عارفن اني ابتعب

[طليفيح]

&عارف إني أبتعب&


عارف إني ابتعب ساعة قليبي هــواك
..........قلبي الطيب تسرع ما صبر والله يعـيـن

ساقني غصب علي حطني بلحظـة وراك
...........شلت هم فوق هم ما كسبت إلا الونـيـن

شفت فيك الزين كله جل ربي اللي عطاك
...........من وراء هالزين قلب قاسي عيا يـلـين

كم تغنيت بجمالك كم تمنيت الهـــلاك
...............لا ذكرت إني بوهم ما تحقق من سنـيـن

كل ما أقبلت بحناني رحت تعطيني قفـاك
............لين متى همي وغمي لين متى أبقى حزيـن

يا غزال أتعبت فكري راحتي والله رضاك
................لا تعذبني كفاية ساعتك متى تـحـيــن