قبل فتره مو بعيد قرأت مقال باحد الجرايد حسيت ان كاتبه يتكلم عن اللي بنفسي
طبعا احتفظت بصوره المقال لكن للاسف ماقدرت احمله على الموقع لسبب الله اعلم به
المهم المقال كان ينقل حوار قصير دار بين سعودي ولبناني
لكن معنى هذا الحوار اكد ما اراه يوميا في مجال وطبيعه عملي كموظف بنك وهو الامر اللذي يصيبني بالاحباط الشديد والقهر ولكن ليس الحسد
بنقل لكم المقال وبعلق عليه وبنتظر تعليقاتكم بفااارغ الصبر
عنوان المقال
العراوي
طوني : سلطان حبيب قلبي شو هالسيارة ؟؟؟
سلطان : هذا سلمك الله عراوي .
طوني : شو يعني عراوي ؟؟
سلطان : يعني بيك اب
طوني : ياخيي فهمان عليك وبعرف البيك . بس ليش راكب هالسياره وانت جامعي وموظف اداري ؟؟؟
سلطان : لأني اكد عليها بالليل.
طوني : طيب ياخيي اشتريلك سياره متل سيارتي كبيره وواسعه!!
سلطان : ليش وش سيارتك ياطوني ؟؟
طوني : رنـــــج روفـــــر .
سلطان : ماشاء الله .. بكم هذي ياطوني ؟؟؟
طوني : شي 250 الف ريال بس .
سلطان : ليه كم راتبك ياطوني؟؟؟؟؟؟؟
طوني : ياخيي عم أستلم راتب اساسي 50 الف
وبدل مواصلات 10 الاف ريال
وبدل اتصالات 8 الاف ريال
وبدل تذاكر سفر وغربه 5 الاف ريال
وبدل طبيعه عمل 3 الاف ريال
طوني : وانت كم تستلم ياسلطان ؟؟
سلطان : 3210 ريال
طوني : وهيدا بدل شو ؟؟؟؟
سلطان : هذا سلمك الله بدل ما اشحت !!!!
تعليقي على الموضوع
والله البدلات اللي يستلمها طوني بالمقال كلها موجوده لكــن !!!
لغير السعوديين
وقفت على اوراق موظفين بشركات سعوديه لهم اكثر من 10 سنوات موظف ولا يستلم اكثر من 3700 ريال !!
يمكن يجي سؤال وش الله حاده عليها ؟؟
اكيد الحاجه
انا والله لا احسد غير السعودي ولكن السعودي اولى فيها لعده اسباب
1- المبالغ والرواتب غالبا ستصرف هنا بالسعوديه
2-سد حاجه المعوزين بتلك المبالغ بدل الاكتفاء بر
3- ارتفاع المستوى المعيشي ولو بنسبه بسيطه في المجتمع السعوديه
4-والاهم بنظري (ابن البلد )
والقهر الاكبر صديق لي سعودي معاه دبلوم اشتغل في معرض سيارات لاكبر الوكالات بالسعوديه
بدأ بـ 3000 ريال
بعدها بـ سنتين
اصبح مشرف على الصاله
ولازال 3000 ريال
وبعدها بسنتين
اصبح مدير صاله العرض
ولا زال ورب البيت 3000 ريال
بعدها مساعد ونائب مدير المعرض
زي ماتوقعتوا 3000 ريال !!!!
كلم المدير العام وقاله ياخي اكثر من 7 سنوات معكم ولارفعتوا راتبي ولوا مجامله 100 ريال ؟؟؟
والادهي والامر محصل بالمعرض نفسه من جنسيه عربيه راتبه 5000 ريال غير العمولات !!!
اللهم لا حسد ولكن ابن البلد اولى والأقربون اولى بالمعروف
اسف على الاطاله اعزائي
وبأنتظار ردودكم
العرض العادي
