[poem=font="Times New Roman,5,black,bold,italic" bkcolor="transparent" bkimage="backgrounds/43.gif" border="none,4,gray" type=2 line=1 align=center use=ex num="0,black"]
انا اشهد ان الوقت قاطع وبوار=ولا وش اللي يهين ذيب الشلايا
والموت من حظن لنا طاح ماثار=حظ للعزيز انذل بين البرايا
لو المناصب كسب بجيوش وامهار=منصب رياسي فوق كور المطايا
وقتن مشينا فيه مع ساس وجدار=من عقب ماكنا نقود السريا
هذا اللي خلا الشعب منهار منهار=ان راجع المسؤول شاف المنايا
ومن طالب بحقه وله دين باقرار=قالو توكل كوم ياخي القضايا
يعني الضعيف ان طالب الناتج اسطار=ونبدا من الفراش وعدو ورايا
من ضيم سلطة من تسلط علي احرار=سلطة ردي النفس مرشي بهدايا
وكشف الحقايق ميزتي بين شعار=ونذرن علي مامدح قلييل الحلايا
وكرسي المناصب طلعو منه تجار=وياء النسب ممنوع ماهي حجايا
الا اللي مابه مر ويكون سكار=ويصير فوطه كان يبغا مزايا
دام الزمن اصبح لصانع وحمار=ولا لحج ولم يعد او شوايا
مدري الزمن ولا تصاريف الاقدار=مدري القضا مدري حظوظ وعطايا
وقت الخنا منه غدا البال محتار=وقتن لعن مثلي وبذ الخفايا
فيه الردي عن عيبه يدس بستار=وعيال القبايل فيه امسوا عرايا
مدري البشر ولاالزمن صد واندار=ومن واجبي افضح فضايح خبايا
ولا رداة الحظ تطفي لنا النار=ولا بياض القلب وحسن النوايا
وقت يضد فحول وافين الاشبار=عيال الحمايل بدو او من القريا
اهل الرمك لاعكر الجو بغبار=تحاذفو بغبارها مثل الشظايا
مدري علام الحظ من وين ماسار=مخطي السنع ولا الخطا هوخطايا
قلبي ياخوكم منكر الوضع انكار=وعقلي انلحس ملحوس نص الخلايا
وعطني الوصيه يابناخي والاشوار=وكانك مرد الشور هات الوصايا
[/poem]
اخوكم/عبدالله بن ضيف الله الشملاني
المواضيع المتشابهه
العرض العادي
