مما اعجبني00
نعلم جميعا بمدى ضرورة ايجاد زفات وأشعار رائعه لاعراسنا, كما نعلم ان العروس منا تحتـــار
حتى تستطيع أن تجد كل ما هو جديد من اشعار وكلمات واحلي الزفات لتتميز فى هذه الليله الرائعه
والعيد جاي والزواجات راح تكثر
:::
انتي المـــلاك
:::
انتي المــــلاك.. انتي المــــلاك
الى علي الارض يختـــــال
يمشى فخر والناس حوله ودونه
وانتي الملاك الى علي العرش ما زال
عرش الجمال الى يزلزل دكونه
من قال.... من قال زولك يحجب الشمس
من قال ....من قال قلبي يسحرنه عيونه
إاليا يا مشى فالارض صابه بزلزال
ول يا بحر للورد بانت فنونه
وصلت
:::
وصلت وانتشر عطرها والقصر مالى نورها
وقفت علي صدر الفرح والناس صاروا حولها
حلوه وجميلا زولها ورده هدتنا عطورها
وصفك يا امل احتواه ..الزين يشع بنورها
شفتك عروس
:::
والله وشفتك عروس والله وشفتك عروس
ودمعت عينى
كثر الفرح فيك يا بنتى بكانى
انتى الفرح كله وانتى تهمنى
اسمك ملا قلبي وحبك بشريانى
يا بنيتى يا بنيتى ادرى
انك تحبنى وادرى انك اليله
تفارقى احضانى
يا بنيتى تحبنى وادرى انك اليله
اتفارقى احضانى
لكن لكن كذا الدنيا ودينك ودينى
صرتى عروس وحار فرقك عن اوطانى
انتى الوحيده الى بالحيل تغلين
وانتى الوحيده غيرك الله ما اعطانى
انتى الهنا انتى الهنا وعزى وكامل
سنينى حبي وغلاى وبسمتى وكل
خلانى
وامك وامك سعدها اليوم زاد الفرح فيه
واعطتنى الفرحه وانزالت احزانى
امك حنونه ودايم توصينى عنك
يا اغلي الناس وحبي وعنواني
يا بنيتى اليله عرسك بيعنينى
ابنصحك يا نورى وحبي ووجدانى
رسم شاعر
:::
رسم شاعر رسم شاعر قصيده من خياله
تهز عزوم ساخات القوافى بها ضو القمر
باهى جماله مكمل بالحسن والنور كافى
لقينا العز فى عرس الاصاله وشفنا الناس بالفرحه توالي
اكتب انا
:::
اكتب انا شعرى اكتب انا شعرى
مرسوم بالاوزان وتهانى العراسان
تظهر بابياته ازهر ربيع اول بالورد
والريحان والزهر متبسم زاهى بواحاته
هذا الفرح خيره والطيب به مليان ليته
يطول اليل وتزيد ساعاته
تعزف ليلينا الحب بالالحان
والزهر متبسم زاهي بواحاته
نور النواظر
:::
نور النواظر كلنا بانتظارك
جيتى ونورتى الفرح باحلي فستان
سرتى سرتى وسار الحب ماشيه فى مسارك
ضاع الالم وانتهت كل الاحزان جات البشر
تهتف محبه وتبارك الله يوفق اجمل واحلي عرسان
الزيــــن
:::
محتار محتار بين القوافى والاشعار
محتار والقى لمحاير يدور
ليلة فرح غنت لها كل الاطيار
وشلون اوضح بيض السطور
سيف ..سيف رزين العقل محتار
خافقه اصبح اسر ومأسور
الله يا جمانة تحقق الحلم وصار
واثبته الفرح كل الحضور
شوفيه يضحك من الفرح طار
من فرحته رقصة كل الزهور
سيف رزين العقل محتار
خافقه اصبح أسر ومأسور
الله يا جمانه تحقق الحلم وصار
واثبته فرحته كل الحضور
شوفيه يضحك من الفرح طار
من فرحته رقصة كل الزهور
ست العرايس
:::
ست العرايس واجمل واحلي الحاضرات
خلت قمرنا يشتعل غيره وحسد
صافحت بدينها كل البنات
اخلاقها توزن بماقال وبلـــد
العيون سبحان من خلقها بارقات
والرعد يوم صادف عيونك ارتعد
هي بدور ونور وحور بسمات
دربها درب المحبه والسعد
يا هلا
:::
يــــا هـلا باللي عـيوني مــا تملـه
مـــن لنــا غـيره بها الدنيـا حـبايـب
منزلـه في خـافـقي مــاحدٍ وصـلــه
جـيت لـــه في لهفتي حـاضر وغـايـب
لـك حـبيبٍ صــار طيفك مـثل ظـلــه
مـثل وصـل العشب مـــع ديم السـحايب
صـب عـشـقك فـوق جـمـر الشوق كله
ليــن يصبح مـــن لهيب الشـوق ذايـب
كــــل دربٍ في شـــراييني تـدلــه
لا تقول انــك عــــن التعـذيـب تايـب
سـيف هـجـرك في عـتابـك لا تسـلـه
يــا بعـد كــل الحضور اطـف اللهـايـب
تـعـقـد حـجـاج الزعـل والا تحــلـه
هـاجـسك لو غـاب مــن سـبـع العجايب
يــا حبيبي لـك مــع الغـيبات طـلــه
والنهــايــة جـيت لـك وانــت السبايب
سحابة الحب
:::
سحــابة الحــب الكبــير امـطريــني
رشّـــي بمــاك العــذب يابس نبـاتي
صـرتي مـع الأيــام منّــي وفـــيني
وصـــارت بدونك مــا تـساوي حياتي
ان كـانها تسـمح ظـروفـك عطــينـي
تــكفين خــلّي عـنّك البـخل.. هـاتي
فــيك الأمــل معــقود .. لا تخـذليـني
بــانك تعــيدي روح بــاقي شــــتاتي
وانـا الــذي قــدْمت لك نـون عينـي
من هـو يــسـوي مع حبـيبه سواتـــي؟
مــدّي يــدين الحـب هـاذي يدينــي
غديــت كالعمــيـان ضـــاعت عصـاتي
ارجــوك انا محـتاج لك سـاعديـنـي
لا مـن ضـوانـي اللـــيـل جانـي مماتـي
عيني تتوق
:::
وش كــثر احـبك انــت وش كـثــر احبــك
لا صــار كــل النــاس من بــعدك اغراب
ايــه اتــشرف واعــشقك وافــتخر بـــك
ولا كــل مــن بالـقلـب يـفـقد الى غـاب
البـــارق اللــي شــال عــطـرك وصـبك
ويـــن آخــذك مـن دمـعــةٍ بين الاهداب
تبــعدنـي اللــحظــه واســافر بـــدربك
جيــتك وانــا شــاريـك ما جيـتك اعجاب
شــف كـــم تتـــوق وبـــشرتني بقربك
عـيـن ٍ تمــنـيني على شـوف الاحــباب
مــا ينــتهي بالحــب شـرقــك وغــربك
يـا كثـر ما ودى ويــا كثــر ما جــــاب
يــا لــب ريحــانــك بــقـلـبي وربــك
أغـلـيك انـا لاســباب واسـبـاب واسـبـاب
وفــيت لك مــن طـيب ســاسك وقـلبــك
واشـتقـت لك مــن بـعد ربــعـي والاقراب
وان كان ما انت اغلى البـــشـر وش تـحـبـك
لا صــار اشـوف الـنــاس من بعدك اغراب
مني وانا منك
:::
ما اختارتك عيـني وأنـا بابتعد عـنـك
اغليـك يا روحــي وحقــك عليـــه
لـــو كــان لـوعات الهوى كلها منك
اغلـى حبيبـــه قـــدّمت لي هديــه
اخـاف تنسـى وانت بالروح موطــنـك
سـاكن بــروحي والغلا بالـــــبقيه
مـن عـلّمك تــشغل حبيبك ومكـنـك
ومـــن كـحّل عيـونـك بسـهم المنيه
كل الحــلا يا شمعـة العـمر ساكـنك
وردٍ تمـايل بالغـصـون النــــديــه
اخفــي غلاك وفاضح الشـوق يعـلنك
واشــتاق لك مــن قلــب صادق ونيه
مشــاعري في كل نـــظره تكـونّك
عشـق وغـلا واحـسـاس حب وحـمـيه
اصـبحـت مـنـي يا حبيبـي وانا منك
مـــلامحك مـــا هي علي اجنبيـــه
سر العيون
:::
قـلـب يـحبك يـاهناه وربـيعه
لا غـبت عـنه شوي زاد التياعه
والـعمر مـوحش والليالي مريعه
قـبلك واحسب ان الثواني بساعه
والـلي مضى قبلك بالايام ضيعه
مـن يوم انا طفل بسن الرضاعه
شـفتك وحـبيتك وصارت طبيعه
ومـاعاد عندي عنك صبر ومناعه
ودنياي صارت في عيوني وسيعه
وحظي معك هب السعد في شراعه
ولـوزين كل الناس جاني جمعيه
صـديت مـالى غير قلبك طماعه
حـبك مـلك قلبي وما قلت اطيعه
ومـنعادتي مـا اقول سمع وطاعه
وسـرك اعـيوني للهدب ما تذيعه
يـاصبح عمري يا بشاير شعاعه
الـيوم وامـس وكل ويوم وتبيعه
مـاهم قـلبي غـير حبك ولاعه
مـن نـال مثلك كيف يقدر يبيعه
الـموت اخف من القهر في وداعه
ومن عاش مثلي في مراتع ربيعه
يـنسى عـناه و عبرته والتياعه
مرحبا بالأجودية
:::
ياهلا باللي لفتنا مرحبا بالأجودية
ننتظر لحظــــــــــــــة حضورك ياهلابك يالأميرة
حي ذاك النور وجه يشع بنور ضيه
كالقمر نصف الشهر وغطا على شبه الجزيرة
حي طرف ناعس زادك جمال وجاذبية
والعيون الخــــــــــــدر منهو شافها ربي يجيـرة
حي هاك الشفه اللي برقها كالسكرية
مبسم كله عذوبــــــــــــــه بمنطق ذرب يديره
والخشم كالسيف حده ربنا ماخلق زيه
جل رب صاغ حسنك يحرســـــه ويعطيك خيره
حي هالضحكه الخجوله يالهنوف الغشمرية
أشهد أن اللي نظر زينك غدت عينه كسيره
يافلانه بنت فلان يالغزال الأجوديه
العذارى في حضورك حالهن حاله خطيره
البعض سمّى وكبّر ذاكر رب البرية
والبعض منهم تلعثم والبعض مليان غيره
والأصل مابه كلام ( ) بدوية
أدب وسمعه طيبه وأخلاق ستيره
بنت فلان من أبوها مآخذه عز وحمية
هي أصيله بنت أصيل للفخر مرجع وسيره
وفلان أبوها اللي ماتخلا عن خويه
بالعلوم الطيبه كل عناله يستشيره
وفلان أخوها جعلها سنينه مديه
في طريق الحق ماشي الله أيّسر مسيره
وفلان عضيده مامشى دروب ردية
كل شين صد عنه وكل صعب يستثيره
ويالمعرس اليوم جبنالك فلانه الفلانيه
هالله هالله بفلانه هالله هالله بالأميره
المواضيع المتشابهه
اشعار للعروس0000
العرض العادي
