قول وش بك ؟
قول وش بك ؟!
ماشعرت الا بعشبك !!
ما ارتمى فحظني نسيمك ,
وما عجبني ضحك غيمك !
لا تحاول , تخفي احساسك بشمسك
حاكني حتى بهمسك
ودي ادري ,
قبل لا يدري , عتيمك !
واسهرك , ثم ابتلش بك !
قول وش بك ؟!
***
قول وش بك ؟!
خلّني اتأمّل حروفك
اللي دايم اعتبرها من شفاتي !
خلّني أشعر بخوفك
اللي يشعرني بخوفي من حياتي
وليت ما تمطرني شعور بحزن !
ما عاد ينقصني الغرق
لانّ انا فيك الغريق
من يوم ما قد قلت فيك
" انّك مجرّد صديق ! "
ولّا اقلّك ,
أمطر أحسن ,
ينقص البستان فيني
زهر سوسن !
تدري ؟!
ولّا ليه تدري ؟!
جرّب انّك تمطر احساسك بصدري
وشوف صدري
كيف يحيا , وينتعش بك !
***
قول وش بك ؟!
إنّما الدنيا محاذير وعِبر
والعِبر توضع على حدًّ سواء
ليت ابن آدم يلين ويعتبر
وليت كل انسان للآخر دواء
وليتني برضاك اعيشك للقبر
وانطوي بك , وافتخر بالانطواء
خلّني من دون حسّ ولا خبر
إحتويني , حاجتي فالاحتواء
مرّني طفلً وانادي لك , وابرّ
ما تخوّفني ظنونَ الالتواء
أنت منك الكسر , مايبغي جبر
وانت منك المرّ عذبَ الارتواء
لا تغيّبني بصمتك , والكِبر
ما يفيدك فيه طبَّ الاكتواء
من قبل
وفقكم الباري 
العرض العادي
