|
[ يــآعــظــيــمـــهـ ,, ضــيــدآنـ بــنـ قــضــعــآآنـ ]
السلام عليكم ورحمة الله وبـركـاته
أضــع بين يديــكم هــذه القصيدة الرائعه ...
للشـآعــر الكبير [ ضــيــدآآآنـ بـــنـ قــضــعـــآآآنـ ]
ياعظيمه كل شـيٍ لـه حدودولـه نهايـه
لكن انتـي ماوقفتـي عندحـدّك ياعظيمـه
استلذّيتـي بطعناتـي واخذتيهـا هـوايـه
كن مالك حربـةٍ توجـع وطعنـاتٍ أليمـه
آه ليتـك ماتماديتـي بطعنـات البـدايـه
لين صار لكل طعنه فالحشـا معنى وقيمـه
الله يبيحك ولكن كيف فـي أغـرب روايـه
تكتبين الحب كذبه والهـوى دقّـه قديمـه
وانتي اللي كل مالـدّت عيونـك فالمرايـه
مالمحتي الااليتيم اللي خذت قلبـه يتيمـه
واليتيمه فاليتامـى مالهـا حـق الوصايـه
الوصيّه عودهاالغـض ونوايـاه السليمـه
لكن انتي صار لك حق الوصايـه والولايـه
واستبدّيتي وشدّواالبدو واضحيتـي مقيمـه
مارحلتي ليـن حطّمتـي بمافيـه الكفايـه
عاقلٍ حب الجنون وصوت نارك في مشيمـه
استبحتي حرمة المجنون بـادراك وعنايـه
والتفتّي له بعقلك وارتكزتي فـي صميمـه
امتلكتي غايته لوكـان مالـه فيـك غايـه
وانتصرتي في عيونه واعترف لك بالهزيمه
من كثرمايعشقك ماقال لـك بالحـب رايـه
خايف الأيـام لاتطلـع عواقبهـا وخيمـه
في طريقك كل ماكنّه لمـس درب الهدايـه
تـاه ودروب الحياةالمستقيمـه مستقيمـه
تايهٍ بصري ومن جابـه لبيـت الله تايـه
عذر من غمّض بعين وعينه الأخرى كريمه
فدوتك مافات من ليّام واللـي عـاد جايـه
يا بعدعمرٍ مخاسيره معك عنـدي غنيمـه
أنتي الفارع بقـد وجـد واسمـاء وكنايـه
من عشق مثلك يجوزمن الهوى وشداد ريمه
ليه لا وانتي بحسنك في ذوات الحسن آيـه
لاذهب لاماس لاياقـوت لااحجـارٍ كريمـه
شاعرٍله مع هل الرايـات فالمرقـاب رايـه
كـل ماهبّـت هبوبـك فلّهـا قدروحشيمـه
سامحك من ألف باء الذنب الى مالا نهايـه
واستباحك عن خطاه وكـل طـقٍ بتعليمـه
يوم قلتي أعطنـي حرّيتـي أطلـق يدايـه
ما ذخرعن وجهك الا طعنتينٍ فـي صميمـه
|
العرض العادي
