عيال الخفجي .... يالطيف

[هين]

مساء الخير للجميع

ممكن نتكلم بصراحه شوي ومن غير تشنج وانفعال

ومن خلال تفكير واقعي ومنطق يفرض نفسه

اليوم الشكاوي اغلبها من اعمال الاهمال والتخريب في

في المرافق العامه

انا لا اخلي مسؤلية الجهات المختصه مثل البلدية وغيرها

ومهما تضايقنا من هل اهمال تضل هل جهات تعمل وفق جدوله معينه

ولكن بصــــــــــراحة عندنا شباب يااساااااتر

تموت في انها تكون معول هدم لا بناء

الى متى يعني وحن وهل نوعيات في سباق مع الزمن هم يخربون

وغيرهم يصلح ؟؟؟؟؟

يعني مو معقول العمال يصلحون بكورنيش الخفجي على مدار الساعه

وغيرهم يجي ويخرب وهم اصلا ماخلصوا الشغل
وشهوله مستعجلين

هل المشهد المرتب يسبب لكم مشكلة او حالة نفسية
والله فشلتونااااااااااااااا

قسم بالله انا شفت اعمال مشابهه بكل ديره وبكل دوله

ولكن تحس ان عيال الخفجي يتلذذون في كل شي سلبي

تفحيط
تكسير اي شي جديد
كتابة على الجدارن
تخريب اي شي مرتب
اهمال في التعامل
ازعاج بشتى الانواع
جمهره على الفاضي
مظايقات للعوائل

يعني بالاخير ياليت بدال مانشتكي من كل شي

ننتبه بس لتصرفات عيالنا الله يصلحهم ....

ونكون مصدر اولي للاصلاح الحقيقي

المشكلة ان حتى عدوى التهريب والتكسير

تحولت الى البنات

فيه موضوع مصور قبل مده قريته عن كلية البنات بالخفجي

فعلا كان يحز بالخاطر ان الاناث يصدر منهم هل عمايل

كلامي طبعا غير مخصص لناس معينين ولكن لفئة العبث

وانشالله بكره يكون اجمل بأذن الله ....

شكرا لكم

[اليابسي]

من طيب أهلهم .....والتربيه السنعه......هذا الكلام للفئه العابثه

[فاصله]

ومو شرط التربيه تلقى الاهل يربون ويتعبون ويجون عيالهم ويشوهون السمعه ..
الله يهديهم ..
* ان شاء الله << تكتب كذا
يعطيك|العافيه|

[عبدالله المطيري]

يعطيك العافيه اخوي..
المشكله مو التربيه..
المشكله الشخص نفسه كل واحد براسه عقل يعرف الصح من الغلط..
والبيئه الي هم عايشين فيها..
يعني قليله جداًوسائل الترفيه للشباب بالخفجي..
لو يحطون رابطه هي عباره عن ساحه لممارسه التفحيط مجهزه بسياره دفاع مدني والهلال الاحمر..
كان ماتحصل شباب يفحط بالشارع يروح الرابطه ويسوي الي يبيه..
اسف طلعت عن الموضوع..
بس الي ابي اوصله..
ان الخفجي مافيهاا اماكن تشغل الشباب غير المقاهي الي مامنها فايده ..
ولا الملاعب والشباب 20من 100يحبون الكوره والباقي وين يروح..
تقبلو مروري..
..تحياتي..

[ŘễMẾmβER Mẻ]

المشكله موب بالاهل..
من الفضآإوه والله مآإعرفو وش يسون .

[روح البداوه]

مو من التربيه بالعكس ماقصروا الاهالي بالتربيه

بس فضاوه وشطانه زياده عن اللزوم

والله يصلحهم بس

من جد شي يفشل ويقهر بعد

[امجاد]

دائما الشخص اللي تصدر منه افعال سلبية بهذا الشكل
فهذا شخص يعاني من نقص ما ويحاول ان يعوض هذا النقص بابراز شخصيتة بامور سلبية المهم ان يلفت النظر لانه لم يستطع ان ينجح او يحقق ذاتة
فهذا نوع من الامراض النفسية

وبالنسبة لمن يقول تربية سنعة

هم في بيوتهم وبين اهليهم كثير منهم لايبدر منهم تصرف سلبي ولكن ما ان يخرج من عبائة الاسرة يبدأ بالتمرد

مثل الحاصل مثل ماذكر الاخ في كلية البنات وللاسف هذا مانسية تعليم عالي

وقس عليها كما اشاهد بنفسي مايحصل من الطالبات في المدارس عندما توجهه اللوم لها وتستدعي وليالامر اب كان او ام يقول ان ابنتة هادئة ولايبدر منها ربما قناعة منه وربما يكابر والله اعلم ماذا يكن في نفسة

الخلاصة هي مسالة قلة وعي وتدني في السلوك والاداب العامة وايضا وزاع ديني متدني

الحل زيادة الوعي ليس بطريقةالمحاضرات الجامدة والنشرات فقط
ابد من تعاون التربويين وائئمة المساجد واولياء الامور باللين والحسنى
ومع الاصرار واخلاص العمل لله سيحدثالتغيير
\ فهذا الشاب او البنت ليسئ سئ صرف ولكنه في مرحلة متذبذبة لاثبات الذات واحيانا لايعرف الطريق السليم


اشكرك على الطرح المهم

[كدوش]

كل البلا من عيال الكيلووو الصغار ههههههههههههههههههههههههههههههه
لاتزعلون ياقوم الكيلو..

[مطفش ابليس]

بصراحه والله شي يخجل بالله شوفوا دورات المياه بالكورنيش ( الله يكرمكم ) احد العابثين كاتب على جدار الدورات من الخارج وبخط كبير وتفنن يعني موهبه رائعه لكن استغلها موهبته بالعبث
وعلى فكره في اعتقادي اخذ بالكتابه والتشكيل والتفنن قرابه الساعه ولا احد حوله
ولا احد كلمه ( ماخذ راحته ابو الشباب)

[عبدالمنعم]

صراحه أناأبصم بالعشره أن الأعمال التخريبه شباب من خارج الخفجي شف دورات المياه على الكورنيش وتعرف فلان كاتب من الرياض وفلان كاتب النعيريه