(( عبــر عن حالتك النفسية في بيت من الشعر ))

[ثلجة وردية]

حالتي يابنت والله فـي خطـر
الوله والتيه والحـب وشجـون

ارحمي مافي يدي غير الصبـر
تهت في حبك وغطاني جنـون

[شمس الرائدية]

غريبه قصة الدمعة وهي تغسل جفون العين ..

تريح جفن باكيها مع انها قمه احزانه .

[ثلجة وردية]

بكى فـي داخلـي طفـل ٍ يسامـر صوتـه المكبـوت

ابـى فـي ذروه الظلمـه .. يبيّـح سـلـه اوجـاعـه

يصيح القلب !!. ((كافيني)) .. ولاهتزت حبال الصوت !!

وكفـن ّ فالـورق صوتـه .. وصايـه كنهـا وداعــه

وصاته ... دنيتي لحن ٍ .. تساوى مـع فحيـح المـوت

بعد ما شفت انا ((صدك )) .. حرام ابقـى بهـا ساعـه

[شمس الرائدية]

كفاك حزن ياقلبي ما عاد تنفع هالأحزان

ماهو كل من القى السلام يسواك

تراك عالي المقام والشان

حرام تسهر الليالي وهم نيام

[ثلجة وردية]

ياصاحبي صبري على البعد محدود ... وماهو صحيح ان الصبر من صفاتي

[شمس الرائدية]

هنا بأقصى ضلوعي طفل ينده .. ياجفا / كآفي !
تعب صوته وهو يستنجدك [ ماتسمع هتافه ] !!

يفرقع اصبعيه وحال دونه .. كل ميقافي !
يردد : هالزمن تافه ويجاوب هالصدى [ تافه ] !

[ثلجة وردية]

ياصاحبي كلي من البعد " مقهور " // وش حيلة الي يرتجي لمس " يمنـاك "

أضحك مع ربعي ولاني " بمسرور " // سارح بفكري وأشتكي ضيم " فرقاك "

أشتاق لك وأنا على البعد " مجبور " // ودي أغمض وأفتح العيّن " وألقاك "

[شمس الرائدية]

مـن ليلة البارح وحابسني [ الضيــــق ]

عسى / نهار اليوم , يطلق سرآحي ..!

[ثلجة وردية]

ثمن كلامك وفهم اللـي تقولــــه
لاتشعل النيران وأطيـح فيهــــا
ياهييه ياللي منت حول الرجوله
اترك طبع نسوانك اللي تجيهــا
نفسي عن هروج النمايم جفولـه
وأيام صبري تنتهي وأبتديهـا
اللي تفكر به حشـى ماتطولــــه
كم حاجة ً أكبر من اللي يبيها

[شمس الرائدية]

يرعآك ربي من عيون المخاليق .. ..
ويجعل لك بكل الخطا خير وسلامه .. ..

ويآعلّ ما ما يبلاك من ربك الضيق ..
ولا يجعـــلك في النـــار يوم القيامه