السلام عليكم ورحمة الله وبركاته
اولا00اللهم احفظ بلادنا بلاد المسلمين اجمعين..
ثانيا00لايخفى عليكم احبتي ماتعانيه الأمه من هموم حاول شاعركم التعبير عنها بهذه الابيات
[poem=font="Simplified Arabic,4,white,bold,normal" bkcolor="black" bkimage="backgrounds/23.gif" border="solid,4,darkblue" type=2 line=0 align=center use=sp num="0,black"]
يموت الحب في قلب الحبيب الهائم الولهـان = وتصبح ذكريات الحب عنـده مالهـا خانـه
وحب الماء يموت بنفس حتى الهالك الضميان = ولا ماتت بقلبي غيرة المسلم علـى اوطانـه
احب الدين واهل الدين وارض الدين والقرآن = انا شاعر تعيش هموم الأمه وسـط وجدانـه
فلسطين الجريحه تشتكي من لوعة الحرمـان = ومن كابل وبغداد الفـؤاد يعيـش حرمانـه
وفي كشمير والبوسنه وكوسوفومع الشيشـان = عدو(ن)يذبح اطفال وشيـوخ بحجـة أمانـه
وخلانا محطه للتجـارب والسـن النيـران = صواريخه من البحر البعيد تصـب نيرانـه
اخذ خيراتنا منـا وحنـا نشاهـد العـدوان = وصيرنـا مساكيـن نتحـرى عنـد بيبانـه
خذونا بتهمة الأرهاب والتخريـب والبهتـان = وحنا اللي عمرنا الكون عمرنا غابر ازمانـه
اموت الفين مره كل ماأذكر وقتنا اللي كـان = والى مني تذكرت اندلسنا وروعة اغصانـه
والى مني تذكرت ان لنا بسالـف الأزمـان = مواقف ترفع الهامه وتاريـخ (ن )ببرهانـه
اقول اشلون صرنا ملطشـه للعالـم التعبـان = نخطب الود من قلب المعادي بضمة احضانه
تحـول عزنـا ذلـه تحولنـا بـلا عنـوان = هويتنا فقدناها غريـب (ن)ضـاع عنوانـه
متى نصحوا من الغفله من الذله من الحقـران = متى نرفع عن امتنا عذاب (ن)ذاقـت الوانـه
الى الله نشتكي قلة جهدنا وحيلنا اللـي هـان = سلاح المؤمن الصادق يكون احيـان بلسانـه
انا ياخالقي عبدك طلبتـك ياعظيـم الشـان = تعز الدين واهل الدين كل(ن)تبهـج اعيانـه
لابد الفجر مايطلع وشمسـك يالنهـار تبـان = ومن في ذمتـه دين(ن)يبـي يلقـاه ديانـه [/poem]
وسلامتكم
كونو بخير
العرض العادي
