آمر وسمْ

[نبض الحب]

[align=center]
آمر وسمْ


قبل الغرام وقبل مااصير .. مغليك
أعاهدك مااقول : غير ..( آمر وسمْ )

حتى لو إنك قلت : برحل .. وأخليك
بقول لك : تامر على ماتبي .. تمْ

رايح أكون إنسان .. يفهم مباديك
أشاركك بالضحك .. والحزن .. والهمْ

مهتم بكْ .. وأغلي بعد من .. يخاويك
ومن لايهمك ماني ب فيه .. مهتمْ

بفتح لك .. بصدري وقلبي .. شبابيك
وأنقش غرامك وأرسمه .. داخل الدمْ

وإنْ جاك نوم .. رموش عيني .. تغطيك
غمض عيونك وسط عيني وثم .. نمْ

وان قلت لي وش كبر حبي بخافيك ؟؟
أقول أحبك .. بس .. مدري أنا كمْ !!

أبيك تسرقني .. لروعة مراسيك
وأموت بك موتة غريق ٍ .. وسط يمْ

أبيك تدرك يوم انا جيت أماشيك
قصدي تكون أقرب من .. الخال والعمْ

قصدي تبعثرني .. اليا مر طاريك
وأحنْ لك .. وأجيك .. ملهوف ل اللمْ

قصدي أعشقك .. وأتمناك .. وأرجيك
وأشفق على شوفك.. وضحكك .. مع الضمْ

وأضيع في شعرك .. ودافي أياديك
وأذوب بالوانك .. وروجك على الفمْ

أبيك تفهم ..!! يمكن أقبل تماديك
وأسامحك لااخطيت .. وأقول : ماهمْ

لكن ..!! لو إنك قلت : برحل وأخليك!!
بقول لك أبشر .. على ماتبي .. تمْ[/align]

تحيا تي الاعز وغلا ناس في اروع منتدى

[أبو رائد]

نبض الحب

سلمت على هذه القصيدة

والله يعطيك العافية

[داعــ العين ــج]

هــلا بك


نبض الحــب



قصــيدة رائعــه



سـلمت آنـآمـلك على النقل الـرائع

[نبض الحب]

اشكر اخي ابو رائد على مرور ك الرائع
والله لا يحرمنا منك يا رب

[نبض الحب]

اخي داعج العين لك مني كل الشكر والحترام والتقدير
على مرورك الكريم والله يعطيك الف عا فية يا رب