ياذا الجلال اللي عروشك فوق وأملاكك حدر !!!!

[أبو حاتم ..!]

..



..





النصيحه هالأيام تنشرى بفلووووووس !!!!

لكن هالمرّه شاعرنا جابها ببلاش ..


إهداء للغاليــــن اللي طوّلنــا عليهم ..


وإهداء للناس اللي يقولون وينك ماتشارك !!!!!!



إهداء للجميــــــــــع ..







يا ذا الجلال اللي عروشك فوق واملاكك حـدر // ومهماً تسامت به عروشه مستحيـل يطولهـا

يـا حـي يـا قيّـوم يـا ذا الأنافـة والكبـر // ما نافسك في عظمتك مكـر العبـاد وهولهـا

وما نافسك من عمّر بيوته على سطح القمـر // واللّي ترسي فـوق أقاليـم الميـاه سطولهـا

ما انته بحاجة من عبد ولا بحاجة مـن كفـر // ولا بحاجـة ثابـت الدنـيـا ولا منقولـهـا

أنت السميع لمن حمد وأنت المزيد لمن شكـر // واللي ما يشكر نعمة المنعـم عليـه تزولهـا

ياذا الجبروت العظيـم ويـا القديـر المقتـدر // تفزع لنا في معضـلات مـا نريـس حلولهـا

تلعب بنا خـلاّن فرغتنـا كمـا لعـب الكـور // أن اقبلت صاحوا لها وأن دبّرت صاحوا لهـا

لا هبّنا الطايف بعض الأحيان في فية عصـر // شهب الليالي مـن ورانـا يسحبـن ذيولهـا

أنت السلام اللي لك الإسلام وانت المشمخـر // اللي عجايب قدرتك فـي المعجبيـن ذهولهـا

سلام يا محمد رسول الله راعي الوجه الأغـر // وسلام يا روح ملائكـة السمـا صلّـوا لهـا

سلام يا بو بكر يا عثمان يـا علـي وعمـر // وسلام يا سبـع الآفـاق أطلالهـا وسفولهـا

سلام يا صدق النوى سلام يا وسـع الصـدر // سـلام يـا مفتـاح بيبـان الفـرج وقفولهـا

وسلام يا شمس الضحى تشرق على بر وبحر // وتشرق على كل الديـار جبالهـا وسهولهـا

وسلام يا غر السحاب اللـي تبجـح بالمطـر // وشم الجبال اللـي تبجـح بالسحـاب قذولهـا

وسلام يا هوج الرياح اللي عطاهـا مستمـر // مهما خذوا منها من الحسنات مـا ردوا لهـا

ليت الرحاب اللي لنا بوجيههـا حـق وقـدر // ما تضمحل من الزمان ولا نشـوف سمولهـا

و ياليتنا لاما سرحنا اليوم الأبيض من فجـر // تبطي عبات الليل ما تضفـي عليـه سدولهـا

ولاّ ليامنهـا ضفـن سدولهـا يطلـع بــدر // يا صل ضياه اللي على الكوره تطق طبولهـا

المعتبر يآخذ على الدنيـا دروس مـن العبـر // والنـاس يكسبهـا معاملهـا بقـد عقولـهـا

أحيان تصدف لعبة الشاطر مع غلطـة عمـر // مره .. لكن لا عدت الغلطة ما عـاد ينولهـا

حنا عرفنا كلنا ما طـال مـن شـيء قصـر // والأحلام ماتوا قبلنا شرهين ما وصلـوا لهـا

حتى الجمال اللي تحمّلهـا الهقـاوي بالصبـر // يالله بحملتهـا تقـوم وتــدّرج بحمولـهـا

والحب سيسـان العبـادة والعبـادة بالجهـر // ان ما قدرت تقولها وجـه الصحيـح يقولهـا

يسرون عميان المحبة تيه في غـدرا الغـدر // للـي تحـد سيوفهـا واللـي تعـن خيولهـا

ولا تفكـر فـي غنـاة ولا تفكـر فـي فقـر // وتشفع لبيضان الصدور احضوضها وفعولهـا

واهل التكلـف بالمعرفـة والتصنـع بالبشـر // والله مهي حول الصحيح ولا الصحيح بحولها

اللي يفضّل ما يقيم بو ميه مـن بـو عشـر // حتى الفضولية عن الفاضـل بطـل مفعلوهـا

اللي تخبره لحيته ذا ..طولهـا يصبـح بـزر // واللي تخبره بزر يصبح لحيتـه ذا ..طولهـا


وسلامتكم .. الشاعر ما ادري منهو !!!!!!

..

[الونيس]

يسلم راسك يابو فريج

والله لك وحشه يالغالي

صح لسانك ولسان الشاعر

كن بخير

[عاشق الوحده]

يسلم يمينك وربي يسهل دربك ويعطيكالعافية
قصيدة حلوة وابداع ماله حدود
واول مرة ادري انك تحب الشعر ولمعلوميتك ماعرفتك الا يوم شفتك جيت الخفجي عند ابوفهاد,, واللي يجي عند ابوفهاد نحبه,,لان ابوفهاد مالك قلوبنا,, واي واحد يعزّه ابو فهاد تلقانا حنا نعزّه على طول ونقدره
واتمنى ان تجمعني بك الاقدار لاتعرف عليك من قرب انشا الله
ولاتروح تسأل ابوفهاد عني لانه والله مايعرف من انا ولاني معلم احد بالمنتدى هذا ,,,
ووالله ووالله والله ان ابوفهاد مايعرفني ولكننا نغليه ,,,

[نواف الفهاد]

الله ..

الله ..

الله .. عليك .. يـــــــا سعد !!

/
\

تلومنا ..

يوم نقول .. وينك ؟؟؟

أكيد ..

ماراح نخليك .. بــــ حالك ..

ونسأل عليك ..

/
\

كل هــــ الحلا .. وتغيب !!!!

وربي ..

مالك عـــــــــــــــذر !!

/
\

الوكاد ..

والله .. إنه حروف من ذهب ..

وقصيدة ..

مايجيبه إلا .. سعـــــــــــــد !!

/
\

لك كل الغلا ..

سلالالام

[عواد العنزي]

سعد

هلا وغلا

قصيدة رائعه الله يعطيك العافيه

وننتظر المزيد من ذوقك العالي

وتقبل مني كل الحب والاحترااااااام

[أبو حاتم ..!]

الونيـــــــــس ..


هلا هلا يالله حيـــّـــــــه ..


لك أكثر يالذيب .. عسانا مانخلا منكم ..


لاتقطعنا يالذيب .. ومرورك اجبـــاري لأستمرارنا معكم ..



..

[أبو حاتم ..!]

عاشق الوحده ..


الله يعافيك ويطوّل عمرك .. وعساي ما اخلا منكم ..



وش حنــّـــا بدون الشعر ..


اما ابو فهاد فهو اخوي اللي ما انجبته امي .. عساه يسلم ..


واذا انك تعرف ابو فهاد زين فكأنك عارفني انا ..


ولا خلا ولا عدم يا اهل الخفجي ..

..

[أبو حاتم ..!]

نواااااااااااااااااااااف ..



الكنز ..

الوليــــــــــده ..







والله مادري وش اقول لك يالغالي ..



ماخليت لي مجال .. الله يطوّل بعمرك ..


ويخليك ربي ذخر لشيبانك ..



يعلم الله انك عديل الروووووح ..



وإن مكانك القلب .. عساني ماخلا منك ..


..

[أبو حاتم ..!]

عواد العنزي ..




هلا هلا يالله حيــّـــــــه ..


الله يعافيك ويطوّل عمرك ان شاء الله ..


ولا خلا ولا عدم ان شاء الله ..

..