فندق اتاكوي مارينا - اسطنبول

[دانة الكون]

بسم الله الرحمن الرحيم
السلام عليكم ورحمة الله وبركاته

صباحكم ومساكم كيف ماتتمنوه

في إجازة عيد الأضحى قررنا نسافر إلى تركيا - استنبول

ابتداء من 1 إلى 13 نوفمبر وقسمنا إقامتنا على فندقين

الأول اتاكوي مارينا والثاني ان بيرا تقسيم ان شاء الله بانزل له تقرير منفصل في اقرب وقت ممكن
موقع الفندق Atakoy Marina Istanbul

.. سبب اختيارنا للفندق ..

قريب من : المطار منطقة فلوريا اكواريوم استنبول الجديد منطقة بكر كوي مطل على بحر مرمرة
وحنا ناوين نزور هالاماكن فاستغلينا وجود الفندق بهالمنطقة واخذنا ليلتين نخلص منها وننتقل لتقسيم

.. سعر الغرفة لليلة لشخصين مع بوفيه الفطور ..
80 يورو . أقمنا فيه من 1 - 3 نوفمبر 2011

.. تقييمي للفندق ..

نظيف و غرفه وسيعه و مريح نفسيا و خدماتهم ممتازة
عيوبه : عدم اهتمامهم بمرافق الفندق او يمكن لان الموسم شتوي
عدم وجود مصعد في اللوبي خصوصا اذا معكم كبار سن
الانترنت واي فاي مجاني في اللوبي والغرف مدفوع ولكن اذا معكم بلاك بيري
او نوكيا يشتغل الواتس اب عليه مجاني بدون طلب باسورد .

.. نبتدي التقرير المصور وأتمنى يعجبكم ..

الفندق 4 ادوار وكل الغرف مطلة ع الحديقة و المارينا تشوفونها من بعيد





حسب مافهمت انه تابع للشيراتون وعموما هو والشيراتون اتاكوي يفصل بينهم الاشجار اللي تشوفونها بالصورة اللي فوق ع اليمين



اللوبي صغير لكن خدمتهم ممتازة





المصعد موجود اول ماتطلعون الدرج ع اليسار او تنزلون له وهالشيء اللي ما اعجبني



الكوردور بين الغرف وآخر الكوردور غرفنا .. وللمعلومية ما صادفنا غرف متصلة





الغرف الغرف مريحة نفسيا و مساحتها كبيرة واهم شيء مطلة ع الحديقة



الأسرة كلها كبيرة







وهنا الغرفة بالليل .. واللي أعجبني فيها إضاءة الغرفة قوية







غرفتنا كانت مطلة على مدخل المارينا الخاص وتحسين بأمان لان الحراسة 24 ساعة





الغلاية و تجهيزاتها مجانية بالغرفة



الغرف مثل ماتشوفون كلها مطلة و البلكونات متقاربة من بعض











الاتصال من غرفة لغرفة برقم الغرفة فقط



قنوات التلفزيون فيها قنوات عربية منها الـ التركية , الجزيرة و MBC انترناشونال تقريبا هذي اللي اذكره





يعيب على الانارة التمديدات الظاهرة .. و على اليمين الدولاب والميني بار و المكواة وطاولة الكوي









دورة المياه فيها استشوار لكن مافيها باقي الكماليات مثل باقي الفنادق













طبعا هالشيء مب مجاني



في الليل كان الجو بارد وهواء و هتّان منعش





خلصنا سهرتنا بعد مانزلنا الى شارع بكر كوي تسوقنا وتعشينا واخيرااا نمنا

[دانة الكون]

صحينا نصلي الفجر و ماقدرنا ننام وقررنا ننزل نفطر
ونزلنا ويا انه البوفيه في آخر الفندق مشينا ومشينا ومشينا كل هالممرات حتى وصلنا





مرينا بـ صالة اجتماعات وكملنا طريقنا للمطعم





وأخيرا قابلنا هالشيء





وعلى يسارنا هالمنظر وقررنا بس نخلص فطور نطلع نتمشى في حدائق الفندق





نزلنا الكم درجة للمطعم








البوفيه كان توه يبتدي واول ما افتتحه حنا ماشاءالله علينا واخترنا الزاوية المطلة ع الحديقة لجلستنا





الاطلالة من طاولتنا واللي تشوفونه مدخل المارين





حديقة المطعم والجلسات الخارجية لكن كان مطر وبرد فحبينا نفطر وبعدها نطلع نجلس شوي





بوفيه الفطور بسيط لكنه منوع

















انواع الزبادي لكن الفلاش حاس الدنيا وما بين شيء ولكن اللي تشوفونه زبادي باطعم فواكه مختلفة














اللي يحبون الكورن فلكس مع حليب حار يقدرون يطلبون الحليب

















واللي يحبون البيض اولميت يطلبونه بعد ويحضرونه لك


























بعد ما افطرنا الحمدلله قررنا نطلع نتمشى

[دانة الكون]

ما خرب جلستنا الا هالقطوة المرعبة سمعنا لها صوت كانه ثعبان قمنا وتركنا لها المكان

اعجبني هالكوخ المغطى بالشجر

هالبيت الزجاجي على يسار و اليمين كلها ملاعب تنس و كرة طائرة وكذا

وهذا الكوخ اللي عاجبني من الخلف

الطريق للبحر ومثل ماتشوفون مافيه اهتمام بالمكان يمكن لان الجو مايساعد

بس الجلسة في هالمكان جميلة جداااا رغم ان الجو بارد

كملنا مشينا ونزلنا للمارينا واليخوت تفتح النفس وده الواحد بيخت خاص يجي ينام فيه ويستجم بروحه

من نفس مكان تصويري اليخوت هذي الجهة المقابلة وع اليمين فيه بقالة صغيرة ماصورتها وع اليسار تشوفون الملاعب

واحدة من واجهات الفندق المطلة ع المارينا و المطعم اللي افطرنا فيه وحديقته

اللي في الوسط هذا لوبي الفندق من الجهة الخلفية

رجعنا غرفنا و الكل نام الى الظهر الا انا جلست انزل الصور من الكام للابتوب واتجهز للطلعة
كنا مخططين نروح لـ اكواريوم استنبول الجديد و حديقة فلوريا وخلصنا ثاني يوم لنا باستنبول
وثالث يوم صحينا من الصباح وكنا صايمين ما افطرنا و جهزنا شنطنا لاننا بنقل من الفندق
شوي الا سمعنا صوت مطر مطر مطر قوووي
ولأننا محرومين من هالشيء اللي باقي نايم قعد من نومه

وبكذا أكون انهيت تقريري عن فندق اتاكوي مارينا اتمنى يكون اعجبكم
وان شاءالله يفيد محبي السفر الى استنبول

تقبلوآ مني أعطر و أعذب تحية

م/ن

[الدووووخي]

ويــن ربعنا مايشوفون هذي الفنادق ..

والله خياااال ..

مشكوووره يامبدعه ..

[صانع الإبداع]

؛

تقرير وصور رآئعة .ْ.
الله يعطيك العافية على موضوعك .ْ.

[دانة الكون]

اقتباس المشاركة الأصلية كتبت بواسطة الدووووخي ويــن ربعنا مايشوفون هذي الفنادق .. والله خياااال .. مشكوووره يامبدعه ..

مدري وينهم

الابداع تواجدك
العفو...

شاكره مرورك.

[دانة الكون]

اقتباس المشاركة الأصلية كتبت بواسطة صانع الإبداع ؛ تقرير وصور رآئعة .ْ. الله يعطيك العافية على موضوعك .ْ.

الاروع تواجدك
و الله يعافيك و يسلمك

شاكره مرورك.