إآكتب إآسم شإآعر وإآللي بعدك يجيب له قصيده

[العيون الساهره]

وجاك طلبك يالذيب

يقول المشعان:

الشعر في شرعي فكر .. وانا اعشق الفكر الاصيل
نهـج العقـول الناضجـه والعاقليـن ادرابـهـا
مو شرط من يكتب شعر يدري عن بحور الخليـل
اللـي يـداوي علـتـك لا تبلـشـه باسبابـهـا
احدً على الحنده حدا واحدً علـى الشلـه يشيـل
كـلً علـى مـا يكـرب بيوتـه يمـس اطنابهـا
على سبيل اهل المثل مانـي مثـل اهـل السبيـل
اللي معانـي حضورهـا تشبـه معانـي غيابهـا
لغبت جبت وعادتـي لاغبـت ماارجـع بالهزيـل
ان جبت اجيب اللي محد بالشعـر قبلـي جابهـا
تعشقني الفكره ..بكر..واسبق لها الوزن الثقيـل
اللـي بنـات افكارهـم مبطـي رميـت حجابهـا
اهيم في وادي الدهـا واروي حديـث السلسبيـل
يومن غيـري جامـعً كتـب الشعـر يقـرا بهـا
مـا بالقرايـه رايـةً بيضـا ولا منهـا ذبـيـل
لروجـت خيـل الطـرب تبكـي علـى هذابهـا
بعض المعاني وقعها اشطر من السيـف الصقيـل
يوم السيوف مـن الهلـع تثقـل علـى قضابهـا
ناسً على الشعر دخلت والشعر بي منهـم دخيـل
يقول انا بوجهـك عـن الهزلـه وعـن كتابهـا
ومدام صارت تشكي العلـه مـن اسبـاب العليـل
قـل للجماعـه ترمـي ثيـابً مهـي بثيابـهـا
ماهي بلحية طشطشه سيلً مـن العـارض يسيـل
اسقـى جمـال المملكـه وسهولهـا وهضابـهـا
فان قيل ابو ظبي ابرقت وعيون اهاليهـا تخيـل
قولو لهـا عينـي لهـا مبطـي تـرف اهدابهـا
مساكم الله بـالادب والـذوق والشعـر الجزيـل
من شاعرً صـدره يسـع مكـه ومـن يسعابهـا
شاعر شمالي وقفته عـن لابتـه تشفـي الغليـل
يدرى زعلها ويحمـى عنهـا ويخشـى عتابهـا
في ميلة عقالـه ثقـه وبفطرتـه صبـرً جميـل
يحسب مسافـة صيدتـه واليـا رماهـا صابهـا
انا البديل لعمـر ابـن كلثـوم لـو مالـه بديـل
لقامت فحـول الشعـر تفخـر بطيـب انسابهـا
لا المستحيل يردنـي ولا ابـن عـم المستحيـل
ياماكسـرت القاعـده واخلفـت وجـه اعرابهـا
صدري اليا عليت علا واليا استطالـت يستطيـل
امـا استوتلـي كلهـا والا بـلاش اشقـا بـهـا
عندي ناعـه ضلهـا وافـر ولـي فيهـا مقيـل
ما امشي ورا قالو قبـل واعيـش فـي جلبابهـا
مامن ورا زرع المثل في وقتنا الحاظـر حصيـل
من طبق امثال العـرب هـذا الزمـن يبـلا بهـا
من ذل لـو قالـو سلـم يبقـى بنظرتهـم ذليـل
ما تستوي القمـه تحـت رجليـن منهـو هابهـا
ايه الشجاعه تغلب الكثره وانـا اعطيـك الدليـل
الذيـب يـدرع بالغنـم ولا يحسـب حسابـهـا
جيت بشموخ الوايلي ما جيت من تحـت الشليـل
ولا ردنـي عـن ساحـة الشعـار كبـر القابهـا
لو كل من اسمه جميل من العـرب يطلـع جميـل
كان أكثر اسماء العرب تحمل صفـات اصحابهـا
ولاينعم بظل النخيل اللـي تحـت جـذع النحيـل
الشمـس تصقـع هامتـه حتـى يحيـن غيابهـا
ولا طولت عمر أدمي قولة عسى عمـرك طويـل
طـول العمـار وقصرهـا رب العبـاد ادرابـهـا
رح ردهـا عنـي وانـا بأكبـر عواقبهـا كفيـل
كانـطلعـت كذبـه فأنـا بيـن العـرب كذابهـا
ان الشجاعه تغلـب الكثـره وهـذا اكبـر دليـل
الذيـب يـدرع بالغنـم ولا يحسـب حسابـهـا


ياللي وراي لو سمحت
بندر بن سرور الله يرحمه

[كورن فلكس]

تسلم ياالعيون الساهرة

هذي قصيدةبندر بن سرور رحمة الله
القصه:
ان بندر بن سرور راح يزور الامير تركي ابن ربيعان امر الفوج التاسع
ويوم طق الباب صاحت بنته علي مااظن اسمها شعاع وسئلة من ,قالها :بندر
ابوها سالها وقالها :منو قالت: له هذا الشاعر بندر المرجوج
بعد ما دش البيت مسك يدها الشاعر بندر بن سرور وقال

يا صخيف الذرعان مانيب مرجوج

رجتني الدنيا بغدر وحيله

يابنت لولا الي علي تاسع الفوج

تركت نجد وعزوة بالقبيله

لاشك حاديني علي نجد هيدوج

مسق الفيافي لين يدوج مسيله

تركي اليامن غدن البلاوي عوج

حملة عتيبه كلها ماتشيله

يرسي كما ترسي المؤاني علي الموج

ومنين ما صك البحر يرتكي له

مادام تركي حي ماودي ادوج

وان غاب غبت من الرجوم الطويله
وسلامتكم....

الليى بعدي ما عليه أمر

قصيدة لشاعر/ سليمان المانع

[مجنونة جوهر]

تفضل هذا طلبك

الشاعر سليمان المانع

كان الرجولة بالمظاهر والاشكال
=عزالله اني ماعرفت الرجوله
وكان الرجوله بالمواقف والافعال
=عز الله اني مرتوي يالخجوله
ياجارحة احساس شاعر ورحال
=غريب تايه من زمان الطفوله
ماكل من يكشخ من الناس رجال
=الشخص جوهر وأفهمي ما اقوله
سطحية النظره ومعبودة المال
=مايعجبك شكل الغريب ونحوله
شكلي غلط لكن على الكود حمال
=ودرب الفخر نفسي عليه معلوله
والشاطر اللي يفتهم رمز الامثال
=كم داس وقتك من سلايل جموله
لاني بمغرورٍ ولاني بحيال
=لي روح عن باقي الخبول معزوله
باني لي اهدافٍ عظيمات وآمال
=والغيم من شافه ترجى هطوله
ولايندمج درب الدناسه والافعال
=والاصل يعرف من يتم بأصوله

[مجنونة جوهر]

اللى بعدي اذا ممكن

قصيدة لشاعرة موزة بنت جمعة المهيري

[كورن فلكس]

تفضلي طلبك /آه يــــا قــلـــب لشاعرة موزة

آه يــــا قــلـــب تــولـــع بـالـونـيــن = مـن ونينـه سـهـر الـنـاس الـرقـود
اسهرتـنـي لــي تـهـريـع بالحـنـيـن = تلتـعـي بـالـصـوت وتـشــم الـيـلـود
مرحـبـا بالـلـي تــدور لـــي جـنـيـن = تلتـعـي شــروا تقصـيـف الـرعــود
بيـنـت عــوق مـغـبـا مـــن سـنـيـن = بيـنـت عـوقـي عـقـب مـانـا يـحـود
لمس قلبـي مثـل ضـرب الخايطيـن = لـــي ميـابـرهـم قـويــات الــحــرود
دمـع غينـي يـروي الـلـي حايمـيـن = لـي سقوالـه يـوم كـضـات الــورود
طالـبـنـك يـــا إلـهــي يــــا عــويــن = انـت تعطيـنـا ومــن فضـلـك نـجـود
طـالـبـنــك يـــــا إلـــــه الـعـالـمـيـن = غيـر فضلـك مـا نبـا فـضـل معـبـود
تنجـلـي سـمـحـة أعـــواق الـيـديـن = مثلـمـا تـنـجـي عـبـيـدك م الـيـهـود
وأن تـعـاوضـنـا ســحـــاب دنــيـــن = يختشـر فـي ديارنـا مـن كــل عــود
داس نقره وانتحى صـوب الجريـن = وانتكس وادي السعيـن بحفـر يـود
وإن تـحــر كـنــا فــريــج جـيـمـيـن = مسلمـيـن مــا يـعـرفـون الـصـعـود
وارتـــوت مـيـثــا وذاك الـخـيـريـن = وأنجفت بنت العويصي من الورود
وافرت عقـب المحـل مـردم سميـن = وسكـنـوا هـلـهـا ف أيـــام سـعــود
ورويــت منيـنـه خــلاف النايـعـيـن = وتــم واديـهـا مــن الحـرشـا ريــود
وارتوت ديـرة وديمـه مـن العطيـن = واعيـلـوا اهلـهـا جـداهـا بالـشـدود
وارغدوهـن يـوم راضـت كـل عيـن = وعـاش يلـي بيعطـي سمحـة بـرود

[كورن فلكس]

اللي بعدي ..فضلاً وليس أمراّ...
أطلب قصيدة ....لشاعر المبدع / سعد علوش

[مجنونة جوهر]

تفضل

الشاعر المبدع سعد علوش


اخذيني

اخذيني اليا عجبتك بس رديني وان ما عجبتك خلاص اخذيني مابيني
ما دامني شفت فيك الطهر و العفة باعيف نفسي ليا منك كرهتيني
اخذيني لو أعتبر من ضمن أشيائك وأنا باحبك و لا لازم تحبيني
لابي علاقة و لابي نظرة و بسمه احساسي اني بقربك بس يكفيني
ولو اني انضفت لاشيائك غصب عنك طلّي علي يا غناتي لا تخليني
تراي لا جا المصامد ماني بهيّن تقول كن العرب لعبة بيدّيني
شخصيّتي من غرابتها و طيبتها كن الزمن في تحدّي بينه و بيني
اخذيني الشاعر اللي ما صدق حظه لا قلت يا حظ وينك قال يا ويني
اخذيني المبدع المتفلسف التحفه مؤمن و تضحك على العالم شياطيني
شهرة شكسبير و أفلاطون و نيوتن لا قلت لي بيت شعر تطيح من عيني
اخذيني العنصري اللي صدق متعنصرمن دون ربعي لو أقطّع شراييني
اخذيني اللي ليا منه طلب يعطى وتكفين لا من طلبتك لا ترديني
تكفين يا غايتي يا بهجة الدنيا اباحرق قلوب ناسٍ ما تدانيني
اخذيني بكل شوق و قولي أحبّه وان شكّكوا فيك والا فيّ ضميني
قولي سعد و الله انه غالي جدا وياجعل فدوه شبابي و آخر سنيني
وأنا باصدق كلامك و اعتنز بالله وباقول للناس ما يعنيك يعنيني
وأنا علي نذر ما أرخص جيتك و أنتي نذرٍ على رقبتك إنك ما تخليني

[مجنونة جوهر]

طلبي قصيد

للذيب

[!!سكروووب!!]

لعيون مجنونه جوهر
قصيدة محمد بن الذيب


قصيدة الجمس

أنا لأوزع على الناس أبتساماتـي ... ياميتين المشاعر ويش يحييها
حقك علي ماتدسم لي شنباتــي ... وفعايل الناس ماتشبه مباديها
والفرصه مواتيه والطاري مواتي ... والشعر حاجه تعنيني وأعنيها
لكن ماهو يعبر عن معاناتـــي ... ألا تعبر عن الدنيا ضواحيهـا
من تجربة ربع قرن عاشها ذاتي ... ماكل فرق يهز القلب طاريهـا
ولا تحرش هجوسي في بنياتـي ... تطابقت روس عجميها وياميها
والا أمبراطورك الخافق ومشهاتي ... تطربخ في بركة الخفاق رجليها
يا أول محطة غرام من محطاتي ... ليالي جمعتني فيك يسقيهـا
أجيك وأنا كبيراتن طموحاتــي ... وأروح وأنا محبلها ومعطيها
وعليك قلبي ورا الأضلاع ماباتي ... ولا يقرب ديارك يوم أنويها
ياكود جمس ماتنافى المسافاتي ... ملكع بأول الدنيا وتاليها
منحره لأقبل مع خشمه الطويلاتي ... منحر ذلول تزود بكبد راعيها
ومرايته دون كبوته عريضاتـي ... كفوف أمام مع دعوها ويدعيها
ولهولي يبخ بلوفه بلوفاتــي ... يولع النار والا مايطفيها
مابينه وبين اهل نجد علاقاتي ... لاهيب تدانيه ولاهوب يدانيها
وصوته لاريح بنمره عقب زكاتي ... تنهيدة اللي صدوق العشق كاويها
تناحي بالمحبه بالتناهاتـــي ... ولا لقت المحبه من يناهيهـــــا
ورفارفه يوم يصفق بالمطباتي ... ردوف بنت من النعمه تدربيها
لا ناطحه هوا يبيته عاتــي ... خايف انه من الزود متقفيهـــا
ومساحتينه لاقامت تقبل وتاتـي ... أصبع عجوز كثيرات دعاويها
عليها الأحياء تدخل جو الأمواتي ... وعليها الأموات مدري وين أوديها
الجكور أكبر عياله والبنياتـي ... اللكزس والبورش والبي أم وافيها
أن قلت يا الجيب خاوه قال ما احاتي ... ماكل ديره يواليها اواليهــا
يشرب فناجيلي ويكسر بيالاتـي ... يمد رجله على دربي ويثنيها
أن قلت يا الفورد قال الفورد سكاتي ... بعض الطواريق ماودك تناحيها
الجمس أبداع من كل أتجاهاتـي ... كنه قصيدتك ذيك اللي على أيها
مصدر من الفجيرة بأسم كرواتـي ... يدرس علوم الطبيعه في نواحيها
وشراه واحد سعودي من أماراتي ... وباعه على حضرمي رايحن فيها
والحضرمي كل ماخزن من القاتي ... الحاجه اللي على باله يسويهـــا
لابغى يرهب كبار الحكوماتــي ... رجله على قطعة الفرجه مضريها
والا خواطر خفوقي وآخر أبياتـي ... قصايدي كل أبيها قد سمعتيها
والله أني عشقت رضاك بالذاتــي ... مابه مساحه بقلبي ما مشيتيها
يانيلي العذب يا دجلاي يافراتــي ...ياديرة الحب شارعها وكبريها
يا أبلغ قصيده عليها من حركاتـي ... تلتفت بالدهشه لعيني قاريها
والى انتثر دمع عينك سوي سواتي ... قولي بكمك كذيه ثم مشيها
الحزن يوم المفارق عاملا ذاتـــي ... فطرة فالأنسان مايقدر يخليها

طيب ممكن قصيده لابن فطيس

[أبو رائد]

[poem=font=",6,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
سولفوا تكفون لا عاد تسكتون = قبل لا أهوجس وياتيني بلاي
السكات يزود طعوني طعون = وتنكسر لا جا على راسي عصاي
سولفوا لو ما بغيتوا اتسولفون = قبل لا اقعد في الحزن رايح .. وجاي
واضحكوا لو بالعماله تضحكون = وجاملوني لو يضايقكم حكاي
لي وليفٍ راح جعله ما يهون = هو دواي وداي .. أو داي ودواي
راح لكن طيف زوله في العيون = مرةٍ قدامي ومرة وراي
وإن سكتوا جا وهو طيفه يمون = رحت أهوجس له وأبين له ولاي
مكسب عيوني من الفرقا مزووون = تمطر لطاريه .. والبرق ؟ أصدقاي
كل ما طروه لو هم يمزحون = احرموني من غداي ومن عشاي
أدري إنه ما تناسى الود كون = تسمع إذنه في قفاي اللسن عداي
وكانهم قالوا نسيته يكذبون = وإلا أنا فيه أمتلك نظرة وراي
كان حبه لي على خبري مصون = والله ان كني بقدري .. وبغلاي
ذي بقايا الحب وأطلال الجنون = والله أعلم في ضميره وش بقاي
غير طيعوني ولا عاد تسكتون = ولا والله إن أسمعكم بكاااي
[/poem]