كل عام وانتم بخير
صوت وصدى بيني وبين الاخ عوضة بن سويلم الشهراني
يقول ابن سويلم
[poem=font="Simplified Arabic,4,black,normal,normal" bkcolor="transparent" bkimage="backgrounds/23.gif" border="none,4,gray" type=0 line=0 align=center use=ex num="0,black"]
[poem=font="Simplified Arabic,5,black,normal,normal" bkcolor="transparent" bkimage="backgrounds/23.gif" border="none,4,gray" type=2 line=0 align=center use=ex num="0,black"]
الونة إللي تضوي القلب في الليل = ونة مريض ما لقى له مداوي
باسبابها ذقت العنا والبهاذيل = ويا كثر همٍّ في المعاليق ضاوي
دارتبي الدنيا سواة المحاحيل = ولاني على حكم المقادير قاوي
يا طير ياللي بين ذيك المحابيل= طيري وحش من دونه الذيب عاوي
عيني تراعي نجمة الجدي وسهيل=وقلبي على وجهة دياره نحاوي
في كف شاوي ما يفيد المحاصيل= الحظ ورَّده القليب الرهاوي
الطير غالي ما تجيه المراسيل = وصله محرَّم من شيوخ الفتاوي
لا يا حسن وقتي هموم وغربيل =وكني على الدنيا وحيد شقاوي
اسلى مع الذكرى وبعض المداهيل = تجرح ضميري في الزمان السناوي
انا نصيتك بين كل الرياجيل = حيثك تحل معلكمات الدعاوي
ارشد صديقك في الليال المقابيل = واقنع برأيك يا بعيد الهقاوي [/poem][/poem]
وكان ردي الابيات التالية
[poem=font="Simplified Arabic,4,black,normal,normal" bkcolor="transparent" bkimage="backgrounds/23.gif" border="none,4,gray" type=2 line=0 align=center use=ex num="0,black"]
[poem=font="Simplified Arabic,5,black,normal,normal" bkcolor="transparent" bkimage="backgrounds/23.gif" border="none,4,gray" type=2 line=0 align=center use=ex num="0,black"]
يامرحبا ما يذكر البن والهيل = وعداد ما ينساق من عود جاوي
وألذ من تمر الغروس المساحيل= وألذ من فرحة عيون الهواوي
يزين تمر مطرّفات مقاليل = ويشين تمر مرودفات مراوي
مافاح غرنوق على جاله السيل= ويفوح يشموم من الحر ذاوي
يشقيك محبوب قريب المواصيل= ويغنيك محبوب بعيد الحراوي
أحدٍ خذا الحكمة من آيات تنزيل = وأحدٍ يدوَّرها بشرح الطحاوي
من يقنص الصيد الحذار المجافيل = يبطي وبطنه من قرى الصيد خاوي
وان صادها غيره يغنَّي مواويل = ويعدها ذنب النصيب الرداوي
وانت اعتبرها فن من كذبة ابريل = وانهح مع درب جديد الرجاوي
بيبان رب البيت ما هي مقافيل = دامك على حل المكاسيب ناوي
واشرب على فرقا عناها فناجيل = ما ينبغى مال يجي بالرشاوي [/poem]
[/poem]وهذي ابيات عايدت بها على واحد شرواكم في الجوال اشوف انكم تستاهلونها
[poem=font="Simplified Arabic,4,black,normal,normal" bkcolor="transparent" bkimage="backgrounds/15.gif" border="none,4,gray" type=2 line=0 align=center use=ex num="0,black"]
[poem=font="Simplified Arabic,5,black,normal,normal" bkcolor="transparent" bkimage="backgrounds/15.gif" border="none,4,gray" type=2 line=0 align=center use=ex num="0,black"]
راكب إللي لمحته لا نويت إللي تريد = كنها ذروة نصوب ورى قمة قرى
كن ليته لا توجهتبه في كل بيد = نور بكَّار من الوسم براقه سرى
نصَّه إللي فاله الطيب والذكر الحميد= واستمع زين التراحيب وعيونك ترى
عيدكم عيد المسرات والعلم والوكيد= المشاعر سلعة ما تباع وتنشرى [/poem][/poem]
المواضيع المتشابهه
[/align]
العرض العادي
