حيّز من الخوف
قصّ الأثَر من هالدروب
نحتاج فرصة للهروب
من كلّ ماضينا
العرض العادي
