سيكورتي مستشفى الخفجي العام

[شاقني]

.

بصراحه استغرب من الناس اللي تقول توظف
حلوووه 1300 .

بعدين اي خبره اللي تقولون عنها سكيورتي
شخص يلبس بدله مكتوب عليها أمن يمتر
المستشفى رايح جاي .

وفوق هذا كله الدوام شفتات 8 ساعات
ويسلم 16 ساعة بدون أوف والاجازة
بدون راتب .

كلمو العاقل بما يعقل .

ياخوك دور لك وظيفة ثانيه وإن شاء الله تلقى ابرك منها

بالتوفيق ,,

[شايل]

طيب ابي اعرف هل يوجد سكيورتي جلس اكثر من سنتين
ماتوقع حبيبي تدري ليه
الرواتب ضعيفة وبالامكان زيادة هذه الرواتب
يمكن مر على الوظيفة ذي فوق ال500 مواطن ولاواحد بهم ركد
ويالمطيري اتحداك تجلس اكثر من سنة الراتب جتى لو يعطونك 3000 ريال ماحد يجلس
ليه الشركة ماتطالب برفع مخصصاتها من وزارة الصحة اقل شيء استقرار وظيفي
وابشرك راح يمروووون الف مواطن على الوظيفة ذي ولاحد بجالس
الزمن تغير والاوضاع تغيرت والاسعار بارتفاع يوميا
اللي راتبه الفين كانت تكفيه قبل عشرين سنة
اذا كان عزوبي بس

[مطفش ابليس]

اقتباس المشاركة الأصلية كتبت بواسطة شاقني . بصراحه استغرب من الناس اللي تقول توظف حلوووه 1300 . بعدين اي خبره اللي تقولون عنها سكيورتي شخص يلبس بدله مكتوب عليها أمن يمتر المستشفى رايح جاي . وفوق هذا كله الدوام شفتات 8 ساعات ويسلم 16 ساعة بدون أوف والاجازة بدون راتب . كلمو العاقل بما يعقل . ياخوك دور لك وظيفة ثانيه وإن شاء الله تلقى ابرك منها بالتوفيق ,,

انت تشوف !!!
ما نقول الا حسبنا الله ونعم الوكيل يقولون اشتغل فيها احسن من الجلسه
والله يالجلسه ابرك منها

[أبرق الكبريت]

مطيري ولي الفخر كلامك في محله الشباب الحين يسهر بالليل وينام النهار كيف تبيه يعين وظيفه وهو بهل الحاله ما أقول الا الله يهديهم تقبلوا مروري

[ولد المحدود]

اعجبني كلام الفيصل انت صح

[سنوات الضياع]

اكلتوا الرجال طيب راتب 1300 وش تسوي تزوجه ؟
تعيشه ؟
اذا هو راتبه كذا اجل عياله كم بتصير رواتبهم بعدين ؟
الي يقول لا تذكر اسم المستشفى " الى متى السكوت على النصب والأحتيال" الساكت عن الحق شيطان اخرس
واذا كان نعمه نعمه صح
لاكن احنا سعوديين رواتبنا المفروض ما تكون بهالمبالغ بخصوص ان شركة ارامكوا وشركات نفط "نفط " ؟؟؟؟؟ واجد عيب ولا عيب
لاكن حسبي الله ونعم الوكيل حسبي الله
اخوي خلك عاطل علىشان تصير نسبة العاطلين 100% ونصير بمجموعة قنيس ونطلع برقم قياس على شان العالم تعرف انا مبدعين ههههههههههههههههههههههه
هههههههههههههههههههههههههههههههههههههههههه
نكته مو صح

[ياليتك عندي]

الله يعين يا رجال

[فــايــز]

لاحول ولاقوة إلا بالله ..!

ما أدري البلا في الناس اللي جالسه ومبرده وتتكلم من فراغ ولا من ثوب المثاليه اللي كلن يلبسه ..!؟

الرجال يتكلم عن راتب 1300 ريال لحارس أمن يداوم 8 ساعات يومياً وشفتات اول وآخر لليل وهو الحمدلله ماهو جوعان !!؟
1300 يخليها لوجباته في العمل ولا للبسه ولا شايفينها تسوى تعبه بهالعمل !!

هذا يسمى نظام استعباد لآنظام عمل
اذا كان القانون القديم وضع ادنى حد لرواتب الموضفين السعوديين 1500 ولاتكفي
ومع هذا نجد ناس تنتقد الشباب يريد راتب بدون عمل و و و و وكأننا ببغوات نردد مانسمع
فكرو وتكلمو بقليل ولا اريد غير القليل من الواقعيه
1300 ريال كيف يعيش بها الموضف في وقتنا الحالي ..!؟
مثل هذه الشركات الأمنيه وغيرها التي تستولي على المناقصات الحكوميه وتعطي للموضفين السعوديين الفتات ان تحارب ويشهر بها لا أن نرفع لها الشعارات ونردد الترهات عن شباب لايريد العمل .. أعطه وخذ منه قدر ماتعطيه

اسئل الله لك التوفيق وعسى ان يفتح لك ابواب رزق من عنده

[ابو ريناف]

اقول سلم لي على الهدمول قاعد يوظف هالعاطلين وزيدك من الشعر بيت وعلاوتهم فلاااان عداوي ههههه يرفع ضغطهم
الله يرزقك بوظيفه راتبها اكثر من 10000 الف تبطي عظم هههههه
تقبل مروري

[مطفش ابليس]

اقتباس المشاركة الأصلية كتبت بواسطة ابو ريناف اقول سلم لي على الهدمول قاعد يوظف هالعاطلين وزيدك من الشعر بيت وعلاوتهم فلاااان عداوي ههههه يرفع ضغطهم الله يرزقك بوظيفه راتبها اكثر من 10000 الف تبطي عظم هههههه تقبل مروري

هههههههههه
ما نقول الا انشاء الله يرزقنا باللي يأمن لنا بيت وتكوين اسره . هذا المقصد كله
راتب يكفينا ويكفي مصاريف البيت ومصاريف جيل قادم من الابناء
اما ابو عداوي ما يقصر بس لو يخف على الشباب شوي لانهم غير متعودين على العسكريه هههههه