[frame="9 80"]
إسمعي صمتي أبحكي بالنظر
عن شطون القلب بنزف لك قصيد
في دروبي عجّ وجبال وخطر
شمس تجلدني ونار ٍ بي تقيد
ثار بي دم ٍ عصاني وإنهمر
وإمتلا كاس العمر دم ٍ نضيد
والصبر ما عاد أسميه الصبر
الصبر جلاّد واتباعه عبيد
من نشدني قلت أنا حظي عثر
حالف ٍ هالحظ يمِّي ما يحيد
إمتلا وجهي تجاعيد وعمر
وإنثنى زندي مثل عود الجريد
مايموت إلاّ الشجاع من القهر
ومايعيش إلاّ الجبان إلّلي يكيد
كل وقت ٍ فيه دجَّال ٍ عوَر
وكل طاغي له نديد ٍ به شديد
ماربح من سب أقدار الدهر
من يسب الدهر يبشر بالوعيد
أشتكي لك بس لكن بالنظر
وإن تعرَّى الدمع لبسّته قصيد[/frame]
[frame="9 80"]
صدْق الوفا[/frame]
المواضيع المتشابهه
[/align]
العرض العادي
