.
..
...
قصيدة مبارك بن فايز البخيت السبيعي التي نسبوها
الى الشاعر مفرج بن مفرح المشعبي السبيعي
وتبداء قصتها في عام1395 هـ كان مبارك بن فايز في الحرس الوطني في منطقة بحره المجاهدين مابين جده ومكه المكرمه وكان كريم وبيته لا يخلا من الضيفان مع أنه كان رجل محتاج ولديه إمرئتين وكثير من الأبناء .
وفي يوم الأيام قاموا جيرانه المقربين له وأنسابه بمعاتبته ويقولون منت حاتم الطائي حتى تسوي بنفسك كذا.
وكان وقتها الرجال يسوي القهوة ومع كثرة الكلام اللي عليه سج وحط بهار القهوة في بريق الشاهي وشافوه ربعه وقوموه من المعاميل وهاضت قريحته بـ الأبيات هذي..:
[poem=font="Simplified Arabic,6,royalblue,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
سجه مع الهاجـوس طبيعـةٍ لـي=طبيعةٍ بمـوت مـا جـزت منهـا
اشكي على الخلاق وارفع له ايـدي=لا كثـرت الافكـار يفـك منهـا
اما الكرم قد فازبـه حاتـم الطـي=حتى الفرس من شان ضيفه طعنهـا
خلوني اكرم في حياتي وانـا حـي=ولا مت مدري جثتي مـن دفنهـا
خلقت في الدنيا وانا ما معـي شـي=وبروح منها مامعـي شـي منهـا
مسكين ياللي تحسب الواجد اشـوي=والعافيه لـو تنشـرى وش ثمنهـا
يا جاهل الدنيا تراهـا كمـا الفـي=يا مخبل اللي فـي حياتـه ومنهـا
ان ناحرت لك قامت تروح واتجـي=مثل الذلول اللـي طويـلٍ رسنهـا
وان دبرت خلتك طايـح ومرمـي=وكم واحدٍ له حاجـةٍ مـا ضمنهـا
لا بد مانرحل عن المـزح والغـي=ونسكن بيوتٍ قبلنـا مـن سكنهـا
النفس مثل الغصن عايش على الري=ولولاه كل الناس عافـت وطنهـا
يالله عسا الحسنات تقضي على السي=لا قربـوا للنفـس ذرعـة كفنهـا [/poem]
...
..
.
المواضيع المتشابهه
العرض العادي
