[align=center]الأخوان هنا في رائدية العز والشمووووووووووووووووووخ
هذه لكم
’’
’’
قصيــــــــــــده لن اقول متواضعه
ابدا لن اقول ذلك لئنها قصيده مسنده
ولكن اقول ارجو ان تحوز على رضاكم
......................[/align]
[poem=font="Simplified Arabic,6,blue,bold,normal" bkcolor="transparent" bkimage="backgrounds/25.gif" border="ridge,4,gray" type=2 line=0 align=center use=ex num="0,black"]
ياراكب اللي لامشـى ينعـش انعـاش=
وربـان طـاره مـولـع بالممـاشـي
ساحر ويسحر من حضن طارته جـاش=
يجيـش عقلـه والنظـر فيـه جاشـي
جياش يرهش خافق اللي بـه ارهـاش=
مـن لفـه ابغفلـه يجيـه ارتهـاشـي
مايطلـب إلاواحـد مابهـا ارعــاش=
اليـا لـف طـاره مايجيـه ارتعاشـي
الا وسواقـه دفــع قيمـتـه كــاش=
يومن نوى يشـري دفـع فيـه كاشـي
خمسة اصفار بأيمـن الرقـم يابـلاش=
كيش على اوراقـه ولا هـو متحاشـي
ساق الدراهم حزمـة ماهـي اطشـاش=
ماقصـده مـن راتـبـه والمعـاشـي
ماخوفـه سعـره ولا عنـه انـحـاش=
ساق الثمـن ثـم الحقـه قـول لاشـي
من دار هتلرمصنعـه ماهـو اغشـاش=
مامصنعـه بمبـي ولا هـو كراتشـي
فياغـرا منهـو تمعـن بهـا انــداش=
ينـداش فكـره والنـواظـر تـلاشـي
اللي غدا منـه الشبـح سمعتـه مـاش=
من عقب ماهـو طيـب صـار ماشـي
مـن يملكـه يفتـح بالإبهـام مـانـاش=
ويشغلـه لـو هـو بوسـط الفراشـي
الا وعـداده فــلا هــو بغـشـاش=
ليـزر ويعطـي بالـديـار الغبـاشـي
ويوجد بـه الشاشـه وتلفـاز وفـلاش=
وإنـذار ينـذر لاقــرب للعتـاشـي
والكنتـرول اللـي للاقفـال طــواش=
يذهـل بنزعـه للقـفـول الخـواشـي
واجنوطه النيكـل علـى شكلهـا داش=
منهـو عجـز لايشتريـهـا يـداشـي
والفرملـه نظامهـا مـابـه اقــراش=
عـن الزلـق مـا صمموهـا هشاشـي
أي ,بي ,مع الإس ,والسماء رشها طاش=
صمـم نظامـه للوحـل والحـراشـي
ومسجله فـي وسطهـا يـدوش إدواش=
بمكبـرات الصـوت سبـع الدواشـي
وأنوارها وإليا أبرقت ترعـب المـاش=
يرعب به العالـي لـو إنـه رماشـي
إليا ارمشت في عاليه تجعـل اغبـاش=
علـى نواظـر مـن لحظهـا غباشـي
تبرق بالأزرق ضوحها يدهش إدهـاش=
مـن خايلـه باكباسهـا راح داشــي
ليزر تشـل إبضوحهـا كـل طـراش=
تجعـل حـدق عينـه خليـة خشاشـي
ياراكـبـه بالله طلبـتـك ابمـطـراش=
وليـا طلبتـك قـل حاضـر وماشـي
هاك البيوت اللـي لهـا خافقـي نـاش=
وإليا انتشى الخافـق يجيـه الجياشـي
من نـوش فكـري ماكتبتـه تمرقـاش=
اصبهـا صـب الحلـى بالغـراشـي
هاك المثايـل فصلـت لـون دشـداش=
واللـي نظمهـا فـاهـم بالحـواشـي
الا بـعـد ومدنـدشـه بالتـمـنـداش=
والقافيـه منحوتـة بنـقـش فـاشـي
وده لمنهـو لاعـرف زبدتـه شــاش=
خبيـر سابـق ماهـو اليـوم نـاشـي
وده لمنهـو بالقوافـي ولــد بــا ش=
يفهـم عظيـم المبهمـا ت اللـواشـي
وده لبن مسبط علي واكـرب الجـاش=
لـو ان بـن مسبـط بوجهـه بشاشـي
الطيب علمـه والمكـارم لهـا حـاش=
والنعـم صيتـه وللمواجيـب حاشـي
قل ياعلي شوف الجدي دونـه اكبـاش=
يوم الجدي رمـز القضـي بالدباشـي
لاياعلـي مابيننـا سـربـة اوبــاش=
متعشعـشـه ماابينـنـا كالخشـاشـي
إليا بغى سهيل الجدي يطـرق افـراش=
فـي سنـة الله حرمـه كـل واشــي
ياتيه منهـو يجـرح القلـب خـد اش=
عشرين حـرف يطلقـه مـن كلاشـي
بيـن الغثـى ومسممـات التمحـراش=
يكيلـه اللـي لافــرط كالرشـاشـي
اركو بجوفـي مشهـب ملهبـا خـاش=
في وسط جوفي معطبـا لـه تشاشـي
الحامي اللي باللظـى صرقـع الفـاش=
وأعطب وصال مكهرب الحب غاشـي
شقى شقى من شوشح الطيـب خفـاش=
يـوم ارتشـى راح الحيـاء بالقراشـي
سطى سطىفي خافق الجـوف دشـاش=
وخلى سمو امهبهـب الـروح حاشـي
يصفق اضلوعي صفقة البـاب بدشـاش=
بـذراع بـاتـع ماعجـبـه النقـاشـي
خلى اللحم والدم والعظـم فـش فـاش=
والفكر سـدر بنزعـة الحـب جاشـي
خفاق جوفـي ياعلـي صابـه اربـاش=
قام ايتمرقـص ياعلـي بـه هشاشـي
مما جراله لـو دخـل غرفـة انعـاش=
لاياعلـي ماظـن يلـقـى انتعـاشـي
وشلون يلقـى والهـوى كنـه الـلاش=
يهيـن منهـو بالهـوى راح طـاشـي
مغرم خطافـي مخـه اليـوم منقـاش=
في غرز راسـه لـو ركـز مايعاشـي
لاياعلـي جنـك حروفـي بمطـراش=
وصعب القوافي وان لفت لـك تماشـي
ماقيـل ابـن مسبـط تعـذر ابمهنـاش=
بالطـرق يسـري والقوافـي ولا شـي
ابي المرد مثل البـرد ماهـو اطشـاش=
ياتـي مثـل قـو البـرد للطشـاشـي
ابي المرد مثل الطلـق عنـد حشـاش=
ولابعـد مثـل الـضـوى للغبـاشـي
هذا وتمـت والنواظـر بهـا اجهـاش=
وده تطـول وقـال قلـبـي بـلاشـي
تمت وفكري لابيض الجـوف فـراش=
وحتـى الخلايـا للقوافـي عطـاشـي
امشي مع الخافـق ولااكـون غشـاش=
مـادام قلبـي عـادل كـاالنجـاشـي [/poem]
[align=center].........................
ارجو ان تحوز على رضاكم
دمتم سالمين[/align][/QUOTE]
المواضيع المتشابهه
العرض العادي
