أطباق رووعه((6))جديد.16 وصفه

[سـَمآ ♪]

السلآم عليكم

مسَاء / صباح النور



منوع بين سلطات و حلا عشا وحلآ قهوه

إن شاء الله ينآل على إعجآبكم

نروح نشوف المنيوو

1- مكرونة نودلز الصينيه
2- سلطة الذرهـ
3- سلطة الشاورمـا
4- سلطة كسرى
5- السلطة الفرنسية
6- السلطة الحلوهـ
7- كوكيز
8- الكيكة السوداء
9 - حلا الأوريو
10 - حلا كاسات المالتيزر
11 - حلا عشـا
12 - آيسكريم القبـه
13- تشيز كيك
14 - وجوهـ التست
15- الكنافه
16- خلطة الكابتشينو

[سـَمآ ♪]

مكرونـة نودلـز الصينيـه





المقادير /

1 ملعقة زيت
حبة كبير بصل ( يقطع شرائح )
جزر مقطع بالطول
فلفل احمر مطحون أو عادي على حسب الرغبه
فلفل رومي ملون ( احمر + اخضر + اصفر ) يقطع بالطول
فلفل حار
2 فص ثوم ، ملعقتان خل ابيض
حبة ماجي
3 ملاعق صلصة الصويا المالحة

صورة لـ المكرونة



الطريقه /

نحمس جميع المقادير السابقه
بعدين نجيب مكرونة نولدز نسلقها لحالها
3 دقايق ما تطول
بعدين نخلطه مع المقادير اللي حمسناها
وبالعافيه


* * *


2 - سلطـة الذرهـ





المقادير :

زهره مقليّه
ذرهـ
ملفوف
خس

*

الطبقه الأولى

زهرهـ
الثآنيه : ملفوف مقطع
الثالثه : ذره
بعدين الاخير خس

الخلطه اللي فوق /

1 زبادي
ملعقتين مايونيز
ملعقه عصير ليمون
ملعقه زيت زيتون
شوي ملح
فص ثوم صغير



وبالعـآفيــه

[سـَمآ ♪]

[align=center]
3 - سلطـة الشآورمـا





سلطه الشاورما /

المقادير /

بطبق التقديم نحط الطبقه الأولى :
كاس ونص بقدونس مفروم

الطبقه الثانيه /

3 بصل أبيض مقطع شرائح طوليه رفعيه ويخلط بـ 2 ملعقة سماق

الطبقه الثالثه /
صحن دجاج فيليه ( 4 قطع صدور بدون عظم ) يقطع صغار بعدين يخمر بـ ( علبة زبادي + ملح + عصير ليمونة + فلفل اسود ) مدة ساعة .
بعدين يحمس على الناس وإذا بدأ ينشف ويمتص السوائل نحط ثلاث أرباع اصبع زبده ويحرك بعدين نحط الطبقه على السلطه.

الطبقه الرابعه /

3 بطاطس تقطع اعواد صغيره ، بعدين تقلى بالزيت وتترك على ورق نشاف لتمص الزيت بعدين توضع الطبقه 4
* ممكن بدل البطاطس نستخدم البطاطس الجاهز .

الطبقه الخامسه /

الصوص ، طريقته :
علبه زبادي + مايونيز + ملعقة طحينية + فص ثوم مهروس + ملح + ملح ليمون ) يخلط بعدين نحطه فوق السلطه .

الطبقه السادسه والأخيرهـ /

2 خبز مفرود مقطع مربعات صغيره مقلي بالزيت ...









* * *




سلطـة كسرى







المقادير /

(أ) الدجاج :
2 قطه دجاج فليله ( نصف الصحن )
ربع اصبع زبدة
تتبيلة الدجاج :
2 ليمون معصور
فص ثوم مهروس
ملح
رشة فلفل اسود

(ب) مقادير الصوص :

واحد ونص علبة زبادي
ملعقة طحينية
خل
1 ليمون أو ملح

( ج) الخضار /
1 خس أمريكي
1 فلفل رومي
2 حبة بصل اخضر
نص كأس بقدونس


الطريقه /

1- يقطع الدجاج قطع صغيره وبعدين ننقعه بالتتبيله ويترك مدة ( 1-2) ساعه بالثلاجه

2- تذوب الزبدة على الناس بعدين يحمس فيها الدجاج بعد ما يصفى من التتبيله ( النار تكون هادئه )
ونحركه بين كل دقيقه ما ياخذ وقت طويل 10 دقايق او اقل شوي

3- يقطع الخش شرايح عريضه ويقطع الفلفل الرومي قطع صغيره
والبصل الاخضر والبقدونس نفس الشي وتخلط مع بعض

4- نجيب الصوص بعد خلطه .

5- تحضير الخبز اللي على الجوانب :

- نجيب خبز مفرود وتقطع 8 مثلثات
- تفكك كل طبقه عن الثانيه ، يصير عندنا 16 مثلث
- تدهن المثلثات بشوي زبده ذايبه ، وبعدها ترش بالزعتر وتحمص بالنار من فوق من كل الجهتين

طريقه التقديم /

نخلط الخضار مع الصلصه ونحط فوقه الدجاج
وعلى الجوانب نصف الخبز



وبالعافيه


* * *

[سـَمآ ♪]

5- السلطه الفرنسيه





المقادير /

جزر
خيار
شبت

نقطعه حلقات

ونخلطه مع الصلصه الفرنسيه ( فرشلي )



* * *




6 - السلطـه الحلـوهـ




المقادير /

خس امريكي
وخيار
فلفل ملون

نقطعه مربعات


الصوص /

1 علبة قشطه
1 علبة مايونيز ( نقيسه على علبة القشطه )
2 ملعقه كبير سكر مطحون
ملعقة كبير صلصلة الصويا ( المالحه )
ملعقة كبير كتشب
ونص ليمون
نص فنجال شاهي حليب المراعي
ملعقة كبير خردل

[سـَمآ ♪]

7 - كوكيز






المقادير /

كاس وربع دقيق
1 وربع اصبع زبده
بيضه
ملعقه كاكاو مُرّ
1 ملعقة صغير فانيليا
1 ملعقة كبير باكينج بودر
كاس إلا ربع سكر مطحون
حبات هرشي

الطريقه /

بالخلاط ( بيض + السكر + الفانيليا + الكاكاو )
بعدين نضيف المقادير الثانيه ونعجنها
ونسويها كور ونحط حبه الهرشي أو نخلط حبات الهرشي مع العجين




* * *



8 - الكيـكة السوداء





المقادير /

(1)
خليط كيك بالشوكلاته مخبوز بالفرن

(2)

3 قشطة
3 ظرف دريم ويب
3 ظرف كراميل
نص كأس حليب سائل

(3)

ملعقه صغير كاكاو بودرة
ملعقه صغيره نسكافيه

للتجميل ( 2 كاكاو فليك مفتت أو جاكسي مبشور )

الطريقه /

- يفتت الكيك ثم ينثر ثلثه في قاع صينيه الشيز كيك ( اللي تفك )
ونضغط عليه شوي باليد عشان يتمساك

- نضع مقادير (2) بالخلاط إلى ما يتجانس
- يسكب ثلث الخليط بالصينيه فوق طبقه الكيك
ثم الثلث الثاني من الكيك المفتت مع الضغط الخفيف عليه باليد

- نسكب الثلث الثاني من الخليط فوق الكيك ثم الثلث الاخير من الكيك ونعيد نفس حركه الضغط الخفيف باليد

- يضاف إلى باقي الخليط مقادير (3) وتخلط بالخلاط وتسكب فوق طبقه الكيك
ويرش فوقه الفليك أو الجالكسي المبشور

وبالعآفيه



* * *

[سـَمآ ♪]

9 - حلا الأوريـو




" ـآلطبقه الأۉلى "

أوريو مغمس بحليب

" ـآلطبقه الثآنيه "

بـ / الخلآط ڪآس حليب محموس علبتين قشطه
نص فنجآل قهوه سكر
ست أصآبع توفي ( يمووع بالميڪرويف أوحمآم مآئي قبل أن تضعينه في الخلآط )

بعدين يصب علآ ـآلأوريو

" ـآلطبقه الثآلثه "

نستله + ڪيري يصب القليل منه على الطبقه الثآنيه ..

ـآخر شي يجمل بأشڪآل مختلفه [ جوز هند , فستق, ڪورن فلڪس , ڪآڪآو.... ـآلخ ]




* * *



10 - حلا كاسات المالتيزر





الطبقه الأولى /

كيك كاكاو سويسرول نقطعه حلقات ونصفه بكآسات التقديم


الطبقه الثانيه /

بالخلآط
( 1 علبة قشطه + 4 حبات جبن كيري + بسكوت مطحون اولكر + نص علبة نستله )

إذا خلطناه نحطه فوق الطبقه الاولى

الطبقه الثالثه /

جالكسي ساده ( نسوي له حمام مائي )

بعدين نخلط الجالكسي مع نص علبه قشطه بالخلاط

ونحطه فوق الطبقه الثانيه

ندخله الثلاجه عشان يبرد ، بعدين نحط فوقه حبة مالتيزر

وبالعآفيـه على قلوبكم

[سـَمآ ♪]

11 - حلا عشـا






المقادير /

1 باوند كيك
بسكوت اولكر

مقادير الخلطه /

12حبه بسكوتت اوريو مطحون
2 قشطه
1كريم كراميل
1دريم ويب


الطريقه /
1- يقطع الكيك شرائح ويرص في صنيه تيفال مغلفه ببلاستيك
2- توضع نصف الخلطه
3- يرص بسكوت اولكر
4- نضع باقي الخلطه
5- الكيك مره ثانيه
6- نضعه بالثلاااجه أو الفريزر ( ساعه كآمله أو أكثر على حسب تماسكه )
7- بعدين اقلبه
8- بودره جالكسي بالمشخاله واحطه فوق الكيك
9- اجيب شوكه وسكين وبالمشخاله احط سكر مطحون

كما هو موضح في الصوره





10- مع الزوايا اصف دموع هرشي

وبالعافيه




* * *





12 - حلا آيسكريم القبـه






(1)
3 ظرف دريم ويب
نص كأس حليب سائل

(2)
6 جبن كيري
واحد ونص علبة قشطه
واحد ونص ظرف كريمه كراميل

(3)
5 حبات بسكوت شاهي مكسر
4/3 كأس كورن فليكس بالشوكلاته

(4)

نص علبة قشطه
ونص ظرف كريم كراميل
ونص ملعقه صغيره نسكافيه
واحد ملعقه كبيره كاكاو بودرة



الطريقه /

- تخفق مقادير (1) بالخلاط إلى ما يتضاعف حجمه
بعدين تضاف مقادير (2) وتخلط إلى ما يتجانس وتصير الخلطه ثقيله

- نلبس صحن مقعر بلاستيك ونحط كميه من الخلطه
بعدين يرش البسكوت المطحون فوقها
بعدها نعيدن هالحركه
نحط كميه من الخليط ونرش فوقه البسكوت المطحون
آخر شي نحط باقي الخليط
وندخله الفريزر إلى ما يجمد

- اذا جمدت وتماسكت نقلبها على صحن التقديم

- نخلط مقادير (4) بالخلاط ونصبه على الوجهه بشكل عام وعشوائي
وينثر على الجوانب كورن فليكس الشوكلاته
ونجمله بهرشي أو شيره أو توفي

وبالعآفيـه







* * *

[سـَمآ ♪]

13 - تشيز كيك





الطبقه 1

إصبع زبده + بسكوت ديجستف يخلط ويصف بالصنيه . ( يا بقوالب الكب كيك اذا تبينه صغير
وحطي على القاعده قصدير عشان يسهل تطليعه ، أو بالصنيه المتحركه )

الطبقة 2 البيضا ^^

3 بيضات ، كاس إلا ربع سكر مطحون ، 2 ملعقه سكر بني ، ملعقه صغيره فانيليا ،
ملعه ونص دقيق ، ربع كوب كريمه خفق ، جبن فلاديلفيا 500 قرام ( يعني نجيب الصغير 200 قرام ومع الكبير 300 قرام )

كل المقادير هذي بالخلاط بعدين حطيه فوق البسكوت ودخليه الفرن من تحت
وشوي بس فوق يقعد تقريبا نص ساعه او ساعه إلا ربع على حسب تماسكه ،
إذا زان دخليه الثلآجه ولآ الفريزر ،

لابرد حطي فوقه الفراوله او التوت

وبالعافيه ~



* * *



14- وجوه التوست






المقادير /

1-
كيس توست
نقطعه حلقات
2-
علبة تونه + جزر + مايونيز ( نخلطه جميع )

نجيب الزعتر والزيتون والجزر

ونزين شعره بالزعتر
وعيونه بالزيتون
وخشته بالجزر

كتقديم للأطفال
ممكن نغلف الوجه ونحط شريطه







* * *

[سـَمآ ♪]

15 - الكنافـه




المقادير /

كيس كنافه
جبن كيري
اصبع زبده

الطريقه /

ناخذ جزء صغير من الكنافه ونمسحه بالزبدهـ
وتوضع قطعه من الجبن الكيري
ونلف الكنافه وبعدين نقصه .
ونستمر بكذا إلى ما تنتهي


* * *



16 - خلطة الكابتشينو




1 فنجال قهوه سكر
1 فنجال قهوه ماء
1 فنجال قهوه نسكافيه

نخلطه لما يصير رغوه

ونحطه على الكوب ونصب الحليب أو الماء


* * *



إنتهينـا

[شوق الغلا]

ما شاء الله تبارك الرحمن ..


سفره عامره بالمأكولات الرائعه ..


احترت وش اطبق منها ..


ما ودى اطلع من متصفحك يالغلا ..


كونى بخير ..