بسم الله الذي لايظرمع اسمه شيئ
هذه القــصيده هــي هديه لقلوبكم يا أهل الرائـــديه
[poem=font="Simplified Arabic,5,purple,bold,normal" bkcolor="transparent" bkimage="backgrounds/19.gif" border="none,4,gray" type=2 line=0 align=center use=ex num="0,black"]
أبتدي بأسم الولي وأزكى تحيه =ألأله المعتلي منشي غمامه
وياقصيدي هات وأغرقني شويه = تو شعري ما أبتدى بأول كلامه
وغرديلي يالحروف ألأبجديه = ثم صيغي حرف شعري في تمامه
واكتبي الأشعار في بنت أجوديه = بنت من حطو على البيرق علامه
قالت أكتب واجعل الأبيات حيه = واشعل النيران في عالي سنامه
قلت يابنت العرب يالغشمريه = لك سلام القلب يرسل وأهتمامه
وياحروفي امطري وأهدي هديه = للذي مشيه كما مشي الحمامه
راسيه وارسى من أجبال الحويه = وشامخه من كبرها كنه تهامه
هي ملاك الكون لو فيها خطيه = والجمال اليوسفي تملك زمامه
وعينها في عينها نجم الثريه = صافيه ياكنها زرقا اليمامه
والبدر منها خذا نوره وضيه = والشعر كنه وراها ذرع خامه
وخدها صافي تقل حب ابرديه = صافي ولادق بالخدين شامه
يالزهور الغاليه يالنرجسيه = ياغدير الشوق والعشق وهيامه
يالسحابه يالمزون العقربيه = يانسيم الصبح ياريح الخزامه
ياذهب وأغلى من اللي في يديه = ياعقود الماس يافيروز هامه
في حياها في نباها عاطفيه = والخجل باين عليها في سلامه
أيه ياريح السمر يالشاذليه = أيه ياصوت النجر وقت الجهامه
اطربيني يالحون السامريه = وارقصي يالأرض من طقت بهامه
يالدواهي يالدواهي يالدهيه = يالعقول الثابته وأم الزعامه
لو تما يل بس في مشيه كذيه = مال كل الكون واشتد انسجامه
ولو تصيح الناس والصيحه قويه = لا تلومون العرب شافو لثامه
سيلت دمعات من عينٍ عصيه = والقلوب العاشقه زاد ازدحامه
ذبحت كل العرب ياهي جريه = في عيونٍ كنها ظبي العدامه
نوخت في رمشها ركب المطيه = ويل من جاها وفي عقله غشامه
من تحداها يبي يكتب وصيه = تشرب الفنجال وتكسر عظامه
احرجت كل القلوب الشاعريه = وغيرت كل المفاهيم ونظامه
ليت ابوها يستره عن ها البريه = كان عاش الناس في أمن وسلامه
يارجا من كان يرجيله بنيه = يوم ضاق الصدر واشتد انكتامه
جيت لجل ارضاك والنيه مطيه = ولجل نشري رضاك ذبيت العمامه[/poem]
العرض العادي
