....(( الـًِـشًِـاًِصًًٍٍُِِ ..ًَِ!ًَِ!ًَِ )) ....!!

[الضيغم]

[align=center]السلام عليكم ورحمة الله وبركاته ....!!

وش رايكم بالشاص الي غادين تقل كامري ولا ماكسيما من عبث البزارين...!!






يقول الشاعر:




يا لشاص جيتك ناوي اليوم أعزيك
..................................قرب يجيك الموت حان ارتحالـك


من يوم شفنا لابس الكاب راعيـك
..................................مدري وش اللي غير اليوم حالـك


أبو غريـره كنهـا شكـة الديـك
..................................يمشـي وكنـه مـوردك للمهالـك


إن كـان ذا حالـك فحنـا نخليـك
..................................عقب الربع قالـو ترانـا رجالـك


عقب الكوامري ولعبن بالشرابيـك
..................................واليوم فوق الشاص عقب الكدالـك


مـا بقـى الايقلبونـك تماتـيـك
..................................ويبدلـون المرتـبـه بالمـدالـك


مادام حطولك جنـوط وسيراميـك
..................................اصبر وتحمـل كـل شـي ينالـك


يا للي ركبته وش تبـي بالمهاليـك
..................................غلطان أبوك اللي رضا وأشترى لك


الشاص ماهو لك ولا هـو باغيـك
..................................الشاص للرجال اللي تعرف المسالك


لصار جو البـر يمخـش اياديـك
..................................خله يجـي قرمـن يسوقـه بدالـك


مدام طوقك مرتفع عـن علابيـك
..................................وأبـوك زوُد بالنعومـة دلالــك


عز الله إن أبوك ما عرف يربيـك
..................................ولامسك نصب المساحي بشمالـك


لمع وضلـل صافيـات الشبابيـك
..................................ولا يفارق الفيري مع الوقت بالـك


الشاص مالك به أقصارٍ خطاويـك
..................................حـدك الدائـري وهـذا مجـالـك

وقواكم الله ..[/align]

[أبومحمد]

الله يخليه الشايب

[][][ SiCK_LOvE ][][]

اي هذا حلو مو اللي بالخفجي على قولتهم ابو شنب :>>>>


الف شكر اخوي عادل على الصوره الحلوه ماتقصر


اخوكم : مـــــحـــــمـــــد

[أبو تـــركي]

ما شاء الله ... بس لو يعطيني لفه ...

الله يعطيك العافيه ... يامشرفنا ...

[حنين]

مشاء الله ويكتبون قصايد بالسيارات

ماعجبني شكله


مادري وش لاقين فيه


يبي سلم علشان الواحديقدر يركبه

[أبو رائد]

ماشاء الله يا عادل

الله يعطيك العافية


وتسلم على موضوعك

[ناصر الشمري]

ماشاء الله يا عادل

الله يعطيك العافية


وتسلم على موضوعك

[الضيغم]

اقتباس أبو تـــركي, أبو رائد, أبومحمد, حنين, ناصر الشمري, ][][ SiCK_LOvE ][][

[glint]عادل يقول :[/glint] مشكورين على الردود الرائعه .. ولا هنتوا ..


ناصر ما ودك نمذرح بالشاص يم الجبيـــــــل ..!!

[ناصر الشمري]

اقتباس ناصر ما ودك نمذرح بالشاص يم الجبيـــــــل ..!!

هههههههههههههههههههههههههههههههههههههههههههه

علشان نحط ابو غلا بالحوض ......!!!!

[عايض العجمي]

يعطيك العافيه ياعادل

يقول أخوك عايض


الـشاص لــلمقناص جاهز مجهز *يبغى شجاع في الليالي دليله
لمن عطيته ثاني القير ثم فز*فزة *شـجـاع قـام يـنجـي دخـيـــله
يبقـى الخـوي مـعـنـا كـريـم معزز*نوقف ونرسي للحمول الثقيله