استفسار || الطريق البري لـ الامارات .؟!

[وَ]

:

:


السلام عليكم

الله يمسيكم بـ الخير و السعادة

هذا الله يسلمكم نويت بـ اذن الله اروح لـ الامارات بـ الاجازة الجايه
و بـ اروح بـ السيارة ..

بس ماعندي خلفيه عن الطريق البري لها
و بـ اروح عن طريق الرياض مب من الخفجي

لاهنتو اللي عنده خلفية و خبره بـ الدرب من الرياض لـ الامارات يفيدني

يعني كم المسافه لـ الحدود و كم من الحدود لـ دبي

و وضع محطات البانزين و كيف الطريق مسار او مسارين

ماابي اروح ع وجهي وابلش بـ الدرب خصوصاً ان معاي الاهل


ياليت اللي عنده خبره يفيدتي او يسأل احد راح من قبل


بـ انتظاركم







:

:

[وَ]

:

:







:

:

[لبى جنوني]

:


- الطريق من مفرق الدائري الجنزبي الين الاشارة اللي نلف معها يسار عند مدخل الخرج:

75.880 كيلومتر.


- و المسافة من الاشارة اللي تلف معها يسار عند الخرج الين توصل للمفرق اللي يطلعك على طريق الامارات هو:

178.87 كيلومتر.


(اجمالي المسافة حتي الان = 254.75 كيلومتر)


- و المسافة من المفرق السابق الين الحدود الاماراتية:

237.97 كيلومتر.


(المسافة حتي الان = 492.45 كيلومتر)


- المسافة من الحدود الاماراتية الين الدوار اللي يدخل لمدينة ابو ظبي:

365.39 كيلومتر.


(اجمالي المسافة حتي الان = 857.93 كيلو متر)


- المسافة من الدوار السابق عند ابو ظبي الين وسط مدينة دبي:

135.97 كيلومتر.


المسافة الاجمالية من الرياض الين دبي:

993.90 كيلومتر




وهذا ثاني

الطريق كالتالي:
الرياض- الخرج
اذا وصلت الخرج بعد البرج لف يسار (أول لفة أو ثاني لفة..اسأل هناك)
وبعدين الخط مسار واحد حتى البطحا بس تجي فترات يكون مزدوج
والمسافة من الرياض للحدود 560 كيلو تقريب (ممكن تنقص شوي اذا انت من جنوب الرياض)
ومن الحدود لأبو ظبي 380 تقريب
ومن ابو ظبي لدبي 140 كيلو تقريبا
يعني التوتال 1050 كيلو تقريبا تزود او تنقص شوية
بس الطريق داخل الامارات رائع ازفلته زين وفاضي ومسارين رايح ومسارين جاي
بس اللي من الخرج لين الحدود صحيح جديد بس تغطيه الرمال وغراز جنب الخط وعواصف تعدم وجهية السيارة
وما يمشى فيه بليل ابدا
بالتوفيق وتروح وترجع بالسلامة ان شاء الله

وهذا ثالث

من الخرج الى البطحاء " الحدود السعودية الاماراتية" 470 كم
من البطحاء للغويفات " الحدود الاماراتية " 2كم
من الغويفات لابوظبي 380 كم
من ابو ظبي لدبي 130 كم

المجموع 980 - 1000 كم تقريبا

نصيحة

1- حاول انك تمشي بالليل لانه بالنهار وخصوصا من الساعة 10 صباحا الى العصرية الطريق كله رمل وسافي

انا راحت على واجهة السيارة من هالطريق

2 - حاول انك تشغل النور على العالي

3- حاول انك تفلل السيارة بالبنزين فل من الخرج

4- الطريق وانت راجع تلاقي فيه رمل على الطريق

5- لا توقف لاحد لانه الطريق مقطعه

6- حاول انك تأمن 100 ريال في الحدود الاماراتية / 10 أيام كحد ادنى

7- لاتحرك سيارتك في دبي وخذ تكاسي .. لانه سواقتهم مره نظامية واحنا غشاما واكثر شعب نسوي حوادث في الامارات


ورحلة موفقه

[لبى جنوني]

هذا اللي بحثت لك عنه ..
3 طرقه .. .. عادي اذا حسيت نفسك خشيت الهند ..

[عشق الشمال]

خذ معك ماء يا وَ

ما تدري سبحان الله يمكن هـه وإلا هـه

رافقتكم السلامة ..

[وَ]

:

:


يـ هلا بـ لبى جنوني

ماقصرتي و ربي
كفيتِ و وفيتِ جعلكِ بـ الجنة

بس بعد هـ الكلام الاجمالي حول الـ 1000 كم

و مسار واحد و رمل متحرك و مقطعة


الظاهر اني بـ افكر بـ الطيران و ادور حجز لي احسن لي
الواحد بيروح يغير جو و ينبسط و هـ الدرب شكله مغثه و قلق

ربي يعطيكِ العافية
ألف شكر و ماتكفي يـ الشيخة



:

:

[وَ]

:

:


اهلين عشق

المويه اخذه معاي بـ اي سفره والله
<< من كثر ماخربت سيارته القديمة


الظاهر بنروح طيران . الا اكيد طيران بعد كلام الاخت لبى جنوني


ربي يسلمك .. هإأإأإ ماتخاوي . تصير سفره عائلية و ادبس الحريم معك وادج انا





:

:

[كورن فلكس]

الله يوفقك

[صانع الإبداع]

بالتوفيق لك .....~

[وَ]

:

:



كورن فلكس
وَ

صانع الإبداع



وياكم يارب
ربي يحفظكم و يحيمكم




:

: